JEREMIA 9:17 - Khumi Common Language Bible

¹⁷ Ati cheaungkhang sa thai nai keung Areng my, “Adawn pasym u! Vo kakawpchi, si tlaiveu keung y vo khulym thui kawp nai neampachychi ai palau u,” napi.

JEREMIA 9:17 Iomraidhean Croise

2 NENG SATANG 35:25

Amo Jeremia ly samrang Josia molam y vo khulym harei tajiu iy, khulym kawp nai neampacho, neampachychi my, Josia dei nai i vui y paleung si nai ka-ma-ra, hini khulym thui u. Hina nai khulym thui nai ly Israela chengchi i reita lawm i, huni vo khulym ly vo khulym cha-iu pui theung y abawi nai ne.

JOBA 3:8

Levithan ai pakym pajau nai atam sarachi ly huni kani ai pasawi u sy.

Parip nai leu 12:5

Nangchi ly ka-sangra lyn ai nai jei u iy, lam aleaung nai khala py ka-jeira awm ai. Nangchi i sam ly pau ryh ai; nangchi ly nangmychi i tlang ai apako pajau y na pa-rei awm ai; ati sai py ngai nai paleung awm ai ny y. Achi ly amychi kangkhym i anawn ai nai meingtym y tako u ai; huna nai khala vo hai kawp nai khumichi ly lamchira y vo tangam naimy awm u ai.

JEREMIA 7:29

“Jerusalem mary i khumichi awi, vo tangam u; Nangchi i sam vau iy aphi u pawn. Kai, Areng ly kaimy i kado theu hai nai khumichi ai nyn kava veng bo i, nangchi ly mawi aheungchira y tlaiveu pavum nai khulymchi thui u.

TANGAM NAI LEU 2:5

Areng ly paleung ka-e kamta, Israela chengchi ai taphra bo. Nichi i amtangrachi hawi samrang i yhmchi py, phra seaungkhrang naimy awm hai bo. Mymy ly Juda pri khumichi i tlang tleaung y, paleung mawn naira tem y pa-rei tym hai na bo.

Ezekiela 27:2

“Nang khumicho awi, Turu mary i vui y vo khulym thui hai ba.

Ezekiela 32:16

Hina nai kaimy hawihai palai thui pi kheng nai leuchi ly vo sai lawm ai. Neampachychi ly Aikupta pri hawi huni pri khumi bawibawichi i vui vo hai iy, huni vo sai hawi vo hai ai. Hini ly sa thai naira angym nai kai, Areng i pei nai leu ne,” napi.

AMOS 5:1

Aw Israela khumichi awi, nangchi ai veu pavum ai nai, kai i thui nai hini vo khulym tangai u.

MIKHA 2:4

Huna nai neng tym nai khala y khumichi my, nangchi patang naira avum nai leaungsai molam y, thui achih jo ai. Nangchi i heng nai deung y avum nai py, hina nai paleung si paleung mawn ai hawi nai khulym thui u ai: Achi ly angchi khyp, taham si i phra phro bo! Areng ly achi i pri ai, achi kiu i nai ang la pi veng iy, achi ai patiu nai khumichi kiu y au vui nai ne.

MATTHAI 9:23

Naibaly Isu ly miteaung keh i yhm y kun i, byhlyh eng naichi hawi khumi mipuichi i tukulula nai niu iy,

MARKA 5:38

Naibaly achura yhm miteaung keh i yhm y tym u iy, Isu ly nichi i khrukhrala nai hawi vo hang tukulu nai ly niu.