JOHAN 1:4 - Khumi Common Language Bible

⁴ Mymy y ly heng naira awm i, huni heng naira ly khumichi i kangvang ne.

JOHAN 1:4 Iomraidhean Croise

SAM 49:6

Nichi ly mychi i yhmtheaung katui ai a-ym nai khumichi, nang chawn naira y amlyh nai khumichi ne.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

MATTHAI 4:16

kaveng y ateh naichi ly khri pa-rei kangvang niu u i, Deira meingtym hawi ka-khui y ateh naichi i tlang tleaung y kangvang theu bo,” nanai thui nai ly tym thai ai nai sa nai ne.

LUKA 2:32

Kai i mei y kaniu bo,” nanai Tameuh ai palo.

JOHAN 11:25

Isu my ni teng y, “Kai ly angthau teang naira hawi hengra py ne; ami py kai ai ym nai ly dei i py heng ai;

JOHAN 12:35

Naibaly Isu my nichi teng y, “Kangvang ly tanarei chy sala y nangchi theung y awm rai; kaveng my nangchi ai kai y ai nai kangvang awm nai sala y pavai u; ami py kaveng y pavai nai ly mymy i tako ai naira pany y.

JOHAN 12:46

Ami py kai ai ym nai ngierei ly kaveng y awm jo y ai nai, kai ly kangvang, khaileaung pri y kang jeu nai he.

JOHAN 14:6

Isu my ni teng y, “Kai ly lam py, leu meitang py, hengra py ne.

JOHAN 3:19

Pasum naira ly hini ne he: kangvang ly khaileaung pri y ang tym bo, na i py khumichi i atiti sa naichi ly hawi y nai deaungkho y, nichi ly kangvang tleaung y kaveng ngai keh bo.

JOHAN 5:21

Ampo my kadeichi ai pathau iy paheng nai kamta ly, Chapo py ni i ngai nai ngierei ai ly paheng teang.

JOHAN 5:26

Ampo ly amy teng y hengra awm nai kamta ly, Chapo ai py amy teng y hengra awm ai nai pei bo:

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

JOHAN 9:5

Kai ly khaileaung pri y awm nai khala y ly khaileaung pri i kangvang kai ne,” nanai pathang.

AMTAW 26:23

huna nai Krista ly ngari patang ai nai tla i, kadeichi theung i dengdairei angthau bi nai deaungkho y khumi bawibawi teng y hawi, Cheng Takhrachi teng y py kangvang niu hai man nai keung ne ai, nanai leu ly,” napi.

I KORINTH 15:45

Hunai kamta khyp teang, “Angchei i khumi Adam ly kangheng lawn,” nanai tajiu nai ne. Kangkhym kangtem i Adam ly hengra pei nai keung phailo lawn.

EPHESI 5:14

Hunai deaungkho y mymy ly, “I nai khumi awi, anglaw ly! Kadeichi theung i dengdairei angthau, Hunaibaly Krista my ly angvang hai ai mang,” napi.

KOLOSA 3:4

Krista, achi i heng naira ly amteng nai neng khala y ly nangchi py mymy hawi nang parai nai theung y amteng u teang ai.

I JOHAN 1:1

Angchei kha i dengdairei awm nai, kaichi i kano y thai nai, kaichi i mei y niu nai, khen veangveang iy kaichi i kiu y patham nai Hengra Leu i satang ly:

I JOHAN 1:2

(huni Hengra ly amteng i, kaichi ly niu iy, pany py pany hai, naibaly huni deungtasarei Hengra Ampo teng y awm nai, kaichi teng y amteng nai ly kaichi my kang thui pi nai he;)

I JOHAN 5:11

Tameuh my deungtasarei hengra ang pei i, huni hengra ly mymy i Chapo teng y awm, nanai ly pany hai naira ne he.

AMTENG HAI NAI 22:1

Naibaly mymy ly huni i lam pareaung sala y heng naira jangpang tui, krustala lengseaung kamta angvang nai, Tameuh hawi Beram Cho i areng atehra dengdairei theu nai ang khen hai.

AMTENG HAI NAI 22:16

Kai, Isu ly, palau takhra kamkawmchi i vui y hini atitichi nangchi teng y pany hai ai nai, kai i kani pri i amtaw thau nai ai kang pato veng bo. Davida i tangjyn kadeu hawi kangpreang, khawn tempo avang parai nai kai ne.