JEREMIA 9:23 - Khumi Common Language Bible

²³ Areng my, “Khumi kacheng ly my i tau cheng nai ai atho len nai khumi ly my i atho len nai ai, nang chawn nai khumi ly my i nang nai ai, amlyh ai nai avo y.

JEREMIA 9:23 Iomraidhean Croise

JOBA 32:13

Nangchi ly tau cheng naira hau nai avum bo, nanai mana thui pajau ai mo? Nangchi ly Joba ai leu patheung teang pajau y nai deaungkho y, Tameuh my pathang pi ai nai tla ai.

JOBA 41:15

Ni i anam keungleungra y lengseaung kamta tang i, ha harei hawi abiri naimy pajyn hyh nai, khupui hawi atawm nai ahlichi awm.

SAM 33:5

Areng ly meitang naimy tara chih nai ai khei nai ne. Mymy i khaw parai nai tamen naira ly khaileaung pri y khiu bo.

SAM 34:3

Areng i nang parai nai ai, kai hawi vanrei aeu u; achi ly mymy i amyn vanrei palo u sina.

SAM 44:9

Na i py vai ly nangmy kaichi ai khai su iy sum hai bo. kaichi i tavaimi kamkawmchi hawi vanrei, tavai thau hai y bo.

SAM 62:10

Khrukhra naira ai a-ym u moh; lawm nai kalop hawi ly hawi naira nga ai, nanai athang khai u moh; nangchi i yhmtheaung katuichi ly peung hai teu i py, hunichi ai a-ym u moh.

LEU KACHENG 11:4

Dei naira avum nai kani y yhmtheaung katui my ly nang ai aso hai y leang; na i py neaung hawi naira my ly nang i tlang ai atleu pajau.

LEU KACHENG 21:30

Khumi ly my i cheng naira, sa thai naira, pany thai praw nai cheng nairachi hawimy, Areng ai ly ka-awi so pajau y leang.

LEU KACHENG 3:5

Areng ai ly nang i paleung verei hawimy ym ba; nangmy i pany naira ai, mana khala py a-ym moh.

Parip nai leu 2:19

Kai i yhmtheaung kamtym khumi ly khumi kacheng mo, khumi ka-khum mo, nanai ami py pany pajau y. Na i py ni ly kai atho kasa ra i kanga naichi, hini khaileaung pri y kaimy cheng naira hawi kanga nai yhmtheaung katuichi amtym be ai. Hunichi bawibawi py atyhtyh teu.

Parip nai leu 9:11

Kai i pany nai takhra leaungsai harei nai ly hini ne he: hini khaileaung pri y angpreng rang parai nai khumi ly ampreng acham naira tleirei y eaung jojo ai, nanai thui pajau y; sorai paleung awm nai khumi ly tavai atiu naira y eaung jojo ai, nanai thui pajau y; khumi kachengchi ly teicha teinei avaw vai y ai, nanai thui pajau y; tau cheng nai khumi ly nang jojo ai, nanai thui pajau y; sa thai naira awm nai khumi ly kalop kalenra y atheng jojo ai, nanai thui pajau y nai ne. Khumi luteng ly taham si naira avum reng.

ISAIA 10:8

Ni ly amlyh naimy, “Kai i tavailu areng ngiereichi ly samrangchi ne na a!

ISAIA 20:5

Ethiopia pri ai ym iy, Aikupta pri satang kamlyh leu katheu u nai khumichi ly athang khai naira tama ai i, paleung phra u ai.

ISAIA 47:10

“Nang ly hawi y naichi sa iy, amymy ai ne bo, ami py niu y, nanai athang khai lawh. Nang i cheng naira hawi pany thai nairachi my, nang ai lam tamang hai bo. Nang ly nangmy ai, ‘Kai ly Tameuh ne, kai ka-tawm khumichi theung y by y,’ nanai thui bo.

ISAIA 5:21

Nangchi ly taham si! Amymychi ai khri pa-rei cheng parai, tau awm, nanai athang khai u reng.

JEREMIA 31:34

Areng ai pany ai nai mary i khumichi tengtawi, pri i khumichi tengtawi apachei leungtang ai nai aly ngai y ai. Ati mana nai mo nabaly katheang keh i dengdairei kalen keh y khrairei, kai ai pany u ai; kai ly nichi i kamngo pahen pi ai. Nichi i sa tamang naichi py kaimy pany pi ali ai ny y. Hini ly kai, Areng i thui nai leu ne,” napi.

JEREMIA 48:14

Moba neampachochi awi, nangchi ly ati mana nai y nangmychi kypkyp ai khumi soraichi, tavai keung i soraichi, nanai thui u lawh mo?

