JEREMIA 7:10 - Khumi Common Language Bible

¹⁰ Nangchi ly kai i ngai y nai kalopchi sa naimy kai i Achura yhm y jeu iy, kai i mo y angdo i, ‘Kaichi ly phrumai by y! Hini amso ngai naichi kasa u pajau bo,’ nanai thui u.

JEREMIA 7:10 Iomraidhean Croise

1 ARENG KEH 9:3

Areng my ni teng y, “Kai ly nang i chiu sa nai thai bo; kai ai chiu jojo nai meingtym lawm ai nai, nang i sa nai hini Achura Yhm ai kaimy khai takhra pi bo. Hini Achura Yhm ai kaimy avawrei kang khen pi ai.

2 ARENG KEH 21:4

Mymy ai chiu ai nai meingtym ne, napi nai Areng my thui nai Achura yhm y, mynchi teng apathyp ai nai maichamchi sa.

2 NENG SATANG 33:4

Mymy ai chiu jojo ai nai meingtym napi nai Areng my thui nai Achura yhm theung y, mynchi teng y apathyp ai nai maichamchi sa u.

2 NENG SATANG 33:7

Ni ly Achura yhm theung y myn khai nai ne. Huni Achura yhm molam y Tameuh my Davida hawi chapo Solomon teng y, “Israela theaung holai nyhreichi i khu ka-peang ngiereichi theung i, kaimy vawi takhra nai Jerusalem mary i hini Achura yhm theung y, kai ai chiu u jojo ai nai tla.

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

ISAIA 48:2

Huna nai ne teu i py, nangchi ly nangmychi my chai parai nai marychochi nanai py, ati cheaungkhang sa thai nai Areng napi nai Israela chengchi i Tameuh ai paleung pado u nai khumichi nanai py, amlyh u nai ne.

JEREMIA 32:34

Nichi ly kai i amyn y sa nai Achura yhm theung y amso ngai hawi nai mynchi khai iy chai nem hai y bo.

JEREMIA 34:15

Kani kra y naimy nangchi ly paleung ali vui i, kai i kangai sa u bo. Nangchi bawibawi ly nangmychi i Hebrai cheng tengtawi tlamsa naira pei ai nai ngai u bawi iy, kai i amyn y sa nai Achura yhm y kai i mo y Leu Maikawm sa u bo.

JEREMIA 44:9

Juda marychi hawi Jerusalem lamchi salo y nangchi i amsi pajochi, Juda samrangchi hawi ajuchi, nangchi hawi nangmychi i ajuchi my hawi y sa naichi ly tami u veng bo a?

JEREMIA 7:11

Kai i Achura yhm ai ly damrachi i aheura meingtym palawn u lawh a? Nangchi i sa nai kalopchi ai kai kaniu, napi.

JEREMIA 7:14

Hunai deaungkho y nangchi ym u keh nai hini kai i Achura yhm ai, Siloh avang y kamta kasa teang ai. Nangchi i amsi pajochi hawi nangchi ai kang pei nai, hini meingtymchi ai ly Siloh avang y kamta kasa teang ai.

JEREMIA 7:30

“Juda khumichi ly hawi y nai sa u bo. Nichi ly kai i niu ngai y nai mynchi hawi, kai i Achura yhm theung y chai hai y bo.

Ezekiela 20:39

Sa thai naira angym nai Areng my, “Nangchi Israela cheng bawibawichi awi, vai nangchi ly leaungrei py takhawi y pa-rei nangmychi teng y awm nai mynchi teng y chei iy chiu u! Na i py vai i dengdairei nangchi ly kai i leu tangai u ai nai tla. Mynchi teng y kapathyprachi talam nai molam y, kai i chai parai nai amyn ai vai mo mang y thui tamawn bi moh.

Ezekiela 23:29

Nichi ly nang ai niu ngai y i, nang i pateung achu nai vawnsai ngiereichi la vui iy, nang ai tlang ka-keu naimy ang khai u su ai. Nang ai tlang ka-keu naimy awm nai bima kamta lawm hai ai. Nang ly kamleaung paleung awm nai hawi bima kalop sa nai deaungkho y,

Ezekiela 23:37

Nini ly kamleaung sa nai, khumi ai padei nai, mynchi ai juvo palawn iy kai hawi nga nai chanauchi ai padei bo. Nini ly kai i chanauchi ai mynchi teng y apathyp hawi nai ne.

