JEREMIA 8:15 - Khumi Common Language Bible

¹⁵ Achi ly tlamsa ai nai athang khai u teu i py, atyhtyh teu bo; noso aho ai nai athang khai u teu i py, ka-jeira naini nga u lawh nai ne.

JEREMIA 8:15 Iomraidhean Croise

JOBA 30:26

Kai ly amo theu ai nai kadeaung nai khala, patang naira py, kangvang kadeaung nai khala, kaveng py avum nai ne.

JEREMIA 12:12

Khumichi ly tiu ai nai tui by y nai daichi ka-vymra i, mawi aheungchi tako prei iy, ang jeu bo. Hini pri verei taphra pawn ai nai, kai ly tavai pasau hai ai. Ami py tlamsa naimy awm thai y.

JEREMIA 14:19

Aw Areng, nang ly Juda pri ai khai su angchi khyp nai bo a? Kaichi i no-na hawi sa ai nai ngo y na pa-rei nang ly ati mana nai y kaichi ai khri pa-rei tamo kalem nga hai lawh mo? Kaichi ly amo theu naira kadeaung u teu i py, atyhtyh teu bo. No-na hawi ai nai athang khai u teu i py, jei hynra naini avum u nai ne.

JEREMIA 4:10

Huna nai khala kai ly “Aw Areng, nang ly Jerusalem mary i khumichi ai li-tapawp vui lawh ly! Tlamsa naira nga ai, nanai nangmy leu pei i py, vai ly nichi i kaneaung y haisau padawi lawh bo,” napi.

JEREMIA 6:25

Paleung ka-echi ly tavai ateaungchi pa iy, ka-jeira my ang katanmeuh nai deaungkho y, kaichi ly daichi daireang y theu vam y, lamchira py aleaung vam y bo,” napi u.

JEREMIA 8:11

Nichi ly kai i khumichi i tamo kalemchi ai tahm pateng pi y naimy hawi sa pi. ‘Cheaungkhangra y amsym y nai neng khala, cheaungkhangra amsyn bo’, nanai thui u bo.

Ezekiela 7:25

Nangchi jei hyn ai nai neng ly tym bo. Nangchi ly tlamsa naira hau i py avum u ai ny y.

MIKHA 1:12

Maroth mary i khumichi ly ajijaw naimy patangra avum u bo. Areng ly Jerusalem mary ai patangra tym hai ai bo i, kaichi mary i khumichi ly paleung ahyn thlyhthlyh naimy kasabawmra ajeng u nai ne.

I THESALONIKA 5:3

Khumichi ly, “Awm nem naira hawi chymme naira awm bo,” na naichi i thui nai thym khyp khala y ly, neampachy i chanau tapen ai nai no nai kamta ly tlenrei khyh my tama ai naira ly nichi i tlang tleaung y tym ai i, tleaung ai naira pipi ngo y ai.