JOHAN 1:14 - Khumi Common Language Bible

¹⁴ Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

JOHAN 1:14 Iomraidhean Croise

SAM 2:7

Samrang my, “Areng i amteng hai naichi kaimy thai hai ai; mymy ly kai teng y, “Nang ly kai i chapo ne; vaini my kai ly nang i ampo lawm bo.

SAM 45:2

Nang ly khumi neangneangchi tleaung y mo-cha hawi nai ne. Vang teng nai leu katheu reng. Hunai deaungkho y Tameuh teng i amtheaung naira nga jojo nai ne.

SAM 85:9

Mymy ly mymy ai jei kaji naimy tahm khai nai khumichi ai atleu takengkei ai nai ly angchi yb nai ne.

ISAIA 40:5

Huna nai khala y Areng i nang parai nai ly amteng ai i, khumi angso bawibawichi ly huni nang parai nai niu u ai. Huna nai tym ai nai Areng mymy kypkyp my adeu pi nai ne,” nanai aeu bo.

ISAIA 53:2

Areng ly mymy i miseaung ai, khutaha khaileaungra y tangjyn pala nai keungchy kamta, keung cheang ai nai aly awm nai ne. Huni khumi teng y tahm khai ai ataing nai mo-cha apu parai nai py by y. Khrei ai hawi nai pa-rei mo-cha py by y. Mymy mang y paleung bie ai nai pa-rei, pahawi thai nai py by y.

ISAIA 7:14

Vai, Areng mymy naimy nang ai rengrang ka-ma-ra harei ang patei pi ai. Neampachy anglo leaungrei ly deaungdi aniu ai i, chapo tapen ai. Ni ly huni chapo ai, “Emmanuela”nanai amyn pathi ai.

Ezekiela 37:27

Kai ly huni meingtym y nichi hawi vanrei awm iy, nichi i Tameuh lawm ai. Nichi py kai i khumichi lawm u ai.

MATTHAI 1:16

Eleazara ly Mathhana ai sa; Mathhana ly Jakob ai sa; Jakob ly Krista napi nai Isu ai tapen nai Mari i juvo josepha ai sa.

LUKA 2:11

Vaini ly nangchi i vui Davida i avang y Paheng Keung tapen bo, Areng Krista ly.

LUKA 2:7

Naibaly chalu y neampacho tapen; naibaly kanih y bam me iy, charai y akeaung y nai deaungkho y tawnbawi teicha pei naira y paseaung.

LUKA 9:32

Na i py Petera hawi ahawi nini py i kamhm ngam; naibaly anglaw iy ni i nang parai naira hawi, ni teng y khumi leaung nyhrei angdo nai niu.

JOHAN 1:1

Angchei y ly Leu awm i, Leu ly Tameuh teng y awm, naibaly Leu ly Tameuh ne.

JOHAN 11:40

Isu my ni teng y, “Nang ym baly Tameuh i nang parai nai sai niu ai, nanai kang tapi y a?” napi.

JOHAN 14:6

Isu my ni teng y, “Kai ly lam py, leu meitang py, hengra py ne.

JOHAN 14:9

Isu my ni teng y, “Philipa, hina tanrei kai nangchi teng y awm i py nang ly kai ai pany y jo rai a? Ami py kai ai niu baly Ampo ai niu nai bo; ‘Ampo ai kaichi ai patei kyh ba,’ nanai ly ati mana nai thui nai mo?

JOHAN 17:22

Naibaly ani ly bomrei awm nai kamta nichi py bomrei awm thai ai nai, nang ly kai ai nang parai naira pei nai ly nichi teng y kapei bo;

JOHAN 17:24

Ngaai, nangmy kai ai nang parai naira pei nai ly nichi niu ai nai, nangmy kai teng y au naichi ai ly kai i awm naira y kai teng y awm hai teang ai nai kangai; khaileaung palum y rai kha y my nangmy kai ai tamen bo.

JOHAN 18:37

Naibaly Pilata my ni teng y, “Nang ly samrang cham mo?” napi. Isu my, “Nangmy kai ai samrang napi be. Leu meitang pany hai ai nai kai ai tapen nai hawi, khaileaung pri y kang jeu nai tang. Ami py leu meitang awm nai ngierei ly kai i leu tangai,” napi.

JOHAN 2:11

Isu my hini rengrang sa angchei nai ly Kalili pri Kanan avang y sa i, mymy i nang parai nai sai amteng hai bo; naibaly ni teng y abangnaichi ly mymy ai ym u bo.

JOHAN 3:16

“Tameuh my khaileaung pri y khrikhri pa-rei tamen, hunaibaly my i Chapo leaungrei awm khyh nai pei keih, ami py mymy ai ym nai ngierei ly tamo y ai, deungtasarei hengra nga lawh ai.

JOHAN 3:18

Ami py mymy ai ym nai ngierei ai ly pasum y leang bo; ym y nai ngierei ai ly Tameuh i chapo leaungrei awm khyh nai i amyn y ym y nai deaungkho y pasum yb bo.

