JEREMIA 7:23 - Khumi Common Language Bible

²³ Na i py kai ly nichi i Tameuh ne iy, nichi py kai i khumichi lawm ai nai molam y, kai i leu tangai u ai nai reita leu kapei nai ne. Cheaungkhangra y amsym ai nai molam y, kaimy pei nai reita lam y tako u ai nai leu pei nai ne.

JEREMIA 7:23 Iomraidhean Croise

JOBA 36:11

Nichi ly leu tangai iy Tameuh i kalop sa u lawh teu baly, heng nai sala ryrei nang chawn iy, tlamsa naimy awm u nai ne.

SAM 119:3

Huni khumichi ly kamngo so u y naimy, Areng i reita lam y tako u reng nai ne.

SAM 40:6

Nang ly apathyp nai hawi katalamrachi aly ngai y bo. Maicham tleaung y bom verei leng patlum nai tawnbawichi ai py, kamngo pahen nai kapathyprachi ai py, nang ly hnei y leang. Na i py nang ly nang teng i leu thai ai nai kai ai kano pei nai ne.

SAM 81:13

Kai i khumichi ai kai i leu tangai ai nai kangai hai; kai i leu pei naichi sa patawm ai nai kangai hai!

THEU NAI 15:26

Nangchi ly “Kai i leu tangai iy, kai i leu pei naichi takhawi y pa-rei patawm u baly, Aikupta chengchi teng y katym hai nai no michi nangchi teng y kang tym hai y leang mang. Kai ly nangchi ai no-na hawi sa pi nai Areng ne,” napi.

THEU NAI 16:32

Mosi my, “Areng ly achi ai Aikupta pri i dengdairei pahawi iy, daichi ka-vymra y achi ai pacho nai manna tako ai, achi i deung kangthauchi my niu ai nai manna tako maidenrei reume ai nai tla, nanai Areng my leu pei nai ne,” napi.

ISAIA 3:10

Khumi kahawichi ly taham hawi ai. Nichi i vui cheaungkhangra y amsym ai. Nichi ly mychi i dawn nai, tau nai, sa naichi molam y, hawi naira avum u ai.

JEREMIA 11:4

Huni Leu Maikawm ly nichi ai tamo paheung pui hawi atawm nai Aikupta pri i dengdairei, kaimy pahawi nai thym khala y, kai ly nichi i amsi pajochi hawi asa nai Leu Maikawm ne. Kai ly huni khumichi ai kai i leu tangai ai nai hawi, kaimy sa hai nai kalop ngiereichi sa u ai nai leu pei nai ne. Nichi ly kai i leu pei naichi tangai u lawh ai nabaly, kai i khumichi lawm iy, kai py nichi i Tameuh lawm ai.

JEREMIA 11:7

Nichi i amsi pajochi ai Aikupta pri i dengdairei kapahawi nai thym khala my, kai ly nichi ai kai i leu tangai u ai nai, hawihai palai kathui pi kheng bo. Vaini khrairei kapany hai jojo nai ne.

JEREMIA 13:11

Israela hawi Juda khumi bawibawichi ly kai i khumi lawm iy, kai i amyn palo u thai ai nai, kai ly nichi ai khumi i akeng y akawm cheng nai akeng kawm nina kamta, kai i sahawi y abiri pa-rei awm ai nai ngai hai nai ne. Na i py nichi ly kai i leu tangai u y.

JEREMIA 22:21

Nangchi nang chawn nai thym khala y, Areng ly nangchi ai pany hai pi bo. Na i py nangchi ly tangai u y. Nangchi ly deaungdichy khala i dengdairei, hina nai kamta sa u jojo. Areng i leu ai mana khala py tangai ai nai ngai u y.

JEREMIA 22:3

“Kai Areng ly nangchi ai leu meitang naimy kahawichi sa u ai nai leu kang pei. Nangchi ly katapawpra avum nai khumichi ai amo hai u. Cheng takhrachi, nuro nukaichochi, ti y baly neampachy lumaichi ai teng y nairachi hawi ana nairachi py so u moh. Hini kachai meingtymra y kamngo by y nai khumichi ai padei u moh.

JEREMIA 24:7

Kai ly Areng ne, nanai pany ai ngai nai paleung nichi teng kapei pi ai. Hunaibaly nichi ly kai i khumichi lawm u ai i, kai py nichi i Tameuh lawm ai. Ati mana nai mo nabaly nichi ly paleung hawi verei, kai teng y vawi u teang ai nai deaungkho y ne.

JEREMIA 31:33

Nichi hawi kai asa nai Leu Maikawm kangtha ly hini ne. Kai ly kaimy i reita leu ai nichi i paleung theung y kapakun pi ai. Kai ly nichi i Tameuh lawm iy, nichi ly kai i khumichi lawm u ai.

JEREMIA 32:23

Na i py nichi ly hini pri y tiu iy amtym u nai khala ly nang i leu pei nai tangai u y; thui parip naichi py patawm u y. Nang i sa hai naichi ly harei py so u y. Hunai deaungkho y nang ly hini ka-jeirachi ai nichi i tlang tleaung y tym hai bo.

JEREMIA 38:20

Kaimy, “Nang ly nichi i kiu y tym ai ny y. Nang teng y kaimy kang thui pi nai Areng i leu phai tangai iy, sa ai nai kang takeng nai teu. Hina nai kamta sa baly cheaungkhangra hawi ai i, nang ly hengra nga ai.

JEREMIA 42:6

Nang ai Areng Tameuh teng y chiu sa ai nai kang takeng u bo. Kaichi ngai i py ne sy, ngai y i py ne sy, nang i leu pei naichi kapatawm u ai mang. Mymy i leu tangai baly kaichi i vui cheaungkhangra y hawi ai,” nanai thui u bo.

