JOELA 1:2 - Khumi Common Language Bible

² Nangchi saneng kalenchi awi, kai i thui nai leu ai hawihai palai tangai u. Juda mipuichi awi, tangai u. Nangchi deung y py, amsi pajochi i deung y py, hini atitichi tym vai a?

JOELA 1:2 Iomraidhean Croise

JOBA 12:12

Miteaung acheang naichi ly tau cheng naira angym; na i py Tameuh ly tau cheng naira hawi, sa thai naira angym nai ne. Tameuh ly pany thai praw nai cheng naira hawi sa thai naira haiho angym nai ne.

JOBA 15:10

Kaimychi i tau cheng nai ly nang i ampo tleaung y saneng len nai khumi, sam pau nai khumichi teng i amtiu nai ne.

JOBA 21:7

Tameuh ly ati mana nai khumi hawi y naichi ai heng sau hai iy nang chawn hai lawh mo?

JOBA 8:8

Jangni khumichi i leu ai tanareichy adawn cham; achi i amsi pajochi amtiu u nai leu meitang ai paleung theung y adawn ba.

SAM 49:1

Khumi bawibawichi awi, hini leu tangai u! tahm asang nai hawi tahm anem nai,

ISAIA 34:1

Aw khumi cheng cheaungkhangchi awi, jeu u! jeu angym iy tangai u. Khaileaung pri verei y awm nai khumi ngiereichi ly hini meingtym y jeu iy tangai u ai nai tla.

ISAIA 7:17

“Israela hawi Juda pri nyhrei akhawi takhra nai neng dengdairei amteaung iy, avum vai y nai patang nairachi ai Areng ly nang hawi nang i khumichi tlang tleaung y py, samrang i yhm dengtheungchi tlang tleaung y py tym hai ai. Mymy ly Asuria samrang ai ang hawi ai.

JEREMIA 30:7

Ka-jei awm nai neng kani ly ang tym dudu bo; takhra mani kani py, huni kani hawi ly pata pajau y. Huni kani ly Jakob cheng ngari kamtang avum ai nai kani ne. Na i py nichi ly dei y naimy heng u ai,” napi.

JEREMIA 5:21

Mei awm ta-jai iy niu thai y, kano awm ta-jai iy thai y nai khumi, nangchi khumi ka-khumchi awi, tangai u.

DANIELA 12:1

Ateaung kanem amthyp nai kani pri amtaw thau naimy, “Huni neng khala y tahm asang parai nai kani pri amtaw thau nai Mikhaela ly amteng ai. Ni ly nang i chengchi ai kry nai keung ne. Naibaly khumi neangneangchi awm angchei khala i dengdairei, mana khala py avum vai y nai ngari kamtang avum nai neng tym ai. Huni neng tym nai khala y Tameuh i cha-iu theung y amyn abawi yb nai khumi, nang i cheng bawibawichi ly law tleaung naira nga u ai.

HOSEA 4:1

Israela chengchi awi, Areng i leu pei nai tangai u. Hini pri y awm nai khumichi ai Tameuh my seu nai awm. Mymy ly “Hini pri y ly tamen naira, ka-ym awm naira by y. Kai ly Tameuh ne, nanai khumichi my pany u y.

HOSEA 5:1

“Pathyp pi nai keungchi awi, tangai u! Israela khumichi awi, hawihai palai tangai u! Samrang kangpreangchi awi, tangai u! Nangmychi kypkyp ly meitang khyp naimy, tara chih ai nai keungchi ne. Huna nai kamta nangchi py pajeng naira avum u ai. Nangchi ly Mizapa mary y pateung nai deaung, Tabor mawira y jang nai mawipy,

JOELA 1:14

Biu hai ai nai leu pei nai ahei hai ly mipui achu nai pawi harei so u! Nangchi i Areng Tameuh i Achura yhm y Juda mipuichi hawi lu sa naichi ai angym hai chum baly, mymy teng y vo naimy aeu u.

JOELA 2:2

Huni kani ly veng khiu nai kani, veng cheng naimy khupanym kawi nanai kani ne ai. Mawi aheungchi ai khiu nai kaveng kamta, akhutama kanghu pui ly mo mang ang jeu dudu bo. Hina nai kamta ly mana khala py tym vai y; mo mang i neng y py tym vai ai ny y.

AMOS 3:1

Aw Israela khumichi awi, nangchi cheng vuijeungrei ai Aikupta pri i dengdairei ang pahawi nai Areng my, nangchi i molam y leu ang pei nai tangai cham.

AMOS 4:1

Atho di nai khumichi hawi khumi kamawnchi ai ana iy, my i juvochi teng y kaichi nei ai nai rah jeu hai, nanai leu pei iy teicha kahawi cha ai nga nai Basan si nuchi kamta, veu hawi nai Samari neampachychi awi, hini leu tangai u.

AMOS 5:1

Aw Israela khumichi awi, nangchi ai veu pavum ai nai, kai i thui nai hini vo khulym tangai u.

MIKHA 1:2

Khumi cheng cheaungkhangchi awi, tangai u; khaileaung pri i khumi bawibawichi awi, tangai u! Sa thai naira angym nai Areng ly nangchi hawi y nai pany hai ai. Tangai u! Mymy ly kani pri Achura yhm mang my leu pei bo.

MIKHA 3:1

Israela chengchi ai lu sa naichi awi, tangai u! Nangchi ly leu meitang naimy tara chih ai nai khumichi ne i py,

MIKHA 3:9

Israela chengchi ai peang nai keung miteaung kehchi awi, tangai u. Nangchi ly leu meitang naimy tara chih nai ai niu ngai y iy, kateng lam ai tamang hai u bo.

MATTHAI 13:9

Kano awm nai khumi ly thai sy,” napi.

MATTHAI 24:21

huni neng khala y ly patang nai khri pa-rei awm ai; huna tanrei nai ly khaileaung palum angchei khala i dengdairei vai khrairei tlen py awm vai y rai, ne, awm py awm ali bi ai ny y leang bo.

AMTENG HAI NAI 2:7

kano awm nai khumi ly palau takhra kamkawmchi teng y Phailo i leu thui nai ly thai sy. Pajau nai keung ai ly Tameuh i Paradais y awm nai heng naira dengkeaung y cha ai nai kapei ai,’ napi.