JOHAN 6:51

Kani pri mang i dengdairei satla kathiu nai heng nai tako kai ne, ami py hini tako cha baly deungtasarei heng jojo ai; ne, khaileaung pri heng ai nai kai i kang pei ai nai tako ly kai i ngan ne,” napi.

JOHAN 8:32

nangchi ly leu meitang pany ai i, leu meitang my ly nangchi ai miseaung alaw hai ai,” napi.

AMTAW 13:33

huna nai Tameuh my Isu ai pathau nai ly nichi i chanauchi teng y huni ly sa angym bo; Sam pa-nyh y ly, ‘Nang ly kai i chapo ne, Vaini ly nang ai kang lawn hai bo,’ nanai tajiu nai kamta teang.

ROM AVANGCHI TENG Y PAWLA I CHA PA NAI 8:3

Naibaly tlang deaungkho y Reita ly ham y i sa pajau ai vuilam ny y nai ly, achi, tlang i reita y tako y naimy Phailo i reita y takho lawh nai keungchi y ly Reita leu khai rym nai ly sa angym naimy awm thai ai nai,

ROM AVANGCHI TENG Y PAWLA I CHA PA NAI 9:5

amsi pajochi ly mymychi i ne teang, Krista ly tlang mang i molam y mymychi theung i theu nai ne teang; mymy ly atiti bawibawichi i tlang tleaung y peang nai ne i, deungtasarei palo ai ataing nai Tameuh ne. Amen.

I KORINTH 15:47

Angchei i khumi ly khaileaung i khumi ne, khaileaung hawi sa nai ne; pa-nyh i khumi ly kani mang i ne.

II KORINTH 12:9

Naibaly mymy ly kai teng y, “Kai i pahenra ly nang i vui hawi khyp bo; ham y naira y ly kai i atiti sa thai naira ly angym bo,” napi. Hunaibaly Krista i atiti sa thai naira ly kai i tlang tleaung y awm thai ai nai, khrikhri pa-rei kakawn naimy kai i ham y naichi ra y ly kamlyh lawh ai.

KALATIA 4:4

Na i py neng angym khyp khala y ly achi ly chanau lawn ai naira nga thai ai nai,

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

KOLOSA 1:19

Ati mana nai mo nabaly angym naira cheaungkhang ly mymy y awm nai hawi, mymy i kraws thi saho y aly naira sa iy,

KOLOSA 2:3

pany thai naira i ym thleng thleng nai nang naira bawibawi nga ai nai tamen naira y amtawm achu iy, nichi i paleung ly awmnem thai ai.

KOLOSA 2:9

Mymy y ly Tameuh i angym naira cheaungkhang ly tlang nga nai awm veng.

I TIMOTHEI 3:16

Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

HEBRAI 1:5

Ati mana nai mo nabaly Tameuh ly, “Nang ly kai i Chapo ne, Vaini ly kang lawn hai bo,” napi nai hawi, Kai ly ni i vui Ampo lawn ai i, Ni ly kai i vui Chapo lawn ai,” nanai kani pri i amtaw thau naichi theung y ami teng y thui vai mo?

HEBRAI 10:5

Hunai deaungkho y mymy ly khaileaung pri y satla nai thym khala y ly, “Nang ly apathyp naira hawi atiti talam naira ngai y, Nang ly kai i vui y tlang angvei hai rym lawh.

HEBRAI 2:11

Pachai nai keung hawi mymy i pachai naichi py sangum vanrei ne; hunai deaungkho y mymy ly nichi ai amjo amnau, nanai amyn pathi ai nai kaji hai y i,

HEBRAI 5:5

Hunai kamta khyp teang, Krista py pathyp pi nai keung kalen keh y awm ai nai tahm apasang y leang; huna ny y naimy mymy teng y thui pi nai keung my, “Nang ly kai i Chapo ne, Vaini ly kang lawn hai bo,” napi.

I JOHAN 4:14

Naibaly Ampo my chapo ai ly khaileaung pri ai Paheng Keung lawn ai nai ang pato nanai ly achi pany py pany, thai py thai hai bo.

I JOHAN 4:9

Hinira y ly Tameuh i tamen naira ly achi i tlang tleaung y amteng bo; achi ly mymy deaungkho y heng thai ai nai Tameuh my mymy i Chapo leaungrei awm khyh nai ai khaileaung pri y ang pato.

II JOHAN 1:7

Isu Krista ly tlang y ang jeu, nanai thai hai y nai tapawp nai keung neangneangchi ly khaileaung pri y theu u bo. Hunai kamta khumi ly tapawp nai keung hawi Krista ai paka nai keung ne.

AMTENG HAI NAI 19:13

Naibaly ni ly thi abawi nai kanih akhiu i, mymy i amyn ly Tameuh i Leu napi.

AMTENG HAI NAI 21:3

Naibaly areng atehra theung i dengdairei ly raawi pajeng naimy, “Khen cham, Tameuh i awm naira ly khumichi theung y awm bo: mymy ly nichi teng y awm hai ai i, nichi py mymy i khumichi lawm ai; Tameuh kypkyp my ly nichi teng y awm hai ai i, mymy ly nichi i Tameuh lawn ai.