JEREMIA 9:22 - Khumi Common Language Bible

²² Khumi tlaiveuchi ly li prangra i sieichi pakheng achu mang nai kamta py choh tyn nai khumichi my aphi su nai choh kawmchi, ami my py pakym achu y nai choh kawmchi kamta py, ajangtang naimy awm ai. Hini ly kaimy thui pi ai nai Areng my pei nai leu ne,” napi.

JEREMIA 9:22 Iomraidhean Croise

2 ARENG KEH 20:13

Hezekia ly savaichi ai lamchung iy, my i nang chawn nai muku, tangka, rimuichi hawi tavai ateaung bawibawichi patei pi bo. Vawnsai khai nai takunchi hawi pri verei y awm nai ngiereichi ai, huni khumichi teng y samrang my patei pi nai ne.

2 ARENG KEH 20:15

Isaia my, “Nichi ly samrang i yhm theung y atitichi niu u mo?,” nanai deng. Hezekia my, “Nichi ly samrang yhm theung y awm nai ngiereichi niu u nai ne. Vawnsai khaira takun theung i, nichi ai kaimy patei y nai ati sai py by y leang bo,” napi.

2 ARENG KEH 9:37

Ni i veu ly mo-cha amny y na pa-rei, huni meingtym y si ei kamta, ahei phro ai, nanai ly tym nai ne.

SAM 49:7

Khumi ly mana khala py amymy ai atleu pajau y; amy i hengra vang kateng ai Tameuh teng y pei teang pajau y.

SAM 83:10

tavai sum u nai deaungkho y, nichi i veuchi ly tavai atiu nai meingtym y veaung tlawn nai kamta, huni amsawi amnai asa nai kamkawm ai py, huna nai khaileaung y veaung tlawn naira vum hai ba.

LEU KACHENG 18:11

Na i py nang chawn nai khumichi ly mymychi i yhmtheaung katuichi my, mychi ai khaw parai nai mary apai ka-sang kamta ang kry, nanai athang khai u reng nai ne.

LEU KACHENG 23:4

Nang chawn ai nai molam atho sa naira y, amymy ai akawm hai ala y ai nai cheng naira awm ba.

ISAIA 5:25

Areng ly mymy i khumichi tlang tleaung y kado theu i, pajeng ai nai kiu pheu nai deaungkho y, mawichi ly amchyh neung na ai. Khumi kadei veuchi ly lamchi salo y anyn angso kamta awm jo ai. Huna teu i malawn py Areng i kado theu nai ly rym ai ny y. Mymy ly kamngo pajeng ai nai kiu pheu naimy awm ai.

JEREMIA 16:4

Nichi ly jei ai hawi nai kanghawi avum iy dei u ai. Ami py nichi i vui vo tangam u ai ny y. Nichi i veuchi py up ai ny y. Huni veuchi ly khaileaung salo y si ei pakheng mang nai kamta awm ai. Nichi ly tavai keung y dei u ai; ti y i py tahum takangra y dei u iy nichi i veuchi ly tavochi hawi daichi mawi kasichi i teicha lawm ai.

JEREMIA 25:33

Huni kani tym nai khala ly Areng my padei nai khumichi i veuchi ly khaileaung pri verei y ahei ai. Nichi i vui ami py paleung si hai ai ny y; veuchi py la iy up ai ny y. Huni veuchi ly si eichi pakheng achu nai kamta, khaileaung salo y awm ai.

JEREMIA 6:21

Hunai deaungkho y kai ly huni khumichi i mo y khangmui ka-cheungchi khai pi nai y pathuikhe iy, avah hai mawp ai. Amhm ampo hawi cho chanauchi py, ahawichi hawi yhm deaungpachi py dei u ai,” napi.

JEREMIA 7:33

Khumi tlaiveuchi ly tavochi hawi daichi mawi kasichi i teicha lawm ai. Huni daichi mawichi ai paryh pi pawn ai nai khumi leaungrei py awm ai ny y.

JEREMIA 8:2

Nichi ly mychi i kangai tahm khai nai, chiu sa nai, adeng ahui u nai kanito, lo, ka-sichi anui y, huni hiuchi ai jang jaai ai. Hunichi ai pakym iy up ai nai tleaung y ly khaileaung kahawi lawm ai nai pala jawn ai.

HABAKKUK 1:11

Naibaly mymychi i sa thai naira ai tameuh palawn iy, chiu u nai huni khumichi ly ali kamta, ho parai naimy athawn u pawn bo,” napi.

ZEPHANIAH 1:17

Areng my, “Kai ly khumichi tlang tleaung y khri pa-rei patang naira tym hai ai i, khumi luteng ly mei kamju kamta kaveng theung y patham mengmang iy tako u ai nai tla ai. Nichi ly kai i tlang tleaung y kamngo sa u bo. Naibaly kai ly nichi i thi ai tui kamta lai vui ai. Nichi i veuchi py khaileaung salo y veaung tlawn naimy awm ai,” napi.

Leu Thui Nai 8:17

Hunai deaungkho y nangchi i sa thai naira hawi yhmtheaung katuichi nang nai ne, nanai athang khai u moh.