JOELA 3:4 - Khumi Common Language Bible

⁴ Turu mary, Sidon mary hawi Philistia pri meingtym tleirei i khumichi awi, nangchi ly kai ai ati sa ai nai atho sa u nai mo? Kai ai vawitheung tha ai nai atho sa u nai a? Huna nai atho sa u lawh baly, kai ly nangchi ai vawitheung tha manme ai!

JOELA 3:4 Iomraidhean Croise

2 NENG SATANG 21:16

Pangli peang y khuteng sa u nai Ethiopia chengchi sahawi y, Philistia chengchi hawi Arab cheng phyreichi awm u nai ne. Areng ly huni khumichi ai Jehoram ai tiu hai bo.

ISAIA 14:29

Aw Philistin khumichi awi, nangchi ai pakhau nai thengbeang ly tleu veng bo; na i py nangchi amo theu u ai naira by y. Pavui harei dei nai khala, huni pavui tleaung y kaso nai takhra pavui harei khei bi ai. Pavui kaduira i nai thailai kaso keh nai Naka kangkheang khei reng lawh nai ne.

ISAIA 34:8

Hini neng ly Zion mary ai Areng my atleu iy, huni mary i paleung ka-echi ai vawitheung tha ai nai neng ne.

ISAIA 59:18

Mymychi i kamngo nai molam y pajeng ai. Mymy i paleung ka-echi ly kado theu naira avum iy hawi nai, hawi y nai kham ai. Pri kamlo y awm u nai khumichi malawn py, huni pajeng naira lawi lawh ai ny y.

JEREMIA 47:1

Kaza mary ai Aikupta samrang my tiu y kyh rai khala y, Philistin chengchi molam y Areng ly kai teng y leu ang pei nai ne.

JEREMIA 47:4

Turu mary hawi Sidon mary mang y pei pajau nai tavai kasabawmra awm rai nai ngiereichi ai khanglang vui nai kani hawi, Philistin pri ai tamyh vui ai nai neng kani ly tym dudu bo. Kai, Areng ly Kariti tavo peang mang ang jeu nai Philistin cheng bawibawichi ai katamyh ai.

JEREMIA 51:6

Babulon mary i nai theu u! Nangchi ly kangheng tleaung ai nai theu u! Babulon mary i kamngo molam y dei u atyhtyh moh. Vai kai ly nichi hawi amlau nai kamngo pajeng iy vawitheung katha nai ne.

JOELA 2:10

Nichi ang jeu nai neng khala, kaleih theu. Kani khusang py amchyh neung na. Kanito hawi lo ly veng na bo i, ka-si taukichi py angvang y bo.

JOELA 2:2

Huni kani ly veng khiu nai kani, veng cheng naimy khupanym kawi nanai kani ne ai. Mawi aheungchi ai khiu nai kaveng kamta, akhutama kanghu pui ly mo mang ang jeu dudu bo. Hina nai kamta ly mana khala py tym vai y; mo mang i neng y py tym vai ai ny y.

MATTHAI 11:21

“Aw Korazin awi! Nang ly taham si! Aw Bethsaida awi! Nang ly taham si! Nangni i meingtym y atiti rengrang sa naichi ly Tura hawi Sodom avang y sa nai ne iy khyly, nini ly jangni ka-so paisiu kanih akhiu iy, maiphu ataphum naimy uikhei pawn ai bo.

MATTHAI 11:22

Na i py kang thui pi, tara chih nai kani y ly nangchi tleaung y ly Tura hawi Sodom avang i patang ai nai ly hawi kyh alam ai.

LUKA 10:13

“Aw Korazin awi, nang ly taham si! Aw Bethsaida awi, nang ly taham si! Nangni i meingtym y atiti rengrang sa naichi ly Tura hawi Sidon avang y sa nai ne i khyly, nini ly jangni ks-so paisiu kanih akhiu nai, maiphu theung y ateh iy uikhei pawn ai bo.

LUKA 10:14

Na i py tara chih nai kani y ly nangchi tleaung y ly Tura hawi Sidon avang i patang ai nai ly hawi kyh alam ai.

LUKA 18:7

Naibaly mymychi i tlang tleaung y neaung kham pi rai i py, mymy i vawi naichi, vum kanithun y mymy ai palau nai keungchi ai ly Tameuh my vawitheung tha pi y ai a?

AMTAW 9:4

naibaly mymy ly khaileaung y atlym i mymy teng y, “Sawla, Sawla, ati mana nai nang ly kai ai ana ryry lawh?” napi nai raawi thai.

Leu Thui Nai 32:35

Areng ly paleung ka-echi ai pajeng iy vawitheung tha ai; nichi i sum nai neng tym ai; nichi myh ai nai neng ly kasa bo.

II THESALONIKA 1:6

Tameuh ai pany y nai hawi achi i Areng Isu Krista i Satang Kahawi tangai y naichi i tlang tleaung y tavawi thai ai nai,

TARA CHIH NAI KEUNGCHI 11:12

Naibaly Jephetha ly Ammon samrang teng y savaichi pato i, “Nang hawi kaichi sala y ati ka-jo awm mo? Nang ly ati mana nai y, kaichi i pri theung y kun lawh mo?” nanai deng.