JOHAN 1:29 - Khumi Common Language Bible

²⁹ Naibaly mymy ly khawn mang y Isu ai ni teng y jeu ai tau nai niu i, “Khen cham, Tameuh i Beram Cho, khaileaung pri i kamngo la pi veng nai keung ho!

JOHAN 1:29 Iomraidhean Croise

THEU NAI 28:38

Israela chengchi ly Kai, Areng teng y kapathypra talam nai molam y, jawi tamang nai awm lawh teu i py, huni katalamra ai kaimy kawn pi ai nai Aron ly lu kati y muku phei thangchi ai nai tla.

ISAIA 53:10

Areng my, “Ni ly kai i kangai y no patang nai avum bo. Ni ly mymy i tlang a-au nai ly kamngo pahen nai kapathypra ne. Hunai deaungkho y ni ly mymy i cho chanau kangpreang neangneang niu ai. Ni ly heng sau ai. Mymy deaungkho y kai i dawn pasym naichi py eaung naira nga ai.

ISAIA 53:11

Ni ly no patangra i nai amo theu naira nga ali teang ai. Mymy i patang nai ly jawm ny y, nanai pany ai. Ni ly kai i miseaung kahawi ne iy, mymy i tlang tleaung y kawn parai. Khumi neangneangchi i kamngo mynji pho iy, huna nai sa nai molam y, huni khumichi i kamngo kaimy pahen ai.

ISAIA 53:7

“Ni ly pahyp y naimy ana naira avum teu i py, ni ly leu sairei py katheu y. Ni ly tleh ai nai pahawi nai beramcho kamta py, mui vau en nai beram kamta py, paleung apanem parai naimy kham nai ne.

HOSEA 14:2

Areng teng y vawi u ali teang iy, mymy teng y hina nai chiu so takeng u. “Kaichi i kamngochi pahen pi iy, pahen nai saho y kaichi ai kawn pi kyh ba. Kaimychi adeu nai kamta, nang i nang parai nai sai ai palo ai.

Levi 10:17

“Nangchi ly ati mana nai y huni tawnbawi mawi ai meingtym kachaira cho u y lawh mo? Kamngo pahen nai katalamra ly talam patyp nai ne i, Areng my Israela chengchi i vui kamngo pahen pi ai nai molam, nangchi ai huni tawnbawi mawi kang pei nai ne.

ZEKHARIAH 13:1

Ati cheaungkhang sa thai nai Areng my, “Huni neng tym nai khala Davida i katu chanau kangpreangchi hawi, Jerusalem mary i khumichi teng y, mychi i kamngo hawi myn y chiu naira i nai chai hai ai nai, tui kho am-eaung ai.

Kati Nai 18:1

Areng my Aron teng y, “Nang hawi nang i chapochi py, Levi theaungchi py, kai i awmra Tabynako i vui reita sa naira y tamang lawh baly, nangchi ly pajeng naira avum u ai; na i py pathyp pi nai keung kalop sa naira y tamang lawh baly, nang hawi nang i chapochi naini pajeng naira avum u ai.

Kati Nai 18:23

Vai i dengdairei Levi theaungchi naini Tabynako ai kry iy, Tabynako i vui atiti kalop angym pa-rei sa ai nai tla. Hini reita ly nang i kangpreangchi my teaung patawm jojo ai nai tla.

Kati Nai 21:9

Naibaly Mosi ly kheupaja pavui myn sa iy teang tleaung y dang i, pavui my patiu nai ngierei ly kheupaja pavui myn ai khen baly dei y nai ne.

MATTHAI 1:21

Mymy ly chapo tapen ai i, nang ly amyn Isu pathi ai nai tla; ati mana nai mo nabaly ni ly mymy i Khumichi ai nichi i kamngo i nai palawi ai,” napi.

MATTHAI 20:28

hunai kamta teang khumi i Chapo ly mymy ai sabawm ai nai hau nai ny y i, kalangchi ai sabawm ai nai hawi khumi neangneangchi ai atleu ai nai mymy i hengra pei lawh ai nai py ang jeu nai ne,” napi.

JOHAN 1:35

Naibaly pa-nyh kani ly Johan hawi ni teng y abang nai leaung nyhrei ly angdo nai ne.

JOHAN 1:36

Naibaly mymy ly Isu aleaung nai thym khala y khen i, “Khen cham, Tameuh i Beram Cho ho! napi.

JOHAN 1:43

Naibaly khawn mang y Isu ly Kalili pri y chei ai nai tau iy, Philipa ai niu i ni teng y, “Kai teng y abang,” napi.

JOHAN 2:1

Naibaly kani thomrei kani y Kalili pri i Kana avang y apom nai pawi awm i, Isu i amhm ly hu y awm:

JOHAN 3:16

“Tameuh my khaileaung pri y khrikhri pa-rei tamen, hunaibaly my i Chapo leaungrei awm khyh nai pei keih, ami py mymy ai ym nai ngierei ly tamo y ai, deungtasarei hengra nga lawh ai.

