JOELA 1:9 - Khumi Common Language Bible

⁹ Achura Yhm y talam ai nai chohpui chomaw py, kreip hang py, by y leang bo; pathyp pi nai keungchi ly Areng teng y talam ai naichi by y nai deaungkho y, vo tangam u bo.

JOELA 1:9 Iomraidhean Croise

2 NENG SATANG 13:10

“Na i py kaichi ly kaimychi i Areng Tameuh ai khai su y naimy kachiu u jojo. Aron kangpreang pathyp pi nai keungchi ly mychi i kalopchi sa naimy awm u. Nichi ai Levi theaungchi my sabawm nai ne.

THEU NAI 28:1

“Nang i amjo Aron hawi ni i chapo Nadab, Abihu, Eleaza hawi Ithamachi ai palau. Nichi ly pathyp pi nai keung kalop sa u ai nai Israela chengchi theung i nai vawi takhra.

ISAIA 61:6

Nangchi ai ly Areng i pathyp pi nai keungchi, Tameuh i miseaungchi napi ai. Khumi cheng cheaungkhangchi i yhmtheaung katuichi amtym iy, huna nai amtym nai molam y, nangchi ly amlyh u ai.

TANGAM NAI LEU 1:16

“Hunai deaungkho y kai i meichira i, mei katuichi leaung bo. Kai ai ami py awmnem naira pei pajau y. Ami py paleung atho ham pa-rei pei pajau y. Paleung ka-echi ly kaichi ai ang pajau u vui bo. Kai i khumichi teng y py, yhmtheaung katui ati sai py by y leaung bo.”

TANGAM NAI LEU 1:4

Khai takhra nai pawi neng kani khala, chiu sa ai nai Achura yhm y chei nai khumi py by y. Achura yhm y khulym thui nai anglochi py, paleung si paleung mawn naimy awm u bo. Naibaly pathyp pi nai keungchi py, vo tangam nai ny y baly ati sai py so u thai y. Mary katheuchi ly khumi savai angau na bo. Zion mary ly patang naira avum bo.

HOSEA 9:4

Huni prichira y nichi ly Areng teng y kreip hang py, tawnbawi py, talam pajau ai ny y. Nichi cha nei nai teicha teinei ly si keung i teicha teinei kamta, cha nai khumichi ai chai hai y ai. Nichi ly kajeu kanglam dam ai nai, huni teicha teinei cha u ai. Huni teicha teinei ai katalamra palawn iy, Areng i Achura yhm y syn u moh.

JOELA 1:13

Maichamra amsi nai nangchi pathyp pi nai keungchi awi, paisiu kanih akhiu iy vo tangam u! Kai i Tameuh mo y kalop sa nai keungchi awi, Achura yhm theung y kun iy, vumtorei vo tangam u! Nangchi i Tameuh teng y talam ai nai chohpui chomaw hawi, kreip hangchi by y leang bo.

JOELA 1:16

Kaichi ly kaimychi i amti amjangchi phra naira avum khala, ati sai py so thai y, khen su na bo. Tameuh i Achura yhm theung y py, amo theu naira by y leang bo.

JOELA 2:14

Nangchi i Areng Tameuh ly paleung amtlau tan amtlau lym ai i, nangchi ai amti amjang neangneangchi hawi amtheaung hai ai. Huna nai khala nangchi ly mymy teng y chohpui chomaw hawi, kreip hang katalamrachi talam u pajau ai.

JOELA 2:17

Maicham hawi Achura yhm katheu pa-kho sala y Areng i kalop sa nai pathyp pi nai keungchi ly vo naimy chiu sa ai; “Aw Areng, nang i khumichi ai pahen pi kyh ba. Cheng takhrachi ly ‘Nichi i Tameuh ly ma y mo?’ nanai thui i, kaichi ai niu ngai y iy panui hai u moh sy,” nanai chiu sa u ai nai tla ai.