JOELA 3:2 - Khumi Common Language Bible

² Khumi cheng cheaungkhangchi ai angym hai teang iy tara chih nai leaunghawi mang y pahawi ai. Kai i khumichi ai nichi my sa nai molam y huni meingtym y nichi ai, kaimy tara chih ai. Nichi ly Israela chengchi ai, pri takhra mang y ahei hai i, kai i pri Israela ai ahei hai akyhkyh nai ne.

JOELA 3:2 Iomraidhean Croise

2 NENG SATANG 20:26

Palyh kani y nichi ly Berakaleaunghawira angym u i, Areng i sa pi nai molam y mymy ai palo u bo. Huni deaungkho y huni leaunghawi ai ly Beraka, nanai palau u.

ISAIA 66:16

Mymy ly kamngo awm nai khumichi ai mai hawi mo, haisau hawi mo, pajeng ai. Huni khumichi ly dei u bebe ai.

ISAIA 66:18

Nichi i sa nai, dawn naichi kai pany. Kai ly pri tlei tleireichira i khumichi ai kachu ai nai kang jeu ai. Nichi ly akachu u nai khala y kai i sa thai naira mana tanrei ham na mo, nanai niu u ai. Mymychi ai pajeng nai keung ly kai naini ne, nanai py pany u ai. Na i py kai ly phyreichi ai tlamsa naira pei ai. Kai ly nichi ai kai i satang thai vai y, kai i sa thai naira len parai nai niu vai y nai

JEREMIA 12:14

Areng my, “Kai i khumi Israela chengchi teng y amtym ai pei nai pri ai, phra seaungkhrang hai nai Israela pri yhm deaungpa prichi molam y kai thui ai nai awm. Kai ly huni khumi hawi y naichi ai tangjyn akheaung nai keungdichy kamta, nichi pri i nai akyn vui ai. Juda pri ai nichi kiu i nai atleu ai.

JEREMIA 25:31

Areng ly khumi cheng cheaungkhangchi ai tara pasau ai. Mymy i raawi ly khaileaung katem y khrairei avah na ai. Mymy ly khumi bawibawichi ai chih iy khumi hawi y naichi ai padei ai. Hini ly Areng i thui nai leu ne,’ nanai thui pi,” napi.

JEREMIA 49:1

Areng my Ammon khumichi molam y leu pei nai ly “Israela chengchi ly ma mang y mo? Nichi pri i vui ama hai ai nai keung leaungrei py by y a? Nichi ly ati mana nai y Mole tameuh ai chiu nai khumichi teng y, Kad cheng theaung i khu ka-peang lawm vui iy, huni meingtym y awm ai nai pei u lawh mo?

JEREMIA 50:17

Areng my, “Israela khumichi ly khrangsichi my kei nai deaungkho y, ahei dan nai beramchi hawi atawm. Angchei y Asuria samrang ly nichi ai tiu bo. Huni bo y Babulon samrang Nebukhadnezar my, nichi i hiuchi taai piupa pawn nai ne.

Ezekiela 25:8

Sa thai naira angym nai Areng my, “Juda chengchi ly cheng takhrachi hawi atawm, nanai Moba pri hawi Sera mary i khumichi my thui u nai deaungkho y,

Ezekiela 34:6

Hunai deaungkho y mawichi hawi mawi aheungchira y ahi lengleang nai ne. Nichi ly khaileaung pri verei y ahei u bo. Nichi ai hau nai khumi hawi, hau ai nai atho sa nai khumi leaungrei py by y.

Ezekiela 35:10

“Kai Areng ly Juda hawi Israela chengchi i vui Tameuh ne lawh teu i py, nang ly huni khumichi hawi, nichi i prichi ai peang iy nangmy i kiu y tym hai vui ai, nanai thui lawh bo.

Ezekiela 36:1

Areng my, “Nang khumicho awi, Israela mawichi teng y nichi i vui

Ezekiela 36:5

Sa thai naira angym nai kai, Areng ly tengpang prichi hawi, Edom pri tlang tleaung y khrikhri pa-rei kado theu hai i, hina nai leu thui bo. Nichi ly kai i pri y mei anui y nai paleung, amo theu seu nai paleung hawi sui tlairachi raurei, kai i pri la u vui nai ne.

