JEREMIA 9:11 - Khumi Common Language Bible

¹¹ Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

JEREMIA 9:11 Iomraidhean Croise

NEHEMIA 4:2

My i ahawichi hawi Samari risachi mo y ni my, “Hini ati sai py sa thai naira by y nai Juda chengchi ly ati sa u nai mo? Nichi ly Jerusalem mary palum teang ai nai tau u nai a? Apathyp nai saho y hini kalop ai kanirei naimy pajau vui ai, nanai athang khai u nai sai a?,” napi.

SAM 107:43

Khumi kachengchi ly huni atitichi ai, paleung theung y pateung me iy, Areng i khaw parai nai tamen nai satang dawn u pasym sy.

SAM 44:19

Na i py nang ly kaichi ai daichi mawi kasichi awm nai meingtym y kajeaung kamang khai su bo. Veng keh nai meingtym y aphi su iy, khai nai ne.

SAM 79:1

Aw Tameuh, nang i pri theung y Tameuh ai pany y nai khumichi ang kun u miuh bo; nichi ly nang i Achura yhm kachai ai chai hai y bo; Jerusalem mary ai py taphra u veng nai ne.

ISAIA 13:22

Angdeangrachi hawi samrang yhmchi ly kasui hawi khivachi a-u nai katyn hawimy amsau na ai. Babulon mary y kamngo pajeng nai neng kani ly ang tym bo! Huna nai awm nai neng kani py dym ai nai kasa bo.

ISAIA 25:2

Nang ly marychi ai phra seaungkhrang hai iy, mary apai katheuchi ai py taphra pawn bo. Kaichi i paleung ka-echi my sa pi nai samrang yhmchi ly deungtasarei tama veng nai ne.

ISAIA 34:13

Samrang yhmchi hawi lengseaung apai tapang nai mary bawibawichira y aleng keung cheaungkhangchi prau iy, khivachi hawi beaungkuchi awm naira lawm ai.

ISAIA 44:26

Na i py thui pi yb nai sai sairei ai kai i miseaung my sa nai khala py, kai i dawn tau naichi pany hai ai nai, amtaw thau leaung leaungrei ai kapato nai khala py, kai ly dawn pasym naichi hawi thui yb naichi, katym hai khyp nai ne. Jerusalem mary y khumichi awm u ali teang ai. Juda marychi sa palum u teang ai, nanai huni mary tleirei y, kaimy thui pi bo. Huni marychi phra naira i nai, lo-pa ali teang ai.

JEREMIA 1:15

Kai ly tosyh mang i khumi cheng cheaungkhangchi ai kapalau bo,” nanai Areng my leu pei nai ne. Nichi i samrangchi ly jeu iy, mychi i samrang atehra ai Jerusalem mary ka-ki hawi, mary apai katheu pa-khochi sahawi y py, Juda marychi tengpang sahawi y py, khai u ai.

JEREMIA 10:22

Tangai u! Satang harei angym bo! Tosyh mang i cheng harei ly khri pa-rei khrukhra naira theu bo. Nichi ly Juda marychi ai khivachi aeungra, khumi angso savai tlang naira lawm hai ai,” napi.

JEREMIA 16:10

“Hini atitichi ai khumi mipuichi teng y nangmy thui pi nai khala y, nichi my, Areng ly ati mana nai kaichi ai hina tanrei pajeng ai nai leu pacheang lawh mo? Kaichi ly ati ka-jo ka-thui awm lawh mo? Kaichi i Areng Tameuh tlang tleaung y ati katamang u lawh mo?” nanai nang teng y ang deng u ai.

JEREMIA 25:11

Hini pri verei ly phra seaungkhrang naimy awm iy, niu nai khumichi jei hyn naira lawm ai. Pri deaungpa i khumi cheng bawibawichi py, saneng vui saryh tym pa-rei Babulon samrang i miseaung y achei u ai.

JEREMIA 25:18

Juda samrangchi, miteaung kehchi hawi vanrei, Jerusalem mary hawi Juda mary i awm nai ngiereichi ly niu nai khumichi i vui y kaso theu jei hyn ai hawi nai khutaha daichi ka-vym lawm bo. Huni khumichi i amynchi py khumichi my pasawi patau naira y teaung nai leu lawm hai nai, huni kado theu nai hang nei u bo. Vai khrairei huni marychi ly hunai kamta awm jo nai ne.

JEREMIA 26:18

“Juda samrang Hezekia deung y Morise avang i amo Mikha ly khumi bawibawichi teng y ati cheaungkhang sa thai nai keung Areng my, ‘Zion mawi ly li khaileaung kamta, thawn piu nai avum ai; Jerusalem mary ly lengseaung ka-nawi pakheng achu nai lawm iy, Achura yhm mawi py thengreung lawm ai,’ nanai ang thui pi bo.

