JOHAN 1:41 - Khumi Common Language Bible

⁴¹ Ni my ly ni i amjo Simon ai hau manme i ni teng y “Kaini ly Messia ai niu bo,” napi; (huni ly Krista nanai sai ne.)

JOHAN 1:41 Iomraidhean Croise

2 ARENG KEH 7:9

Na i py nichi ly “Achi ly hina nai kamta sa ai nai avo y! Achi teng y satang kahawi awm nai ne iy, huni satang ly payh vui ai nai avo y. Achi ly hini satang ai thui y naimy, khutawi pa-rei awm lawh teu baly pajeng naira avum takengkei ai. Hunai deaungkho y vaimy, samrang i bangtangchi teng y thui pi u sina!” nanai mychi tengtawi arum u.

SAM 2:2

Huni khumichi i samrangchi ly tiu u bo. Hunichi i samrangchi ly Areng hawi mymy i khai takhra nai samrang ai tiu ai nai kangviu y arum u nai ne.

SAM 45:7

Nang ly leu meitang ai ngai iy, hawi y naira ai niu ngai y bo. Hunai deaungkho y nang i Tameuh napi nai Tameuh ly nang ai vawi takhra nai bo y, takhra samrang bawibawichi tleaung y tahm asang iy, amo theu naira napi nai asitui lei pi bo.

SAM 89:20

Kai i miseaung Davida ai asitui leih iy, kaimy samrang kapalyn nai ne.

ISAIA 11:2

Ni ly mymy i khumichi ai peang ai nai cheng naira, pany thai naira hawi haiho ly Areng i Phailo hawi nga ai. Ni ly Areng i kangai pany iy, mymy ai tahm khai ai.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

MATTHAI 1:23

Ni i amyn ly Emmanuela pathi ai,” nanai thui nai ly tym thai ai nai huni bawibawi ly awm nai bo. (Emmanuela nanai ly, “Achi hawi vanrei awm nai Tameuh,” nanai sai ne.)

LUKA 2:17

Naibaly nichi my niu baly deaungdicho i satang kani pri i amtaw thau nai my thui nai ly thui pi pateang.

LUKA 2:38

Hunai thym khala y mymy ly jeu khyp i Tameuh teng y kawn nai leu thui i, Jerusalem atleu ai nai athang khai nai ngiereichi teng y ly ni i satang thui pi.

JOHAN 1:45

Philipa ly Nathanaela ai hau i ni teng y, “Ni i satang Mosi my Reita cha-iu y hawi, amochi my tajiu nai py kaichi niu bo, Nazaret Isu, Josepha i chapo ai ly,” napi.

JOHAN 4:25

Naibaly neampachy my ni teng y, “Messia, Krista napi nai ang jeu ai, nanai ly kai pany:ni ly ang jeu khala y ly ati cheaungkhang ang thui pi ai,” napi.

AMTAW 10:38

Nazaret Isu i molam leu ly, huna nai Tameuh my ni ai ly Phailo Kachai hawi, atiti sa thai naira y khai takhra nai sai ly; mymy ly atiti kahawi sa nai hawi, diabola i ana nai bawibawichi ai hawi sa pi ai nai amki. Tameuh my mymy teng y awm nai deaungkho y.

AMTAW 4:27

Hini avang y ly nang i Miseaung kachai nang i rimui paju nai Isu i tlang tleaung y ly nang i kiu hawi paleung y tym ai nai khai takhra rym nai ngierei ly sa ai nai,

I JOHAN 1:3

nangchi py kaichi hawi amkawm teang thai ai nai, huni kaichi i nui nai hawi thai nai ly nangchi teng y kang thui pi nai he; ne, naibaly kaichi hawi amkawm nai ly Ampo hawi, mymy i Chapo Isu Krista hawi amkawm nai ne: