JEREMIA 9:1 - Khumi Common Language Bible

¹ Kai ly dei naira avum nai kai i chengchi i vui vum kanithun vo pajau ai nai kai i meichi ly meikatui ly tuino kamta py, kai i lu ly tuikan kamta py, lawm ai ngai parai na bo.

JEREMIA 9:1 Iomraidhean Croise

SAM 119:136

Khumichi ly nang i reita leu ai tangai u y nai deaungkho y, kai i mei katuichi ly tavo tui kamta leaung na bo.

SAM 42:3

Kai ly vum, kanithun vo nai deaungkho y, mei katuichi ly kai i teicha teinei lawm na bo. Paleung ka-echi my kai teng y, “Nang i Tameuh ly ma mang y awm mo?,” nanai avawrei angdeang u bo.

SAM 55:7

Kai ly khri pa-rei palo nai meingtym mang y angkheang iy, daichi ka-vymra y kaawm ai.

ISAIA 16:9

Vai, kai ly Jaza mary i vui vo-pi reng nai kamta, Sibmah kreip keungchi i vui py vo-pi lawh bo. Khumichi amo theu naimy pakym achu ai nai amti amjangchi by y nai deaungkho y, kai ly Hesabon mary hawi Elealeh mary i vui y meikatui tla bo.

ISAIA 22:4

Vai ly kai ai, kaimy tlairei khrikhri pa-rei kavo ai nai pei kyh. Kai i khumi neangneangchi ly dei u pawn lawh bo i, kai ai paleung pahawi ai nai atho so moh jau ba.

JEREMIA 13:17

Nangchi tangai u y lawh baly, kai ly nangchi i amlyh am-e nai molam y vo paryp ai. Kai ly paleung si nai khri pa-rei vo ai. Ati mana nai mo nabaly Areng i khumichi ly langheng y hawi pawn nai deaungkho y, kai ly meikatui tla ai.

JEREMIA 14:17

Kai i paleung mawn nai sai khumichi teng y, hina nai thui pi ai nai Areng my leu pei nai ne. “Kai i meichi ly vum kani avaw y naimy, meikatui tlo na sy. Kai i chengchi ly khri pa-rei tamo kalem nga iy, khri pa-rei no patang nai deaungkho y, mana khala py vo nai anawn y naimy awm sy.

JEREMIA 3:10

Hina nai kalopchi sa chum baly Israela i tuicho ka-ym by y nai Juda ly kai teng y ali teang bo. Paleung pipi apei y, ngai ka-awi sa iy jeu nai ne. Hini ly kai, Areng i thui nai leu ne,” napi.

JEREMIA 4:19

Kai i paleung pathym no-ei na! kham pajau y na pa-rei no-ei na! Kai i paleung khri pa-rei ahyn thlyhthlyh na! Kasa them nai bo! Kai ly awm py thai y bo. Baw eng nai katyn hawi tavai tiu aeu nai raawichi py kathai bo.

JEREMIA 5:7

Areng my, “Kai ly kaimy i khumichi i kamngochi ati mana nai y kapahen ai mo? Nichi i cho chanauchi ly kai ai khai su iy, tameuh ka-chawichi i amyn y tau iy vaineng abeu u bo. Kai ly kaimy i khumichi ai kajeu kawi pa-rei kapacho teu i py, nichi ly ami i yhm hlau taphra iy, bimachi hawi tamang u bo.

JEREMIA 6:26

Areng my mymy i khumichi teng y, “Nangchi ly paisiu akhiu iy maidym theung y jawn y tlawntlai; chanau leaungrei dei keng nai molam y vo tangam nai kamta, paleung ama naimy vo u. Ati mana nai mo nabaly nangchi ai tamyh pawn ai nai keung ly vaimy ang jeu iy ang tiu praw ryp ai nai deaungkho y ne.

JEREMIA 8:18

Kai i paleung si nai rym vui pajau y. Kai i paleung ly patang bo.

JEREMIA 9:18

Khumichi my py, “Kaichi i meichi ly meikatui hawi kawi iy, kaichi i mei akhymchi ly vo ala nai deaungkho y, meikatui kawi nanai pa-rei, si tlaiveu khulym thui thai nai khulym kakawpchi ai palau u kaliki,” napi u.

TANGAM NAI LEU 2:11

Kai i meichi ly vo ala nai deaungkho y, pajai na bo; kai i paleung phailo py, khri pa-rei patang parai bo. Kai ly kaimy i khumichi myh kang pawn nai molam y, paleung si parai naimy atho py bai na bo. Deaungdichi hawi deaungdi chymplei naichi ly mary theung i lamchira y paleung veang y naimy atlym u bo.

Ezekiela 22:12

Nang theung i nang i khumi phyreichi ly un cha iy, khumi ai padei nai keungchi lawm u bo. Phyrei khumichi ly mymychi Israela chengchi teng y tangka paseng i, kamran la iy mymychi ai nang hai u. Nichi ly kai ai tami u veng bo,” napi. Hini ly sa thai naira angym nai Areng i leu ne.

HOSEA 7:4

Nichi bawibawi ly ka-ym by y naichi ne. Tako paawp nai khumi ly tako dei kangheang khai rym khala, mai katei y nai kamta, huni khumichi i niu ngai y nai paleung ly tako paawp nai takeangra i mai kamta bi-um jo nai ne.