JEREMIA 6:5 - Khumi Common Language Bible

⁵ Vum y achi tiu u sina. Jerusalem mary i amtangrachi taphra u sina,” nanai thui u nai ne.

JEREMIA 6:5 Iomraidhean Croise

2 NENG SATANG 36:19

Ni ly Achura yhm hawi mary ai mai leng iy, Jerusalem mary apaichi py taphra bo. Samrang yhmchi hawi vang kateng vawnsaichi hawi vanrei, mai leng pawn nai ne.

SAM 48:3

Huni mary pui i amtangrachi theung i mymy teng y chymme naira awm, nanai Tameuh my patei pi bo.

ISAIA 32:14

Samrang i yhm malawn py huni my tlairei awm su iy, mary pui ly khumi angso savai tlang naimy awm ai. Huni mary pui y typ nai amtangrachi hawi yhmchi py, deungrei phra naimy awm jo ai. Huni meingtym y keaungngo kano kasau karamchi tlumtlai iy, beramchi teicha tlai u ai.

JEREMIA 17:27

Na i py nichi ly kai i leu tangai y, Anawn kani ai khai takhra nai kani palawn iy teaung patawm y naimy huni kani y, Jerusalem mary katheu pa-khochi tako prei naimy, mani vawnsaichi py tawn pajau y. Tawn u lawh teu baly kai ly Jerusalem mary katheu pa-khochi mai leng vui ai. Huni mai ly Jerusalem mary i samrang yhm y kang hai ai. Huni mai ai ami py pathym u pajau ai ny y,” napi.

JEREMIA 52:13

Ni ly Achura yhm hawi samrang yhm ai py, Jerusalem mary y aly len nai khumi bawibawichi i yhmchi ai py, mai leng pawn nai ne.

JEREMIA 52:7

Huna nai khala mary apaichi ly anawi be bo. Mary ai Babulon chengchi my katanmeuh teu i py, tavaimi risa bawibawichi ly vum y preang u nai ne. Nichi ly samrang i akho lam mang theu iy, apai nyhrei sala y awm nai katheu pa-kho mang theu i, Jordan leaunghawi mang y preang u bo.

JEREMIA 9:21

Dei areng ly achi i thaibeng pa-kho mang dengdairei, achi i yhm puichi theung y ang kun nai ne. Nichi ly lamchira y awm nai deaungdi chochi hawi, seng meingtym y awm nai thawndeang deaungdi ka-cheangchi ai padei bo.

HOSEA 8:14

“Israela khumichi ly samrang yhmchi sa u teu i py, mychi ai sa nai keung ai tami u bo. Juda khumichi ly khaw parai nai marychi sa u. Na i py kai ly nichi i samrang yhmchi hawi marychira y, mai tla iy kang hai ai.”

AMOS 2:5

Hunai deaungkho y kai ly Juda pri salo y mai kani nai hai iy, Jerusalem mary i amtangra yhmchi ai maidym satlawi palawn vui ai,” napi.

OBADIA 1:1

Hini Obadia i amo leu ly Edom pri molam y Obadia teng y, sa thai naira angym nai Areng my leu thui pi nai ne. Areng ly khumi cheng cheaungkhangchi teng y, mymy i savai pato. “Angvei u rym! Edom pri y achi tavai tiu u sina,” nanai raawi kaichi thai u bo!

ZEKHARIAH 11:1

Aw Lebanon, nang i saitleang keungchi ly mai my kang ai nai nang i apai katheu pa-khochi paeaung ba.