JOELA 1:7 - Khumi Common Language Bible

⁷ Nichi ly achi i kreip angjyn keungchi taphra iy, achi i thaidu keungchi ai kei pawn nai ne. Nichi ly changpichi kaleungrau na pa-rei, keung kichi ai be pawn nai ne.

JOELA 1:7 Iomraidhean Croise

SAM 105:33

Nichi i kreip keungchi hawi thaidu keungchi ai py taphra pawn iy, pri verei i dengkeaung keungchi ai tleu hai bo.

THEU NAI 10:14

Huni akhutama kanghuchi ly pri verei y kawi na bo. Huna tanrei nawi nai akhutama kanghuchi ly jangni py awm vai y, vai mo mang py awm vai ai ny y.

THEU NAI 10:15

Akhutamachi ly khaileaung aniu y na pa-rei kawi bo; akhutama kanghuchi ly ji my taphra nai kamthum keung hawi athaichi cha nai ne. Aikupta pri verei i dengkeaung keung katheang kalenchira i ngam by y na bo.

ISAIA 24:7

Kreip keungchi ly jeirui nai deaungkho y, kreip hang takang nai ne. Vaichi khala y khesere naimy awm u nai khumi bawibawichi ly vai ly paleung atho di naimy awm u bo.

ISAIA 32:12

Amti amjang thawn nai li khaileaungchi hawi kreip akhochi ly phra pawn veng nai deaungkho y py, kai i chengchi i khaileaung meingtymchira y aleng keung cheaungkhangchi my khiu cheng nai deaungkho y py, nangchi ly paleung si paleung mawn naimy, nangmychi i paleung atum u. Vaichi khala y khumichi amo theu naimy awm u nai yhmchi hawi, lo-pa sareaung hawi nai mary i vui vo u.

ISAIA 5:6

Kai ly huni akhobaira y acha keungchi beng hai kha ai. Kreip changpichi tangam pi y iy, khaileaung py taipi pui ai ny y. Aleng keungchi neangneang prau hai ai. Huni akhobaira y kani nai hai y ai nai, khupanymchi ai kaimy paka vui ai,” nanai thui bo.

JEREMIA 8:13

“Li hlau sa nai khumi ly my i amti amjangchi pakym achu nai kamta, kai Areng ly kaimy i khumichi ai pakym achu ai nai ngai. Na i py nichi ly ngamchi ajawi iy athai by y nai kreip keungchi, athai y nai thaidu keungchi hawi atawm nai ne. Hunai deaungkho y kaimy kang pei nai pri ly cheng takhrachi kiu y tym hai veng bo.

HOSEA 2:12

Ni i tavawichi my langseaung palawn iy ni ai pei nai kreip keung, thaidu keungchi py, kaimy taphra pi vui ai. Kai ly ni i kreip akho hawi thengthai akhochi ai, daichi mawichi my taphra nai deaungkho y, kabeng aleng kawi nanai meingtym lawm hai ai.

JOELA 1:12

Kreip angjyn keungchi hawi thaidu keungchi ly a-au jawn iy deirawm veng bo. Thengthai keung bawibawichi ly jeirawm iy dei be bo. Khumichi py amo theura by y leang bo.

AMOS 4:9

“Kai ly ali kabi aho hai iy nangchi i amti amjangchi jei hai rawm bo. Nangchi i thaidu keung, olive keung, kreip akho hawi li hlauchi ly akhutamachi my taphra nai avum bo. Na i py nangchi ly kai teng y jeu y naimy awm u nai ne.

HABAKKUK 3:17

Thaidu keungchira y athai by y, kreip keungchi ly kreip athai athai y; Olive keungchi eaung y, li hlauchira y amti amjang thawn y, beramchi ly dei be i, tawnbawi yhmchi akeu rang teu i py,

MALAKHI 3:11

Kai ly mipochi ai nangchi i amti amjangchi taphra ai nai pei ai ny y; nangchi i kreip keungchi py athaichi pasu hai ai.