JOHAN 4:42

Nichi ly neampachy teng y, “Vai taleang ly kaichi nang i leu thui nai deaungkho y ym nai ny y leang bo: kaimychi kypkyp my ni i leu thai iy, hini ly khaileaung pri ai lawi hai nai keung ne khyp, nanai pany bo,” napi.

JOHAN 6:51

Kani pri mang i dengdairei satla kathiu nai heng nai tako kai ne, ami py hini tako cha baly deungtasarei heng jojo ai; ne, khaileaung pri heng ai nai kai i kang pei ai nai tako ly kai i ngan ne,” napi.

AMTAW 13:39

ami py ym nai ngierei ly ati cheaungkhangra y Mosi i Reita y eaung hai naira awm thai y nai ly mymy ly eaung hai bo.

AMTAW 8:32

Naibaly mymy i Tameuh cha-iu phain nai ly hini ra y ne, “Beram tleh ai nai kamta ni ai ly mymychi my pahawi; Beram mui vau nai keung i mo y beram cho hang y nai kamta ly, Ni py leu katheu y.

I KORINTH 15:3

Angchei i kai i kanga nai py kang thui pi pateang nai bo, huna nai Krista ly Tameuh i cha-iu leu kamta my achi i kamngo nai deaungkho y dei i up bo;

II KORINTH 5:21

Mymy y ly achi ly Tameuh i hawi naira lawn thai ai nai, kamngo pipi pany y nai ai ly Tameuh my achi deaungkho y kamngo palawn bo.

KALATIA 1:4

mymy ly achi i Tameuh hawi Ampo i kangai y vai dymkhawn i khaileaung pri kamngo parai naira theung i nai achi ai alaw hai thai ai nai, achi i kamngochi i jeng y mymy ly apei bo;

KALATIA 3:13

Hunaibaly Abraham ai amtheaung hai naira ly Krista Isu y ly Cheng Takhrachi i tlang tleaung y awm thai ai nai, Krista ly achi i jeng y amsawi lawi nai ne i, Reita i pasawi naira i dengdairei achi ai atleu bo;

I TIMOTHEI 2:6

mymy py khumi, Isu Krista ne, ni ly khumi bawibawichi i atleu naira lawn ai nai apei bo; huni ly neng khyp nai khala y pany hai nai awm bo;

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

HEBRAI 2:17

Hunaibaly mymy ly khumichi i vui y kamngo tama hai naira lawn ai nai, Tameuh mang i atiti ra y ly pathyp pi nai keung kalen keh pahen parai nai hawi ka-ym awm parai nai lawn thai ai nai, cheaungkhangra y mymy i amjo amnauchi kamta awm ai nai ly mymy i vui aeang parai nai angchi yb nai ne.

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.

I PETERA 1:19

beram cho meimai cheh ai by y nai hawi anyng akau y nai kamta, Krista i thi vang teng parai nai hawi nangchi ai atleu nai ne, nanai ly pany u.

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.

I PETERA 3:18

Ati mana nai mo nabaly Krista ly achi ai Tameuh teng y ang pahawi thai ai nai kamngo nairachi deaungkho y tlenrei patang, khumi kahawi ly hawi y naichi i vui y; tlang mang y padei nai awm i, phailo mang y paheng nai bo;

I JOHAN 2:2

ni ly achi i kamngochi ahui nai langseaung syn naira ne; achi i harei khyh py ny y i, khaileaung pri bawibawichi i vui py ne teang.

I JOHAN 3:5

Mymy ly kamngo la vui ai nai amteng bo, nanai ly nangchi pany; naibaly mymy y ly kamngo ati sai py by y leang.

I JOHAN 4:10

Hinira y ly tamen naira awm, achi ly Tameuh ai tamen nai ny y leang, mymy ly achi ai ang tamen iy, achi i kamngochi ahui nai langseaung syn naira lawn thai ai nai mymy i Chapo ai ang pato nai teu.

AMTENG HAI NAI 1:5

pany hai nai keung ka-ym Isu Krista, deira i tapen man nai hawi khaileaung pri i samrangchi ai tara chih nai keung teng i dengdairei py pahenra hawi awmnem naira ly nangchi teng y awm sy.

AMTENG HAI NAI 12:11

Nichi ly Beram thi deaungkho y hawi, nichi i pany hai nai leu deaungkho y py ni ai pajau u bo:nichi ly dei ai nai pa-rei mymychi i hengra ai tama ai nai mawn y leang.

AMTENG HAI NAI 13:8

Naibaly khaileaung pri y awm nai bawibawichi khaileaung palum angchei khala y tleh nai Beram Cho i heng naira cha-iu y amyn tajiu y nai ngiereichi ly ni ai chiu u ai.

