JEREMIA 9:12 - Khumi Common Language Bible

¹² Kaimy, “Aw Areng, “Ati mana nai y hini pri ly aki aleaung ai nai ngo y, phra seaungkhrang naimy tui by y nai daichi ka-vym kamta lawm lawh mo? Hina naichi pany thai nai khumi kacheng ly ami mo? Khumi takhrachi teng y thui pi pateang thai ai nai, ami hini satangchi ai ami teng y nangmy pany hai yb mo?,” nanai deng bo.

JEREMIA 9:12 Iomraidhean Croise

SAM 107:34

Mymy ly khaileaung kahawi ai, teaung ai ngo y nai palawi khaileaung lawm hai bo; ati mana nai mo nabaly hu y awm nai khumichi i hawi y nai molam y ne.

SAM 107:43

Khumi kachengchi ly huni atitichi ai, paleung theung y pateung me iy, Areng i khaw parai nai tamen nai satang dawn u pasym sy.

ISAIA 42:23

Nangchi theung i ami nai ly hini leu tangai na a? Nangchi ly vai i dengdairei, hawihai palai tangai u ai a?

JEREMIA 23:10

Achi i pri ly Areng i tlang tleaung y ka-ym by y nai khumichi hawimy kawi na bo. Nichi ly teng y naichi sa iy, mychi i sa thai naira ai teaung u atyhtyh nai ne. Achi i pri ly Areng i amsawi lawi nai deaungkho y, vo tangam naimy tawnbawichi sui tlai naira py, jengha na veng bo.

JEREMIA 23:16

Ati cheaungkhang sa thai nai keung Areng my Jerusalem mary i khumichi teng y, “Amochi my nangchi ai athang khai hai atyhtyh nai deaungkho y, nichi i leu tangai u moh. Nichi ly mychi i paleung theung y dawn nai kamta thui u nai teu, kai i thui nai leu ny y leang.

JEREMIA 23:22

Nichi ly kai i kangviu y dawn tau naichi pany u lawh i khyly, kai i leu pei naichi kai i khumichi teng y thui pi ai i, mychi i hawi y sa naichi hawi, mychi i kamngochi khai su pajau ai.

JEREMIA 23:28

Amang amang nai amo ly my i niu nai ly amang teu y, nanai thui ai nai avo khyp. Na i py kai i leu pei nai thai nai amo ly huni leu pei nai ai meitang khyp naimy thui pi ai nai tla. Chohnei hawi pata baly choh ali ly ati hawi naira awm mo?

JEREMIA 9:20

Kaimy, “Neampachochi awi, Areng my leu pei nai tangai u. Mymy i leu ai hawihai palai dawn u patyp ly tangai u. Nangchi i chaniuchi vo kawp ai nai py, nangchi i ahawi ka-dawichi, si tlaiveu khulym thui kawp ai nai py, patiu pi u.

Ezekiela 14:23

nang ly nichi i amhi amtlau nai saichi niu nai khala, kai ly ati mo ra py so atyhtyh y leang, nanai hawihai pany ai,” napi. Hini ly sa thai naira angym nai Areng i thui nai leu ne.

HOSEA 14:9

Tau cheng nai khumi hawi dawn pasym thai nai khumichi ly hini cha-iura tajiu nai ngiereichi ai dawn pany thai iy, paleung theung y pateung u me na sy. Areng my khai pi nai reitachi ly teng nai deaungkho y khumi kahawichi ly huni reita lamchi kamta tangai iy, heng u bo. Na i py kamngo sa nai khumichi ly huni reita lamchira y tako u y nai deaungkho y, athei thleaung iy atlym u nai ne.

HOSEA 4:10

Nangchi ly kapathypra phy nga nai cha u i py, kajeu kanglam dam u ai ny y. Nangchi ly cho chanau thawn ai nai tameuhchi ai chiu teu i py, cho chanau ngo u y; ati mana nai mo na baly nangchi ly kai, Tameuh ai khai su iy tameuh takhra ai chiu u bo.

JOELA 1:11

Nangchi li, hlau sa naichi awi, paleung si tangam u; ati mana nai mo nabaly chohpui chomaw, chajai hawi amti amjang bawibawichi phra be veng bo. Naibaly nangchi kreip akho yhmkeungchi awi, vo tangam u.

ZEPHANIAH 3:6

Areng my, “Kai ly khumi cheaungkhangchi ai, kataphra be veng bo. Nichi i marychi ai kataphra pawn iy, mary apaichi, amtangrachi ai py phra seaungkhrang hai bo. Marychi ly khumi angso savai tlang iy, lamchi ra py aleaung ali nai by y, khumi leaungrei py by y leang bo.

MATTHAI 24:15

“Hunaibaly phain nai ngierei ly awm nai sai pany sy: amo Daniela i thui nai taphra nai keung amso ngai nai ly meingtym kachai y, angdo nai nangchi niu nai khala y ly,

Leu Thui Nai 32:29

Nichi ly ati mana nai y tavai sum u nai mo, nanai pany u y; ati mana nai deaungkho y mo, nanai py dawn pajau y.

AMTENG HAI NAI 1:3

Hini thui yb nai leu sai phain nai keung hawi, hini theung y tajiu nai leu sai thai iy patawm nai keungchi py taham hawi, ati mana nai mo nabaly neng ly kasa bo.