JEREMIA 26:9

Ati mana nai y Achura yhm ly Siloh avang kamta lawm ai, nanai hawi, huni mary ai ly taphra vui iy, khumi angso savai tlang naira lawm ai, nanai py, nang ly Areng i amyn y thui katheu lawh a? nanai aeu bo. Naibaly khumichi ly Achura yhm theung y achu iy, kai ai katanmeuh bo.

JEREMIA 34:22

Huni tavaimichi ai kaimy leu pei nai deaungkho y, nichi ly vawi ali iy, hini mary ai tiu chum baly mai leng pawn ai. Kai ly Juda marychi ai khumi angso by y nai, khutaha daichi ka-vym lawm hai ai. Hini ly kai, Areng i thui nai leu ne,” napi.

JEREMIA 4:27

(Khaileaung bomverei ly daichi ka-vym lawm vui teu i py, phra be ai ny y, nanai Areng my leu pei yb nai ne.)

JEREMIA 44:2

Israela chengchi i Tameuh, ati cheaungkhang sa thai nai keung Areng my, “Jerusalem mary hawi takhra Juda marychi ai kaimy ka-jeira tym hai nai ly nangmychi kypkyp my niu chum bo. Huni marychi ly vaini khrairei phra seaungkhrang iy khumi angso savai tlang jo nai ne.

JEREMIA 49:33

Hazor mary ly khivachi aeungra, khumi angso savai tlang nai meingtym lawm hai jojo ai. Huni meingtym y ami py awm ali bi ai ny y. Hini ly kai, Areng i thui nai leu ne,” napi.

JEREMIA 50:3

“Tosyh ngan mang i khumi cheng harei ly Babulon mary y tiu ai nai ang jeu iy, huni mary ai khutaha daichi ka-vym lawm hai ai. Khumi hawi tawnbawichi preang pawn ai i, huni meingtym ly khumi angso savai tlang naira lawm ai,” napi.

JEREMIA 51:37

Huna nai khala Babulon mary ly daichi mawichi awm naira, yhm hlau kaphrachi lawm ai. Huni ly kaso tahyn theu ai hawi naira lawm iy, khumi angso savai tlang naira lawm ai.

JEREMIA 8:22

Kilead pri y asi akhang by y lawh bo a? Daitang py by y lawh bo a? Ati mana nai y kai i chengchi i no-na hawi pa-rei so u thai y lawh mo?

TANGAM NAI LEU 1:4

Khai takhra nai pawi neng kani khala, chiu sa ai nai Achura yhm y chei nai khumi py by y. Achura yhm y khulym thui nai anglochi py, paleung si paleung mawn naimy awm u bo. Naibaly pathyp pi nai keungchi py, vo tangam nai ny y baly ati sai py so u thai y. Mary katheuchi ly khumi savai angau na bo. Zion mary ly patang naira avum bo.

TANGAM NAI LEU 2:2

Areng ly pahen y naimy Juda avang bawibawichi ai taphra pawn iy, Juda pri ai khaw hai nai amtangrachi py, panawi seaungkhrang vui bo. Mymy ly hu y peang nai keungchi hawi, pri ai py tahm anem hai vui bo.

TANGAM NAI LEU 3:47

Kaichi ly phra seaungkhrang naichi ka-vum u bo. Kaichi ly paka naira hawi, ka-jeirachi theung y kaheng u nai ne.

Levi 26:32

Kai ly nangchi i pri kang taphra pi ai nai deaungkho y, nangchi i pri y peang nai paleung ka-echi malawn py kaso theu u ai.

MIKHA 1:6

Hunai deaungkho y Areng my, “Kai ly Samari mary ai daichi theung y mary kaphra kamta, kreip keung ui nai meingtym kamta, lawm hai ai. Kai ly mary kaphrachira i lengseaungchi ai, leaunghawi mang y adi heu vui iy, mary langdeng ai py kapatheaung phro vui ai.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.

MIKHA 6:16

Nangchi ly samrang Omari hawi, ni i chapo samrang Ahab nini i hawi y sa nai nithun abang u nai deaungkho y, huni phra naira avum u ai. Khumi lutengchi my nangchi ai thui tamawn u ai. Khumi cheaungkhangchi ly nangchi ai panui hai ai,” napi.

Leu Thui Nai 29:23

Nangchi i khaileaungchira y kan hawi palawichi sau hai nai deaungkho y, daichi ka-vym lawm ai; ati sai py pati ai nai ngo y ai, achachi malawn py prau ai ny y. Nangchi i pri ly Areng my khri pa-rei kado iy taphra nai Sodom hawi Komora mary, Adamah hawi Zeboim marychi ai sa nai kamta phra ai.

AMTENG HAI NAI 18:2

Naibaly mymy ly tao pajeng parai naimy, “Babulon avang pui ly anawi veng bo, anawi veng bo; vawinamchi i awm naira hawi phailo chai y nai cheaungkhangchi i awm reng naira hawi, chai y nai hawi amso awm nai tavo cheaungkhang i awm reng naira py lawn bo.