AMTENG HAI NAI 14:1

Naibaly kai ly khen i khen cham, Beram Cho ly Zion Mawi y angdo nai hawi, mymychi i lukati y mymy i amyn hawi mymy i Ampo i amyn py tajiu angchi nai khumi taseng atlo meaungkateaung palyh pa-ngo sang palyhreichi ai mymy teng y awm nai kaniu.

AMTENG HAI NAI 14:10

huni khumi kypkyp my py Tameuh i kado theu naira kreip athai hang, ati sai py abawi y naimy mymy i kado theu nai khau y tui abawi y naimy katlen yb nai ly nei ai nai tla ai; naibaly kani pri i amtaw thau naichi i mei ka-niu y hawi, Beram Cho i mei ka-niu y py mai hawi kan y ni ai patang hai takengkei ai:

AMTENG HAI NAI 14:4

Hunichi ly angai nai deaungkho y amymy ai chai hai y naichi ny y; nichi ly kachym phyh ne. Hunichi ly Beram Cho i tako nai tleirei y ni teng y abang naichi ne. Nichi ai ly Tameuh i vui y hawi, Beram Cho i vui y py athai man naichi lawn ai nai khumichi theung i dengdairei atleu nai ne.

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.

AMTENG HAI NAI 17:14

Hunichi ly Beram Cho ai tiu ai i, Beram Cho ly arengchi i Areng, samrangchi i Samrang ne nai deaungkho y nichi ai pajau ai: mymy teng y awm naichi py, palau nai, vawi takhra nai, ka-ym awm naichi ly pajau u teang ai,” napi.

AMTENG HAI NAI 19:7

Amo theu iy khri pa-rei kawn u sina, mymy ai ly palo u sina; Beram Cho aju la ai nai neng tym bo i, deaung vawi nai my ly angveirym bo:

AMTENG HAI NAI 19:9

Naibaly mymy ly, “Beram Cho i apom nai pawi y heang naichi ly taham hawi, nanai tajiu,” ang napi. Naibaly mymy ly kai teng y, “Hunichi ly Tameuh i leu kateng ne,” napi.

AMTENG HAI NAI 21:14

Naibaly avang pui apai ly lengseaung leng nai lengseaung holai nyhrei awm i, hunira y ly Beram Cho i amtaw thau nai holai nyhreichi i amyn holai nyhrei awm.

AMTENG HAI NAI 21:27

naibaly atiti chai y nai amjy mo, amso ngailai nai hawi ka-chawi thui nai keung mo huni theung y tlen py kun ai ny y; Beram Cho i heng naira cha-iu y amyn tajiu angchi nai ngiereichi naini kun ai khyh.

AMTENG HAI NAI 21:9

Naibaly kangkhym i patang hai naira kawi meng nai khau saryhrei syn nai kani pri i amtaw thau nai saryhrei theung i leaungrei ly ang jeu i kai teng y, “Jeu ly, Beram Cho i deaung vawi nai anglo mymy i aju ai kang khen hai ai mang,” nanai thui.

AMTENG HAI NAI 5:6

Naibaly areng atehra hawi heng nai amjy palyhreichi i sala y hawi, miteaung kehchi i sala y py taki saryhrei hawi mei saryhrei awm nai Beram Cho tleh nai kamta angdo nai kaniu:hunichi ly Tameuh i Phailo saryhrei khaileaung pri verei y pato naichi ne.

AMTENG HAI NAI 5:8

Naibaly cha-iu aeang la phai la baly, heng nai amjy palyhrei hawi, miteaung keh apom phai palyhreichi ly taro hawi pakhyh nai rimui kawi nai muku khau py syn bawibawi naimy, Beram Cho i mo y ly kheukhudi iy meung u bo; huni rimui ly khumi kachaichi i chiu sa nairachi ne.

AMTENG HAI NAI 6:1

Naibaly beram Cho ly pajawp typ nai ka-ma-ra saryhreichi theung y harei su nai thym khala y ly kakhen; naibaly heng nai amjy palyhreichi theung y harei ly kani pajyh nai kamta raawi katheu iy, “Jeu jau,” napi nai kathai.

AMTENG HAI NAI 6:16

naibaly nichi ly mawi puichi hawi lengseaung puichi teng y ly, “Kaichi ai taphom kyh, areng atehra tleaung y ateh nai keung meimai i dengdairei hawi, Beram Cho i kado theu naira i dengdairei py kaichi ai heu kyh:

AMTENG HAI NAI 7:14

Naibaly kai ly ni teng y, “Areng, nang ly pany bo,” kanapi. Naibaly mymy ly kai teng y, “Hinichi ly patang parai naira i dengdairei theu u naichi ne, nichi ly Beram Cho i thi y nichi i kanihchi pasiu iy, kaleung hai bo.

AMTENG HAI NAI 7:17

ati mana nai mo nabaly areng atehra sala y awm nai Beram Cho ly nichi ai typ nai keung lawn ai i, nichi ai heng nai tuinochi mang y ang pahawi ai; naibaly Tameuh ly nichi i mei i dengdairei mei katui bawibawi tamui pi ai,” napi.