JEREMIA 48:7

“Moba pri awi, nang ly nangmy i atho hawi nang chawn nai ai a-ym nai ne. Na i py vai nang ly sum naira avum ai. Nang i tameuh Khemosa py, ni i samrang chapochi hawi pathyp pi nai keungchi raurei, pri pala naira avum u ai.

JEREMIA 49:4

Ka-ym by y nai khumi chengchi awi, nangchi ly ati mana nai y amlyh u mo? Nangchi ly atho bai u bo. Nangchi ly ati mana nai y nangmychi i sa thai naira haiho ai a-ym iy, ‘Achi ai ami my py ang tiu vam ai ny y,’ nanai thui u lawh mo?

Ezekiela 29:9

Aikupta pri ly khumi angso savai tlang nai meingtym lawm ai. Huna nai khala kai ly Areng ne, nanai nichi pany u ai. “Naing tavo ly nangmy i peang nai, nangmy i palum nai ne, nanai thui nai deaungkho y,

Ezekiela 7:19

Nichi ly mychi i muku, tangkachi ai anyn angso kamta, lamchira y hei u pawn ai. Ati mana nai mo na baly Areng i kado theu nai neng khala nichi i muku, tangkachi ly mymychi ai atleu pajau y nai deaungkho y ne. Nichi ly mymychi kajeu kanglam dam ai nai hawi mychi i kajeu apakawi ai nai molam py, muku tangkachi pasum thai y; muku tangkachi ly mymychi ai kamngo sa hai bo.

DANIELA 3:15

Vai nangchi ly bawchi, byhlyhchi, atymchi, taro katheang kalenchi hawi takhra katyn kapauchi beu nai katyn thai phai thai u baly, muku myn pui ai lu meung u. Huna nai kamta so u y lawh baly, nangchi ai mai pui kangveaung theung y vaimy aphi ai. Nangchi ai atleu pajau nai tameuh awm, nanai nangchi athang khai u a?” napi.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

MIKHA 6:8

Areng ly hawi naira patei pi. Mymy i aly ngai naichi thui pi bo. Mymy i aly ngai nai ly leu meitang adyh adawi naimy sa nai, tamen naira awm nai, paleung apanem naimy, nang i Tameuh hawi vanrei awm naichi ne.

ZEPHANIAH 1:18

Areng i kado theu nai huni kani y, huni khumichi ly mychi i muku tangka awm nai ngierei pei u teu i py, tlang atleu u pajau ai ny y. Khaileaung pri verei ly mymy i kado theu nai mai y kang i, phra be ai. Mymy ly khaileaung pri y awm nai ngiereichi ai, vaimy myh pawn na pa-rei tara chih ai.

MARKA 10:24

Naibaly abangnaichi my mymy i leu thui nai ly khri pa-rei lyh na i, Isu my pathang bi i nichi teng y, “Bechi awi, yhmtheaung ai ym naichi i vui ly Tameuh i peang naira y kun ai nai mana tanrei rai na mo!

ROM AVANGCHI TENG Y PAWLA I CHA PA NAI 1:22

Nichi ly kacheng apalawn u iy kamthu y lawn veng, naibaly dei thai y nai Tameuh i nang parai naira ai ly dei thai nai khumichi hawi,

I KORINTH 1:31

hunaibaly tajiu nai kamta ly, “Amlyh nai ngierei ly Areng y amlyh u sy,” nanai ne.

Leu Thui Nai 8:17

Hunai deaungkho y nangchi i sa thai naira hawi yhmtheaung katuichi nang nai ne, nanai athang khai u moh.

PHILIPI 3:10

mymy i dei nai ka-tawm dei iy, mymy ai hawi mymy i angthau bi naira i atiti sa thai naira hawi, mymy i patang nairachi amtawm hai nai py kapany thai ai nai hawi,

PHILIPI 3:8

Ne khyp, kai i Areng, Krista Isu ai pany naira ly atiti bawibawi tleaung y hawi keh nai deaungkho y ati cheaungkhang py chau naira y kapalawn nai ne.

I TIMOTHEI 6:10

Tangka yhmtheaung ai khri pa-rei ngai nai ly kamngo neangneang i pakeung ne; phyreichi ly huni ai paleung no i ym naira ai ly khai su iy, amymy ai paleung mawn naira khri pa-rei nawi nai my ly athun krai veng lawh.

1 SAMUELA 17:42

Naibaly ni ly Davida ai hawihai palai khen nai khala y, Davida ly khen apu parai nai deaungdi leaungrei teu, nanai niu nai y, ni ai panui hai bo.