JOHAN 1:48 - Khumi Common Language Bible

⁴⁸ Nathanela my ly ni teng y, “Nang ly kai ai mana pany mo?” napi. Isu my ni teng y, “Philipa ly nang ai palau y rai kha y nang thaidu keung anui y awm khala kang niu bo,” nanai pathang.

JOHAN 1:48 Iomraidhean Croise

ISAIA 65:24

Nichi i kai ai chiu nai tem y rai khala my, kai ly nichi i hnei nai pathang pi ai.

MATTHAI 10:3

Philipa hawi Bartholomai py; Thoma hawi akeu cheaung nai keung Matthai py;

MATTHAI 6:6

Na i py nang naini chiu sa khala y ly nang i panglai katem y kun ly, naibaly katheu kho veng iy Ngampo kangviu y awm nai teng y chiu so: hunaibaly Ngampo kangviu y niu reng nai my ly ang heung ai mang.

JOHAN 1:44

Philipa ly Bethsaida avang i khumi ne, huni ly Andria nini Petera i awm nai avang teang.

JOHAN 12:21

naibaly nichi ly Kalili pri y Bethsaida avang i khumi Philipa teng y chei i ni teng y, “Nai awi, kaichi ly Isu ai niu ai nai ngai,” nanai takeng.

JOHAN 14:8

Philipa my ni teng y, “Areng, Ampo ai ly kaichi ai patei kyh ba, hunaibaly kaichi i vui hawi khyp ai,” napi.

JOHAN 2:25

ati mana nai mo nabaly mymy kypkyp ly khumi i paleung theung y awm nai ngierei pany.

JOHAN 6:5

Hunaibaly Isu ly angdeang i khumi mipui ka-teng ny y nai mymy mang y tapai nai niu i Philipa teng y, “Hinichi cha ai nai achi ly tako ma mang i nai van ai mo?” napi.

JOHAN 6:7

Philipa my ly ni teng y, “Khumi leaung leaungrei maidenrei anga bawibawi ai nai ly tako pia vui pangrei nai tangka cho chungvai nyhrei vang abym y leang,” nanai pathang.

I KORINTH 14:25

hunaibaly ni ly ambeu iy Tameuh ai chiu ai i, Tameuh ly nangchi theung y awm tatang, nanai thui ai.

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.