JEREMIA 7:29 - Khumi Common Language Bible

²⁹ “Jerusalem mary i khumichi awi, vo tangam u; Nangchi i sam vau iy aphi u pawn. Kai, Areng ly kaimy i kado theu hai nai khumichi ai nyn kava veng bo i, nangchi ly mawi aheungchira y tlaiveu pavum nai khulymchi thui u.

JEREMIA 7:29 Iomraidhean Croise

2 ARENG KEH 17:20

Areng ly Israela cheng bawibawichi ai khai su bo. Nichi ai mymy mei ka-niu i nai patheu vui iy, ana pumpi nai paleung ka-echi kiu y au nanai pa-rei pajeng bo.

JOBA 1:20

Huna nai khala Joba ly mymy i ateaungchi sei vui bo. Sam py avau vui iy, khaileaung y ambeu i chiu sa.

ISAIA 22:12

Huni thym khala y ati cheaungkhang sa thai nai keung Areng ly nang ai vo hai iy, paleung si nai ka-ma-ra patei ai nai hawi, lu vau tabiuliu iy paisiu amchiu ai nai thui pi yb nai ne.

JEREMIA 12:7

Areng my, “Kai ly kaimy i Israela ai khai su iy, kaimy vawi takhra nai khumichi ai py nyn va veng bo. Kaimy tamen nai khumichi ai paleung ka-echi kiu y au veng bo.

JEREMIA 14:19

Aw Areng, nang ly Juda pri ai khai su angchi khyp nai bo a? Kaichi i no-na hawi sa ai nai ngo y na pa-rei nang ly ati mana nai y kaichi ai khri pa-rei tamo kalem nga hai lawh mo? Kaichi ly amo theu naira kadeaung u teu i py, atyhtyh teu bo. No-na hawi ai nai athang khai u teu i py, jei hynra naini avum u nai ne.

JEREMIA 16:6

Kamawn kanang patleh y naimy huni pri i khumichi ly dei u ai. Na i py ami py nichi i veu up ai ny y. Nichi i vui py vo tangam u ai ny y. Paleungsi nai ka-ma-ra amymy ai tamo kalem nga hai nai, sam avau nai py sa u ai ny y.

JEREMIA 3:2

Mawi saleungchi ai khen angdeang u. Bima kamta nang so vai y naichi awm a? Arab cheng ly daichi ka-vym y lawm ai nai amo yb nai kamta, nang ly lam tengchira y tavawichi ai ajeng bo. Nang ly nangmy i hawi y nai kamleaung kalop hawi, hini pri y chai hai y nai ne.

JEREMIA 3:21

Mawi aheungchi salo y raawi thai nai ne. Huni raawi ly Israela mipuichi i kamngo theung y anum naimy mymychi i Areng Tameuh ai tami u veng nai deaungkho y, vo tangam nai tarawi y hnei takeng u nai raawi ne.

JEREMIA 47:5

Kaza mary i khumichi ly khri pa-rei paleung si vo tangam u bo. Asakelon mary i khumichi py tyn kryh y nai ne. Awm rai nai Philistin khumichi ly mana tanrei kakra vo tangam awm u ai mo?

JEREMIA 48:37

Khumi luteng ly sam hawi labeaung mui avau u bo. Nichi ly mychi i kiubanchira tamo ajyn iy, paisiu kanih apam u bo.

JEREMIA 6:30

Kai, Areng ly nichi ai khai su bo. Hunai deaungkho y nichi ai tangka chang ei, nanai palau ai,” napi.

JEREMIA 9:10

Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

JEREMIA 9:16

Kai ly nichi hawi nichi i amsi pajochi malawn py thai vai y nai khumi chengchi theung y, nichi ai ahei hai ai. Hunaibaly nichi phra be ai nai pa-rei tiu ai nai tavaimichi kapato ai,” napi.

TANGAM NAI LEU 5:22

Ti y baly nang ly kaichi ai deungtasarei, khai su ai bo a? Nang i kado theu nai rym nai neng by y bo a?

Ezekiela 19:1

Israela samrang i chapo leaung nyhrei i vui vo tangam nai khulym ly anui mang i kamta thui ai nai Areng my kai ai leu pei nai ne.

Ezekiela 28:12

Mymy ly “Nang khumicho awi, Turu samrang i avum ai nai khym taham i vui y paleung si ba. Sa thai naira angym nai kai, Areng my ati leu pei mo, nanai thui pi ai nai ly nang ly vaichi khala cheh ai nai by y na pa-rei hawi angym nai sai pata ai ataing nai ne. Nang ly khri pa-rei cheng iy mo-cha hawi parai nai ne na a!

AMOS 5:1

Aw Israela khumichi awi, nangchi ai veu pavum ai nai, kai i thui nai hini vo khulym tangai u.

MIKHA 1:16

Juda khumichi awi, nangmychi tamen nai cho chanauchi i vui y, nangmychi i sam avau u. Nangchi i cho chanauchi ai, pri takhra mang y langheng y hawi pawn ai nai deaungkho y, nangchi i lu ly langna lu kamta, lu tabiuliu na pa-rei avau u.

MATTHAI 12:39

Naibaly mymy ly nichi teng y, “kamngo parai nai hawi pajang sa ryry nai deung kangthauchi ly ka-ma-ra hau u lawh, na i py amo Jona harei ny y baly nichi teng y ka-ma-ra pipi patei ai ny y.

MATTHAI 16:4

Kamngo parai nai hawi pajang sa ryry nai deung kangthauchi ly ka-ma-ra hau u lawh, na i py Jona harei ny y baly nichi teng y ka-ma-ra pipi patei ai ny y,” napi nai pathang. Naibaly mymy ly nichi teng i nai chei vui iy leh bo.

MATTHAI 23:36

Meitang khyp kang thui pi, huni atiti bawibawi ly vai deung i kangthauchi i tlang tleaung y tym ai.

MATTHAI 3:7

Na i py mymy ly Pharisaichi hawi Saddukaichi neangneang ly baptisma nga ai nai jeu naichi ai niu baly mymychi teng y, “Pavui i kangpreangchi awi! Kado theu naira ang tym ai nai ly preang veng ai nai ami my ang pachei mo?

AMTAW 2:40

Naibaly leu takhra takhra neangneang hawihai palai thui pi i, “vai deung kangthau sa ta-li naichi theung i nai apalawi u,” nanai pachei.

Leu Thui Nai 32:5

Na i py nangchi ly ka-ym by y, mymy i khumi lawm ai nai py ataing y, kamngo kawi nai hawi li-tapawp nai khumi cheng theaungchi ne.