JEREMIA 7:26 - Khumi Common Language Bible

²⁶ Na i py nangchi ly kai i leu tangai y, tahm py khai u y. Nangchi ly nangmychi i amsi pajochi tleaung y malawn py paleung tang iy, tiu ai ngai nai khumichi lawm u bo.

JEREMIA 7:26 Iomraidhean Croise

1 ARENG KEH 14:22

Juda mipuichi ly Areng i tlang tleaung kamngo sa u bo. Nichi ly amsi pajochi tleaung y malawn py, Areng kado theu ai nai kamngo sa tleaung sa ra nai ne.

1 ARENG KEH 14:9

Nang ly nangmy ny rai khala i peang nai samrangchi tleaung y py, khri pa-rei kamngo len naichi sa bo. Nang ly kai ai hi vui iy tameuh takhra ai chiu naimy mynchi sa nai molam y, kai ai kado patheu lawh ly.

2 ARENG KEH 17:14

Na i py nichi ly tangai pi y; mymychi i Areng Tameuh ai ym y nai amsi pajochi kamta, paleung kyh chawn u bo.

2 ARENG KEH 17:15

Nichi ly mymy i leu pei nai tangai u y; mymy hawi amsi pajochi asa nai leu maikawm ai py patawm u y. Mymy i pany hai nai leuchi ai py dawndan u y. Nichi ly ati sai py ny y naichi ai chiu u iy, nichi py ati sai py ny y nai khumichi lawm u bo. Tengpang sahawi i khumichi sa nai kamta, so u y ai nai, Areng i leu pei nai tangai u y naimy, huni khumichi i reita mang y abang u nai ne.

2 NENG SATANG 30:8

Nangchi ly nichi kamta paleung tang u moh. Areng i leu tangai u. Nangchi ly nangchi i Areng Tameuh my khai takhra nai Jerusalem mary y jeu u iy, mymy ai chiu u. Hunaibaly mymy ly nangchi ai kado ang theu hai ai ny y.

2 NENG SATANG 33:10

Areng my Manase hawi khumi mipuichi ai pany hai pi teu i py, nichi ly tangai u y.

2 NENG SATANG 33:23

Na i py ni ly ampo kamta paleung apanem naimy Areng teng y ahihawi y. Ampo tleaung y malawn py kamngo sa nai ne.

NEHEMIA 9:29

Nang ly nangmy i parip nai leu nichi tangai ai nai pany hai bo; Reita leu pei nai patawm nai ly mymychi tlang hengra lam ne i py, nichi ly amlyh am-e naimy nang i leuchi khai u su nai ne. Nichi ly khri pa-rei paleung tang nai y, nang i leu tangai y naimy awm u.

LEU KACHENG 29:1

Thui parip nai avaw avawrei avum i py, paleung kyhchaw asai nai khumi ly kanirei nai khala atlym ai i, ang thau ali teang pajau ai ny y.

ISAIA 48:4

Nangchi ly tamo kamta tang naimy kheupaja kamta khri pa-rei tang iy, paleung tang u ai, nanai kapany.

ISAIA 5:4

Huni akhobai palum naira y kai ly ati so pi y nai awm mo? Na i py kreip keungchi ly kai i athang khai nai kamta, ati mana nai kreip athai kahawichi jeng y, kreip athai kathochi athai lawh mo?

JEREMIA 11:8

Na i py nichi ly kai i leu tangai u y. Sa patawm nai py by y. Nichi bawibawi ly paleung tang ra tang ra iy, kaso ra kaso u ra nai ne. Kai ly nichi teng y sa patawm ai nai leu pei kheng teu i py, nichi patawm u y nai khala Leu Maikawm theung y abawi nai vainengchi ly nichi i tlang tleaung y lawi hai bo,” napi.

JEREMIA 16:12

Na i py nangchi ly nangmychi i amsi pajochi tleaung y malawn py, khri pa-rei hawi y nairachi sa u nai ne. Nangchi bawibawi ly paleung tang, hawi y iy kai i leu tangai u y.

JEREMIA 17:23

Nichi i amsi pajochi ly kai i leu tangai u y. Nichi ly paleung tang naimy kai i leu ngai u y. Kai i parip nai py ngai u y.