ZEPHANIAH 3:2

Huni mary ly Areng i leu pei nai tangai y. Mymy i thui pi nai reita patawm y. Mymy ai ym y. Areng teng i kasabawmra py hnei y.

ZEKHARIAH 6:15

Kamlora y awm u nai khumichi ly jeu iy, Areng i Achura yhm sa palum naira y sabawm u ai. Huni Achura yhm sa palum nai cheang nai khala y, nangchi ly nangmychi teng y kai ai ati cheaungkhang sa thai nai Areng my pato nai ne, nanai pany u ai. Nangchi ly nangmychi i Areng Tameuh i leu pei naichi ai, hawihai palai tangai u lawh baly hina naichi tym ai.

ZEKHARIAH 7:7

Hini ly Jerusalem mary nang chawn nai neng khala y, jangni amochi deung y Areng my pei nai leu ne. Huna nai khala mary sahawi i avangchira y naini, khumi neangneang awm u nai ny y. Tokalawi ngan mang y hawi nidym ngan mang i mawi kheutangchira y py awm u nai ne.

ROM AVANGCHI TENG Y PAWLA I CHA PA NAI 16:26

naibaly leu kathiu amteng hai nai kamta (huni leu kathiu ly deungtasa dengdairei aheu reng i, vai naini amteng hai nai ne; naibaly deungtasa khrairei awm nai Tameuh i leu pei nai kamta, ym naira patawm ai nai, amochi i cha-iu leu ly cheng cheaungkhangchi teng y pany hai nai bo):

II KORINTH 10:5

aei nairachi hawi Tameuh ai pany naira paka ai nai tahm asang parai nairachi ai py aphrei iy, dawn naira cheaungkhang ai ly Krista i leu tangai nai miseaung y hawi nai ne;

Leu Thui Nai 11:27

Vaini kaimy kang pei nai nangchi i Areng Tameuh i reitachi ai nangchi patawm u baly, amtheaung naira nga u ai.

Leu Thui Nai 13:4

Areng teng y abang u ly mymy ai phai taham khai u; mymy i reitachi patawm u ly mymy i leu tangai u. Mymy ai chiu u ly mymy ai ka-ym awm u.

Leu Thui Nai 13:5

Na i py nangchi ai Aikupta miseaung i nai lawi hai nai keung Areng ai tiu ai nai ang parawi nai amo, ti y baly amang thui pachai kawp naichi ai ly padei pawn ai nai tla. Huni khumi ly nangchi ai Areng i leu pei nai hengra lam dengdairei amphri hai vui ai nai parawi nai keung ne. Huni tamang naira i nai nangchi asyn vui thai ai nai, huni khumi ai padei vui ai nai tla.

Leu Thui Nai 30:2

nang hawi nangchi i kangpreangchi ly Areng teng y ali u teang iy, kaimy vai kang pei nai reitachi ai paleung hawi verei tangai u baly,

Leu Thui Nai 30:20

Nangchi i amsi pajo Abraham, Isaka hawi Jakobchi teng adeu nai pri y, nangchi hawi nangchi i kangpreangchi kra parai naimy heng thai ai nai nangchi i Areng Tameuh ai tamen u, mymy i leu phai tangai u ly mymy ai phai chiu u,” nanai leu pei bo.

Leu Thui Nai 30:8

Nangchi py mymy i leu pei naichi tangai ali teang iy, vaini kaimy nangchi teng y kang pei nai reita bawibawichi patawm u ai.

Leu Thui Nai 4:10

Sinai mawiy nangchi i Areng Tameuh i mo y nangchi tym u nai thym khala, mymy ly kai teng y, ‘Mipuichi ai kachu u. Kai i leu pei nai ngiereichi tangai hai. Huna khala naini nichi heng nai sala ryrei ly kai ai jei naimy tahm khai u ai,’ nanai kai ai leu pei naichi ai, nangchi i katu chanauchi teng y patiu pi.”

Leu Thui Nai 4:40

Vaini nangchi teng y kaimy kang pei nai reita bawibawichi tangai u baly, nangchi hawi nangchi i kangpreangchi ly nang chawn u ai. Nangchi py Areng Tameuh my nangchi amtym jojo ai nai pei nai pri y deungtasarei awm ai nai nga u ai,” napi.

Leu Thui Nai 5:16

“ ‘Nangchi teng Areng my pei nai pri y nangchi nang chawn iy, heng sau thai ai nai, nangchi i Areng Tameuh my leu pei nai kamta, ngamhm ngampo ai tahm khai u.

Leu Thui Nai 5:29

Nichi ly hina nai kamta kai ai Jei kaji naimy tahm khai u iy, kai i leu pei nai bawibawichi tangai u ai na baly, nichi hawi nichi i kangpreangchi ly ati cheaungkhangra y hawi naira nga u ai.

Leu Thui Nai 5:33

Nangchi peang ai nai pri y tlamsa naimy awm u jojo pajau ai nai, hini leu pei nai bawibawichi tanga iy so patawm u.

Leu Thui Nai 6:3

Aw Israela khumichi awi, huni reitachi tangai u ly patawm u! Huna nai sa baly amsi pajochi i Areng Tameuh my adeu nai kamta, nangchi ly nang chawn iy haiho len nai khumi cheng lawm ai; paitiu khuta hawi nai pri y awm ai nai nga u ai.

HEBRAI 5:9

hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:

1 SAMUELA 15:22

Samuela my, “Areng ly leng patlum nai kapathypra, napi nai katalamrachi talam nai hawi, mymy i leu pei nai tangai naichi theung y, ati ai ngai keh mo? Leu tangai nai ly veung hawi keh nai beram hawi pathyp nai tleaung y vang teng keh nai ne.