JEREMIA 9:10 - Khumi Common Language Bible

¹⁰ Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

JEREMIA 9:10 Iomraidhean Croise

ISAIA 41:15

Kai ly nangchi ai rawbo chiu parai nai chohchau kangtha kamta, lawm hai ai. Nangchi ly mawi puichi ai ati iy dei lawm hai ai. Mawi aheungchi py, spryh lawm vui ai.

ISAIA 49:19

“Nang i pri ly phra seaungkhrang iy, khumi angso savai tlang veng bo. Na i py vai ly awm nai khumichi i vui huni pri ly theang ala veng nai ne. Nang ai phra seaungkhrang hai nai khumichi ly kamlora y tym u veng ai.

JEREMIA 12:10

Cheng takhra samrangchi malawn py, kai i kreip akho taphra u nai ne. Nichi ly kai i li hlauchi ai chiu u piupa veng bo. Apu parai nai kai i pri nai tui by y nai daichi ka-vym lawm hai u bo.

JEREMIA 12:11

Nichi ly huni pri y khumeung khuram lawm hai bo. Huni pri ly kai i mo y khumi angso savai tlang naimy awm bo. Pri verei khai su nai avum iy, ami my py dawndan y bo.

JEREMIA 12:4

Kaichi i pri ly jengha nai mana tanrei kra iy, li hlauchira i achachi py, mana tanrei kakra ngamchi ajawi ai mo? ‘Kaichi i sa nai ly Tameuh my niu y leang,’ nanai thui u nai hini pri khumichi i hawi y nai molam y, tavochi hawi daichi mawichi dei nai ne.

JEREMIA 14:6

Keaungngo karamchi ly mawi saleungchira y angdo naimy, khivachi kamta jeng taho u na bo. Nichi ly teicha alam nai deaungkho y mei phawnja na bo.

JEREMIA 2:15

Paleung ka-echi ly ni ai khrangsi kamta hang hai bo. Ni i pri y jeng hai rawm bo. Ni i mary ly phra seaungkhrang iy, khumi angso savai na bo.

JEREMIA 2:6

Kai ly nichi ai Aikupta pri i nai atleu iy, daichi ka-vym jeungrei, khutaha daichi ka-vym, khaileaung angawmchi kawi mang nanai pri, jengha iy ka-jeira nawi nai pri, khumi angso savai tlang naimy khuleaung chei nai khumi by y nai pri y tako prei i, lam kapahawi pi teu i py, nichi ly kai ai dawndan u y.

JEREMIA 23:10

Achi i pri ly Areng i tlang tleaung y ka-ym by y nai khumichi hawimy kawi na bo. Nichi ly teng y naichi sa iy, mychi i sa thai naira ai teaung u atyhtyh nai ne. Achi i pri ly Areng i amsawi lawi nai deaungkho y, vo tangam naimy tawnbawichi sui tlai naira py, jengha na veng bo.

JEREMIA 50:3

“Tosyh ngan mang i khumi cheng harei ly Babulon mary y tiu ai nai ang jeu iy, huni mary ai khutaha daichi ka-vym lawm hai ai. Khumi hawi tawnbawichi preang pawn ai i, huni meingtym ly khumi angso savai tlang naira lawm ai,” napi.

JEREMIA 7:29

“Jerusalem mary i khumichi awi, vo tangam u; Nangchi i sam vau iy aphi u pawn. Kai, Areng ly kaimy i kado theu hai nai khumichi ai nyn kava veng bo i, nangchi ly mawi aheungchira y tlaiveu pavum nai khulymchi thui u.

JEREMIA 8:18

Kai i paleung si nai rym vui pajau y. Kai i paleung ly patang bo.

TANGAM NAI LEU 1:16

“Hunai deaungkho y kai i meichira i, mei katuichi leaung bo. Kai ai ami py awmnem naira pei pajau y. Ami py paleung atho ham pa-rei pei pajau y. Paleung ka-echi ly kaichi ai ang pajau u vui bo. Kai i khumichi teng y py, yhmtheaung katui ati sai py by y leaung bo.”