Ezekiela 23:39

Kai i cho chanauchi ai mynchi teng y apathyp nai kani y my, kai i Achura yhm y jeu iy chai y naichi sa hawi lawh!

Ezekiela 33:25

“Sa thai naira angym nai kai, Areng my nichi teng y leu pei nai ly: nangchi ly mawi hawi vanrei thi py cha u. Mynchi chiu iy khumi ai py padei u. Na i py hini pri ai nangchi amtym bo, nanai ati mana nai dawn u lawh mo?

Ezekiela 33:31

Hunai deaungkho y kai i khumichi ly nangmy thai hai ai awm nai leu tangai ai nai, nang i mo y ang tym u bo. Na i py nichi ly nang i thui nai kamta so u y. Leu khulym kahawi katheu u teu i py, atakaw nai paleung awm nai kamta sa u.

Ezekiela 5:11

Areng my leu pei nai ly “Nangchi ly amso ngai nai cheaungkhangchi sa u iy, Achura yhm ai py chai hai y nai deaungkho y, kai ly Tameuh kangheng ne nai y, nangchi ai pahen y naimy kang tamyh pawn ai.

DANIELA 9:18

Aw Tameuh, kaichi i hnei takeng nai tangai pi kyh ba. Kaichi ai khen ly nang i amyn hawi sa nai huni mary i patang nai ai, pany pi kyh ba. Kaichi ly kaimychi i hawi nai, kateng sa nai molam y ny y naimy, nang i pahen naira len parai nai saho y chiu kang sa.

HOSEA 6:9

Pathyp pi nai keungchi ly tiu lawm ai nai oh nai damra kamkawm hawi atawm. Nichi ly Sekhem mary mang y chei nai lam y malawn py, khumi ai tleh u nai ne. Nichi ly hina nai hawi y nai kalopchi sa u lawh ly!

AMOS 4:5

Tameuh ai kawn nai leu thui nai tako talam u. Alyly naimy talam nai py nang Israela chengchi my thai hai iy amlyh u. Huna nai sa ai nai nangchi ngai, nanai leu pei nai ne.

ZEPHANIAH 1:5

Yhm amphu salo y lyn iy kanito, lo, ka-si taukichi ai chiu nai ngiereichi ai, kaimy taphra pawn ai. Kai ai chiu naimy ka-ym awm ai mang, nanai vaineng abeu chum iy Mole amyn y vaineng abeu nai khumichi ai py, katamyh pawn ai.

MALAKHI 3:15

Kaichi niu nai kamta paleung len amlyh nai khumichi ly taham hawi naichi ne. Khumi hawi y naichi ly nang chawn u bo. Huni khyh chang y rai; nichi ly Tameuh i neaung hawi nai sai ai cham u teu i py, ati patang naira py avum u y’, nanai thui u,” napi.

MATTHAI 23:13

“Na i py nangchi Reita patiu nai keungchi hawi Pharisai tapawp naichi awi, nangchi ly taham si! Nangchi ly amichi i vui kani pri my peang naira ly kho hai tawp veng iy, nangmychi py kun u y i, kun ai naichi ai py nangchi my kun ai nai pei u y.

JOHAN 13:18

Kai ly nangchi bawibawi i satang thui nai ny y leang; kai i vawi naichi ai ly kaimy pany, na i py ‘Kai hawi biu cha nai khumi my ni i kheu patui y tapi vui bo,’ nanai Tameuh i cha-iu leu tym hai ai nai.

JOHAN 18:28

Hunaibaly nichi ly Isu ai Kaiapha i yhm dengdairei samrang i yhm y pahawi; naibaly khutawi tarum taro bo; naibaly nichi ly chai y nai lawn y iy, katlen vui nai pawi biu cha thai ai nai samrang i yhm y kun y leang.