JEREMIA 9:4 - Khumi Common Language Bible

⁴ Khumi luteng ly amychi i ahawi ka-dawichi ai amkyn ai nai tla. Ami mi py amy i amjo amnau ai ym ai nai aso y. Ati mana nai mo nabaly amjo amnau ne i py Jakob kamta tapawp iy Khumichi ly amy i ahawi ka-dawichi ai thui tamawn u reng nai deaungkho y ne.

JEREMIA 9:4 Iomraidhean Croise

ATITI AWM ANGCHEI NAI 32:28

Huni khumi my, “Nang i amyn ly Jakob, nanai kang palau y ai. Nang ly khumi hawi py, Tameuh hawi py ani i nangmy pajau bo; hunai deaungkho y nang i amyn ly Israela ne sy,” napi.

SAM 101:5

Khumi takhra i hawi y sa nai satang ai, leu kamsyh y thui reng nai khumi ai ly nawi su veng ai; amlyh am-e naimy paleung asang nai khumi ai ly kham pi ai ny y.

SAM 15:3

ami i tahm awm nai ai taphra vai y nai khumi ne. Huni khumichi ly mychi i ahawichi tlang tleaung y tamang vai y; yhm deaungpachi i satang py, hawi y nai satang hei vai y.

LEU KACHENG 10:18

Amy i niu ngai y nai paleung apha vui nai khumi ly ka-chawi thui nai khumi ne. Thui preaung reng nai khumi ly khumi ka-khum ne.

LEU KACHENG 25:18

Nang i yhm deaungpa i tlang tleaung y teng y naimy seu rumrang nai ly haisau, thengbeang, ti y baly thailiho meaung hawi atawm.

LEU KACHENG 4:16

Khumi hawi y naichi ly hawi y naichi so y baly i amhm y. Nichi ly khumi takhra ai patang hai y baly i thai y.

LEU KACHENG 4:17

Hawi y naira hawi sa ta-li nai ly nichi i vui y teicha teinei palawn nai ne.

LEU KACHENG 6:16

Areng i niu ngai y iy, amso ngai nai amjy tariurei, ti y baly amjy saryhrei awm; hunichi ly:- amlyh am-e nai mei harei, Ka-chawi thui reng nai palai harei, kamngo by y nai khumichi ai tleh reng nai kiu harei, hawi y naira ai dawn nai paleung harei, hawi y naira sa ai nai mang y tako kaliki reng nai kheu harei, ka-chawi thui nai, teng y nai pany hai nai harei, ahawi tengtawi ka-jo pakei reng nai khumi leaungrei, hinichi ne.

ISAIA 59:13

Kaichi ly nang ai tiu u lawh; nang ai khai su iy, nang i nithun abang ai nai akhi u bo. Kaichi ly khumi takhrachi ai pahyp y naimy ana iy, nang ai py tiu u lawh bo. Kaichi i ka-dawn teng y, kaichi i leu py ka-chawi ne.

ISAIA 9:16

Hini khumichi ai lam patei nai khumichi ly lam kateng patei y i, paleung khrukhra hai reng.

JEREMIA 12:6

Nang i yhm dengtheungchi hawi, nang i amjo amnauchi my malawn py, nang i tlang tleaung y ka-ym by y lawh bo. Nichi ly nangchi i makeng mang y abawi iy, nang ai hang hai bo. Nichi ly nang ai leu katheu hai teu i py, nichi ai nang ly ym moh,’ napi.

JEREMIA 6:28

Nichi bawibawi ly paleung tang nai langmeang thau naichi ne. Nichi ly kheupaja hawi tamo kamta tang u nai ne. Nichi ly aki aleaung iy leu pakei u reng nai, khumi hawi y naichi ne.

JEREMIA 9:8

Nichi i palai ly dei asi kaleu nai thailiho chyn hawi atawm. Nichi ly li-tapawp nai leu avawrei katheu u nai ne. Khumi luteng ly amy i yhm deaungpachi teng y leu katui katheu reng teu i py, katheu tatang nai ly nichi i vui deaung pateung pi nai leu ne.

Ezekiela 22:9

Nang theung i phyrei khumichi ly ka-jo pakei iy, khumi takhrachi ai padei ai nai tau u nai ne. Nang theung i phyrei khumichi ly mawi salo chiu nai meingtymra i mynchi teng y apathyp nai mawi cha u. Phyrei khumichi ly kamleaung sa naira y amo theu u nai ne.

Levi 19:16

Ami kangji nga ai nai leu ly ahei hai reng moh. Dei ai ataing nanai pa-rei tamang nai khumi ai tara chih nai thym khala, huni khumi mang y asa hai pajau nai pany naira awm lawh baly, apha y naimy pany hai pi ai nai tla. Kai ly Areng ne.

MALAKHI 2:10

Achi bawibawi ly ampo leaungrei awm khyh nai ny y a? Tameuh leaungrei my achi ai sa nai ny y a? Hunai deaungkho y achi ly ati mana nai y, amychi tengtawi asa nai vaineng ataphra u lawh mo? Ati mana nai y achi i amsi pajochi hawi Tameuh asa nai Leu Maikawm ai tahm khai u y lawh mo?

MATTHAI 10:17

Na i py khumichi teng y ly amkym u me; nangchi ai tara chih naira y ang pahawi ai i, achura yhm y ang chip ai.

MATTHAI 10:21

Naibaly padei hai ai nai amjo amnau tengtawi apatiu hai i, ampo py chanau ai patiu hai teang ai; chanauchi py mychi i amhm ampo ai tiu ai i, padei hai teang ai.

LUKA 21:16

Naibaly ngamhm ngampochi, misochi, ahawichi my py ang patiu hai ai i, nangchi theung y phyreichi ai ly ang padei hai ai.

I THESALONIKA 4:6

hunira y ly ami py tamang iy amy i amjo amnau i tlang tleaung y atiti hawi y nai so moh sy; ati mana nai mo nabaly Areng ly huni bawibawira y ly vawitheung tha nai keung ne; kaichi py kang thui pi rym iy kang pany hai chum veng bo.