TANGAM NAI LEU 2:11

Kai i meichi ly vo ala nai deaungkho y, pajai na bo; kai i paleung phailo py, khri pa-rei patang parai bo. Kai ly kaimy i khumichi myh kang pawn nai molam y, paleung si parai naimy atho py bai na bo. Deaungdichi hawi deaungdi chymplei naichi ly mary theung i lamchira y paleung veang y naimy atlym u bo.

TANGAM NAI LEU 5:18

Zion mawi ly khumi angso by y nai deaungkho y, khivachi ly mary kaphrara y aki aleaung nai ne.

Ezekiela 14:15

“Ti y baly kaimy khumichi ai tamyh ai nai mawi kasichi pato ai; huni pri y khumi angso savai tlang iy aki aleaung thai y na pa-rei, mawi kasichi deaungkho y khri pa-rei ka-jeira awm ai.

Ezekiela 27:2

“Nang khumicho awi, Turu mary i vui y vo khulym thui hai ba.

Ezekiela 29:11

Mani khumi hawi mani tawnbawichi py, huni pri y aleaung ali ai ny y. Saneng vui palyh ryrei huni pri y khumi awm ai ny y.

Ezekiela 33:28

Kai ly huni pri y khumi angso savai tlang nai meingtym lawm hai ai. Khumi mipuichi amlyhra lawm nai sa thai naira py tama vui ai. Amimi py aki aleaung thai y na pa-rei, Israela mawichi ly khumeung khuram lawm ai.

Ezekiela 6:6

Israela chengchi i mary bawibawichi ly khumi angso savai tlang iy chiu sa naira meingtym ka-sangchi ai taphra nai deaungkho y, nichi i maichamchi hawi mynchi ly taphra piu iy kawi seaungkhrang pawn ai. Mui katui leng patlum nai maichamchi py kawi piupa pawn iy, nichi i sa nai ngiereichi ly tama pawn ai.

HOSEA 4:3

Hunai deaungkho y hini pri ly jengha ai i, heng nai amjy cheaungkhangchi dei u be ai. Amso tawnbawichi, tavochi hawi, pangli theung y awm nai ngochi malawn py dei u ai,” napi.

JOELA 1:13

Maichamra amsi nai nangchi pathyp pi nai keungchi awi, paisiu kanih akhiu iy vo tangam u! Kai i Tameuh mo y kalop sa nai keungchi awi, Achura yhm theung y kun iy, vumtorei vo tangam u! Nangchi i Tameuh teng y talam ai nai chohpui chomaw hawi, kreip hangchi by y leang bo.

JOELA 1:19

Sui tlai nairachi hawi dengkeaung keungchi ly mai my kang nai kamta deirawm pawn nai ne. Huna nai y aw Areng, kaichi ly nang teng y vo u nai ne.

AMOS 5:1

Aw Israela khumichi awi, nangchi ai veu pavum ai nai, kai i thui nai hini vo khulym tangai u.

AMOS 5:16

Hunai deaungkho y ati cheaungkhang sa thai nai Areng my, “Mary theung i lamchira y paleung si ai hawi nai vo raawi, seng meingtymchira y tangam nai raawi thai ai. Vo khulym kawp naichi hawi vanrei jeu iy, vo ai nai li sa keungchi ai palau ai.

MIKHA 2:4

Huna nai neng tym nai khala y khumichi my, nangchi patang naira avum nai leaungsai molam y, thui achih jo ai. Nangchi i heng nai deung y avum nai py, hina nai paleung si paleung mawn ai hawi nai khulym thui u ai: Achi ly angchi khyp, taham si i phra phro bo! Areng ly achi i pri ai, achi kiu i nai ang la pi veng iy, achi ai patiu nai khumichi kiu y au vui nai ne.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.