JOELA 1:4 - Khumi Common Language Bible

⁴ Akhu-tamachi ly kanghu harei bo y harei, amti amjangchi tleaung y satla. Akhu-tama kanghu harei cha nai bo y, cha kamthum ai ly takhra kanghu hareichi my cha bo.

JOELA 1:4 Iomraidhean Croise

1 ARENG KEH 8:37

“Hini pri y takang theu i py, chym thai nai no michi tym i py, amti amjangchi ly ali kabi avum nai, mipo avum nai, ti y baly akhutama kanghuchi tym miu nai molam y phra i py, nichi teng y patang naira hawi no mi ha harei tym i py,

2 NENG SATANG 6:28

“Hini pri y takang theu nai khala py, chym thai nai no michi tym nai khala py, amti amjangchi ali kabi avum nai, mipo avum nai, ti y baly akhutama kanghuchi tym miu nai molam y phra nai khala py, nang i khumichi ai paleung ka-echi my tiu nai khala py, nichi teng y ka-jeira, no mi ha harei tym nai khala py,

2 NENG SATANG 7:13

Kai ly kani khang hai nai khala py ne sy, amti amjangchi taphra ai nai akhutama kanghuchi ai kaimy pato khala py ne sy, kai i khumichi napi nai nangchi teng y chym thai nai no michi tym hai nai khala py ne sy,

SAM 105:34

Mymy leu pei nai khala y kati pajau y na pa-rei akhutamachi tym iy,

SAM 78:46

Nichi i amti amjangchi cha pi pawn ai nai hawi li hlauchi taphra pi pawn ai nai akhutamachi pato nai ne.

THEU NAI 10:4

Nang akhi veangveang ai na baly khawndam nang i pri theung y akhutama kanghu theu hai ai.

THEU NAI 10:5

Huni akhutamachi ly khaileaung aniu y pa-rei peung na ai i, ji tla nai khala y phra bawi y nai ngiereichi cha krai ai. Keung bawibawichi py cha krai ai.

ISAIA 33:4

Nichi i yhmtheaung katuichi ai py, tavai atiura i abawi nai vawnsaichi kamta palawn iy, lawm pi pawn nai avum u ai.

JEREMIA 51:14

Ati cheaungkhang sa thai keung Areng ly Babulon mary y tiu ai nai molam akhutama kanghu kamta, nawi parai nai khumichi ai kapalau ai, nanai mymy i amyn y vaineng abeu bo. Huni khumichi py eaung naira nga iy, aeu u sau ai.

JEREMIA 51:27

“Atiu ai nai pany hai nai ka-ma-ra patei u! Khumi cheng cheaungkhangchi thai u ai nai baw eng u! Babulon mary y tiu ai nai khumi cheng cheaungkhangchi ai angveirym hai u! Ararat pri, Minni pri hawi Ashakena prichi ai tiu ai nai thui pi u. Lu sa iy tiu pajau ai nai tavailu areng keh vawi takhra u. Akhu kanghuchi kamta tavai thau hai u.

JOELA 2:25

Nangchi i amti amjangchi ai akhutama kanghuchi my cha krai nai sanengchi khala, nangchi i phra nai ai, kaimy kang heung pi teang ai. Nangchi teng y huni akhutama kanghuchi ai, pato nai keung ly kai ne.

AMOS 4:9

“Kai ly ali kabi aho hai iy nangchi i amti amjangchi jei hai rawm bo. Nangchi i thaidu keung, olive keung, kreip akho hawi li hlauchi ly akhutamachi my taphra nai avum bo. Na i py nangchi ly kai teng y jeu y naimy awm u nai ne.

AMOS 7:1

Sa thai naira angym nai Areng teng i paleung mei y kaniu nai ne. Samrang i vui choh keungchi hlau chum nai bo i, acha keungchi sai ali teang nai neng khala y, Areng my akhutama kanghu ai sa nai ne.

MALAKHI 3:11

Kai ly mipochi ai nangchi i amti amjangchi taphra ai nai pei ai ny y; nangchi i kreip keungchi py athaichi pasu hai ai.

Leu Thui Nai 28:38

“Nangchi ly amti amjang ti neangneang hei i py maidenreichy naini pakym u ai, ati mana nai mo na baly amti amjangchi ai akhutamachi my cha vui nai deaungkho y ne.

Leu Thui Nai 28:42

Nangchi i dengkeaung keungchi hawi amti amjang ngiereichi ly mipochi tla ai i phra be ai.