JEREMIA 19:15

Israela chengchi i Tameuh, ati cheaungkhang sa thai nai keung Areng my, “Nangchi ly paleung tang iy kai i leu tangai u y. Hunai deaungkho y hini mary hawi tengpang i marychi tlang tleaung y, jangni y thui yb nai kamta, pajeng naira tym hai ai,” nanai leu pei nai nichi teng y thui pi bo.

JEREMIA 22:21

Nangchi nang chawn nai thym khala y, Areng ly nangchi ai pany hai pi bo. Na i py nangchi ly tangai u y. Nangchi ly deaungdichy khala i dengdairei, hina nai kamta sa u jojo. Areng i leu ai mana khala py tangai ai nai ngai u y.

JEREMIA 25:3

“Areng ly Ammon i chapo Juda samrang Josia i samrang lyn nai saneng holai thom ka-so vaini khrairei, saneng apom phai thomrei sala y, kai teng y leu ang pei nai ne. Kaimy py mymy i leu pei naichi ai, nangchi teng y kang thui pi bo. Na i py nangchi ly tahm khai u y.

JEREMIA 25:7

Na i py nangchi ly mymy i leu tangai u y, nanai Areng mymy kypkyp my thui nai ne. Nangchi ly mymy i leu tangai ai nai tleaung y ly nangmychi i sa nai mynchi hawi kado theu hai iy, mymy i pajeng naira ly nangmychi i tlang tleaung y tym hai lawh bo.

JEREMIA 26:5

Nangchi teng y kaimy kang pato taleang kang pato taleang bi nai, kai i miseaung amochi leu ai tahm pateng ai nai tla. Nangchi ly nichi i leu mana khala py tangai u y lawh.

JEREMIA 29:19

Nichi ly kai i miseaung amochi dengdairei avaw avawrei, kai i leu pei nai tangai u y. Hunai deaungkho y huna naichi ly nichi teng y tym ai. Nichi ly huni leu tangai ai nai akhi u.

JEREMIA 3:13

Nang ly nangmy i Areng Tameuh ai tiu lawh nai hawi, kamngo tla bo, nanai phai ahui. Apu parai nai dengkeaung tleirei anui y, nang ly cheng takhrachi i tameuhchi ai paleung apei lawh iy, kai i leu tangai y lawh, nanai py ahui ai nai tla. Hini ly kai, Areng i thui nai leu ne.

JEREMIA 32:23

Na i py nichi ly hini pri y tiu iy amtym u nai khala ly nang i leu pei nai tangai u y; thui parip naichi py patawm u y. Nang i sa hai naichi ly harei py so u y. Hunai deaungkho y nang ly hini ka-jeirachi ai nichi i tlang tleaung y tym hai bo.

JEREMIA 34:14

Nichi ly mychi i van nai Hebrai miseaung ngiereichi ai miseaung sa hai teang nai bo y, saryh saneng y ly miseaung alaw hai teang ai nai tla, nanai nichi teng y kaimy thui pi nai ne. Na i py nangchi i amsi pajochi ly kai ai tahm khai u y; kai i leu py tangai u y.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 35:17

Hunai deaungkho y Israela chengchi i Tameuh, ati cheaungkhang sa thai nai keung kai Areng ly kaimy i adeu nai ka-jeira ai Juda khumichi hawi Jerusalem mary i khumichi tlang tleaung y tym hai ai. Ati mana nai mo nabaly nangchi ly kaimy thui nai khala tangai u y. Kaimy palau nai khala pathang u y nai deaungkho y ne, nanai leu pei nai thui pi,” napi.

JEREMIA 44:16

“Areng i amyn y nang i thui nai leuchi ly kaichi tangai ai nai ngai y.

JEREMIA 5:3

Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

JEREMIA 6:10

Kaimy py, “Kaimy kapany hai iy ami my kai i leu tangai ai mo? Nichi ly kanochi tamym vui iy nang i leu pei naichi tangai ai nai akhi naimy, nang i leu panui hai ai.