Ezekiela 38:22

Kai ly haisau tamo, no michi hawi ni ai parip ai. Ni hawi vanrei, ni i tavaimichi, abang nai khumi cheaungkhangchi tlang tleaung y kan hawi mai raurei, kani hawi ji akawi puichi khrikhri pa-rei nai hai ai.

Ezekiela 39:11

Areng my, “Hini atitichi tym nai khala, Koka teng y Israela pri pangli kadei nisi vai mang y awm nai lamdeu leaunghawira, tapreaung meingtym harei kapei ai. Hunira y Koka hawi ni i tavaimi bawibawichi ai up nai deaungkho y, khuleaung chei naira lam by y vui na ai. Huna nai y huni leaunghawi ly Koka tavaimi leaunghawi, nanai amyn loh ai.

JOELA 3:12

Areng my, “Khumi cheng bawibawichi ly angveirym iy, tara chih ai nai leaunghawira jeu u ai nai tla ai. Tengpang sahawi i khumi cheng bawibawichi ai tara chih ai nai huni meingtym y kai ateh ai.

JOELA 3:14

Khumi sang neangneangchi ly tara chih nai leaunghawira y awm u bo. Huni leaunghawira y Areng i neng kani ly kra y naimy ang tym ai.

AMOS 1:11

Areng my, “Edom khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly mychi i amjo amnau Israelachi ai, ngo y nai nga pa-rei hui iy pahyp y naimy ana bo. Nichi i kado theu nai sai ly mana khala py rym hai y naimy, kado theu nai mai angveaung hai na bo.

MIKHA 4:12

Na i py Areng i dawn yb nai ly mana mo, nanai huni prichi ly pany u y. Choh ati ai nai talangra y kachu nai kamta, mymy ly nichi ai pajeng ai nai pangym achu hai nai nichi pany u y.

ZEPHANIAH 3:8

Areng my, “Ajeng u jo; khumi cheaungkhangchi ai kai ang thau iy, thui tamawn nai neng kani ajeng. Kai i kado theu nai haiho avum ai nai, khumi cheaungkhangchi hawi pri tleitleireichi ai kachu ai nai, kai ly leu pacheang yb veng bo. Khaileaung pri verei ly kai i kado theu nai mai hawi kang iy phra veng ai.

AMTENG HAI NAI 11:18

Naibaly chengchi ly kado theu u i, nang i kado theu nai ly tym teang; naibaly kadeichi ai tara chih ai nai hawi, nang i miseaung amochi teng y hawi, khumi kachaichi teng y hawi, nang i amyn tahm khai nai khumi katheang kalenchi teng y py mychi i kawn nai vang pei ai nai hawi, khaileaung pri ai taphra nai keungchi ai taphra ali teang ai nai neng ly ang tym bo,” nanai Tameuh ai chiu bo.

AMTENG HAI NAI 16:14

nichi ly vawinamchi i phailo, atiti ka-ma-ra sa naichi ne; nichi ly Atiti py Sa Thai Nai Tameuh i kani len parai nai i atiura y pahawi achu ai nai, khaileaung pri bawibawi i samrangchi teng y chei u nai ne.

AMTENG HAI NAI 16:16

Hunaibaly nichi ly mymychi ai meingtym harei, Hebrai leu y Har-Makedona napi naira y ly pahawi achu u bo.

AMTENG HAI NAI 16:6

Nichi ly nang i khumi kachaichi hawi amochi i thi lei iy, Nang ly nichi ai thi nei hai bo; avo y!” napi nai kathai.

AMTENG HAI NAI 20:8

ni ly khaileaung taki palyhrei y awm nai chengchi, Koka hawi Makoka ai tapawp iy, nichi ai tavai atiu naira y pahawi achu ai nai theu ai; hunichi i nawi nai sai ly pangli i spryh kamta ne.