JEREMIA 6:17

Baw eng iy pany hai nai katyn tangai ai nai Areng ly tamcheaungchi khai pi bo. Na i py nichi my, “Kaichi tangai ai nai ngai y,” napi u.

JEREMIA 7:24

Na i py nichi ly kai i leu tangai y, tahm py khai u y. Nichi ly mychi i hawi y nai paleung katangra i theu nai ka-dawnchi kamta sa u. Nichi ly hawi ai nai tleaung y ly hawi y kehra bo.

JEREMIA 9:13

Areng my, “Hina naichi tym nai ly kai i khumichi ly mychi teng y kaimy patiu pi nai leuchi ai khai u su nai deaungkho y ne. Nichi ly kai i leu tangai y, kai i thui nai kamta py so u y.

Ezekiela 12:2

Mymy ly “Nang khumicho awi, nang ly atiu ham nai khumi cheng theung y awm nai ne. Nichi ly mei awm i py ati sai py niu u y, kano awm i py ati sai py thai u y. Ati mana nai mo na baly nichi ly atiu ham naichi ne nai deaungkho y ne.

Ezekiela 12:3

“Nang khumicho awi, vai nang ly ngari patang nai khumi leaungrei kamta, nangmy i vawnsaichi tapau iy kani thuntang y theu ba. Nang ly huna nai meingtym takhra y chei jo nai ly khumi luteng my niu sy. Atiu ham nai khumichi py, nang i theu nai ai dawn pany tan pany thai lym ai.

Ezekiela 20:30

Israela chengchi teng y kai i leu pei nai amti pi; nangchi ly ati mana nai y amsi pajochi sa tamang iy chai hai y nai kamta, nangmychi ai chai hai u y lawh; nichi i chiu nai chai y nai mynchi ai chiu u lawh mo?

DANIELA 9:6

Kaichi ly kaimychi i samrangchi, samrang i cho chanauchi, amsi pajochi dengdairei mipui bawibawichi i tlang tleaung y, nang i miseaung amochi my nang i amyn y thui pi naichi kaichi ly tangai u y nai ne.

HOSEA 11:7

Nichi ly kai teng i nai angphri vui iy tako u reng nai ne. Nichi tleang nai kaneaung tamtleang molam y tangam naimy aeu u teu i py, ami py huni tamtleang ai dawmkhawn pi ai ny y.

ZEKHARIAH 7:11

“Na i py kai i khumichi ly dawndan u y naimy, paleung tang u i, kai i leu tangai u y. Nichi ly mychi i kano tamym u.

MALAKHI 3:7

Nangchi ly nangmychi i amsi pajochi kamta, kai i reita leuchi ai tangai y naimy, amphri u vui bo. Nangchi ly kai teng y jeu u ali teang. Kai py nangchi teng y kang jeu teang ai. Na i py nangchi my, ‘Nang teng y kang jeu pajau ai nai kaichi ati kasa u ai mo?’ nanai deng u bo.

MATTHAI 21:38

Na i py akho kry nai keungchi ly mymy i chapo ai niu bo nabaly, ‘Hini ly yhmtheaung kamtym ne; choh, padei u sina, mymy i yhmtheaung amtym ai nai ly lo pi sina,’ nanai mymychi tengtawi arum u bo.

MATTHAI 23:32

Hunaibaly ngamsichi i ne naira pakawi u.

AMTAW 7:51

“Nangchi paleung katang hawi, paleung hawi kano takip y naichi awi, nangchi ly mana khala py Phailo Kachai ai paka jojo; nangchi i amsi sangumchi i sa nai kamta nangchi py sa u jojo.

ROM AVANGCHI TENG Y PAWLA I CHA PA NAI 2:5

Na i py nang i atangai y nai hawi uikhei y nai paleung awm nai deaungkho y kado theu naira hawi, Tameuh i tara chih naira hawi parai nai amteng ai nai kani i vui ly, nang i tlang tleaung y kado theu naira pateung achu amang nai ne.

Leu Thui Nai 8:20

Nangchi ly Areng i leu tangai u y lawh baly, nangchi tako nai khala nangchi ai paka nai khumichi ai Areng my tama hai nai kamta ly nangchi ai py tama hai ai.