JEREMIA 6:16 - Khumi Common Language Bible

¹⁶ Areng ly mymy i khumichi teng y, “Lam sangumchira y angdo u ly khen u cham. Jangni i lam kangngymchi hau u. Hawi keh nai lam ly ma mang y mo, nanai deng iy, huni lam mang tako baly nangchi i phailo ly tlamsa naira nga ai,” napi. Na i py nichi my, “Huni lam y kaichi abang ai nai ngai y leang!” napi u.

JEREMIA 6:16 Iomraidhean Croise

1 ARENG KEH 8:36

kani pri mang dengdairei tangai pi kyh ba. Nichi tangai ai nai lam kateng patei pi kyh ba. Naibaly aw Areng, nangmy i khumichi teng y pei pi nai pri y kani nai hai pi kyh ba.

2 NENG SATANG 19:11

Reita leaungsai ka-jo kahm tleirei y pathyp pi nai keung kalen keh Amariah my ne sy, tara kahm ngierei ly Ishamaela i chapo Zebedia my ne sy, kangkhym i sa thai naira awm nai keung lawm ai nai tla. Tara jeungchira i chih chum naichi ai bawi la ai nai ly Levi theaungchi i kalop ne. Nangchi ly hini leu pei naichi ai vam parai naimy su u. Areng ly khumi kahawi ngiereichi teng y awm hai sy,” napi.

SAM 116:7

Aw kai i paleung awi, Areng ai ym kalingie ba; ati mana nai mo nabaly mymy ly kai ai pahen nai keung ne.

ISAIA 2:5

Jakob i katu chanauchi awi, vai, achi ly Areng my pei nai kangvangra y aleaung u sina!

ISAIA 28:12

Mymy ly nangchi ai chymme naimy awm ai nai pei teu i py, nangchi ly mymy i leu tangai u y.

ISAIA 30:21

Langvawi mang y, ti y baly lamtang mang y nangchi lam tamang u nai khala y, “Lam kateng ly hini ne; hini lam kataw tako u,” nanai nangchi nithun mang mymy i leu pei nai raawi thai u ai.

ISAIA 46:9

Jangni jangkhawn khala i awm nai atitichi pany u. Kai leaungrei naini Tameuh ne, nanai py, kai hawi atawm nai tameuh takhra by y, nanai py pany u jo ba.

ISAIA 57:2

Khumi kahawichi ly dei nai khala y, tlamsa naimy anawn ai nai nga u bo.

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

JEREMIA 12:16

Nichi ly kai i chengchi i reita leu ngai iy, vaichi khala Bala tameuh teng y vaineng abeu nai saichi ai nichi ly kai i khumichi teng y patiu pi nai kamta vai ly ‘Areng i heng nai kamta,’ nanai kai i amyn y vaineng abeu u lawh baly, nichi ly kai i khumichi theung y abawi iy nang chawn u ai.

JEREMIA 18:12

Huna nai khala nichi my, “Kaichi ly amtlau vui pajau y leang; ati mana nai amtlau vui ai mo? Kaichi ly kaimychi ngai ngai paleung tang naimy, hawi y nai kasa u ai,” nanai thui u ai.

JEREMIA 18:15

Na i py kai i khumichi ly kai ai tami u bo. Nichi ly ati sai py ny y nai mynchi vui y mui katuichi leng patlum u lawh. Nichi ly mychi tako ai avo nai lam y athei iy, atlym u bo. Lam kangngym tako u y. Nichi ly ka-ma-ra khai y nai amny amcha y nai lam mang tako u nai ne.

JEREMIA 2:25

Aw Israela, tameuh takhrachi mang y abang lawh nai deaungkho y, nang i kheura i phainai asu vui moh sy. Nang i dangkang ai py phuiha hai moh sy. Na i py nangmy, ‘Kai ly cheng takhra khumichi i tameuhchi ai khrei iy nichi nithun mang y abang ai,’ nanai thui bo.

JEREMIA 22:21

Nangchi nang chawn nai thym khala y, Areng ly nangchi ai pany hai pi bo. Na i py nangchi ly tangai u y. Nangchi ly deaungdichy khala i dengdairei, hina nai kamta sa u jojo. Areng i leu ai mana khala py tangai ai nai ngai u y.

JEREMIA 31:21

Ka-ma-rachi leng iy lam ma kheng; Nangchi i theu jo nai lam hau u ali teang. Israela khumichi awi, vawi u ali teang jau; Nangmychi i khai u su nai mary y vawi u jau.

JEREMIA 42:3

Kaichi ly ati lam tako iy ati kasa u ai nai avo mo, nanai lam patei pi ai nai, kaichi i Areng Tameuh teng y chiu so pi,” nanai takeng u nai ne.

JEREMIA 44:16

“Areng i amyn y nang i thui nai leuchi ly kaichi tangai ai nai ngai y.

JEREMIA 50:5

Nichi ly Zion mary mang y chei nai lam deng iy, huni mary mang y chei u tapai ai. Nichi ly kai hawi deungtasarei Leu Maikawm asa iy, huni Leu Maikawm ai mana khala py taphra u ai ny y.

JEREMIA 7:23

Na i py kai ly nichi i Tameuh ne iy, nichi py kai i khumichi lawm ai nai molam y, kai i leu tangai u ai nai reita leu kapei nai ne. Cheaungkhangra y amsym ai nai molam y, kaimy pei nai reita lam y tako u ai nai leu pei nai ne.

JEREMIA 7:24

Na i py nichi ly kai i leu tangai y, tahm py khai u y. Nichi ly mychi i hawi y nai paleung katangra i theu nai ka-dawnchi kamta sa u. Nichi ly hawi ai nai tleaung y ly hawi y kehra bo.

JEREMIA 7:3

Israela chengchi i Tameuh napi nai, ati cheaungkhang sa thai nai keung Areng my, “Kai ly nangchi ai hini meingtym y awm u veangveang ai nai, nangchi ly nangmychi i awm nai sai hawi amhi amtlau nai saichi takhra hai u.

MALAKHI 4:4

“Kai i miseaung Mosi i reita leuchi ai py, Israela chengchi tangai u ai nai Sinai Mawi salo y ni teng y kaimy pei nai Reita leaungsaichi hawi reita tanynchi py, pany u jo ba.

LUKA 16:29

Na i py Abraham my ly, ‘Mosi hawi amochi i leu py nichi teng y awm chy bo; hunichi i leu tangai u sy,’ napi.

JOHAN 12:35

Naibaly Isu my nichi teng y, “Kangvang ly tanarei chy sala y nangchi theung y awm rai; kaveng my nangchi ai kai y ai nai kangvang awm nai sala y pavai u; ami py kaveng y pavai nai ly mymy i tako ai naira pany y.

JOHAN 13:17

Nangchi ly huni atitichi pany iy sa baly taham hawi ai.

JOHAN 5:39

“Tameuh i cha-iu theung y deungtasarei hengra awm, nanai ym u nai deaungkho y nangchi hawihai my phain; naibaly huni ly kai i satang pany hai reng;

AMTAW 17:11

Hu i khumichi ly Thesalonika avang i khumichi tleaung y ly hawi kyh, ati mana nai mo nabaly nichi ly paleung kawn parai naimy huni leu tangai iy, huni satang thui pi nai ly teng mo teng y mo, nanai Tameuh i cha-iu y kani tleirei hau u.

ROM AVANGCHI TENG Y PAWLA I CHA PA NAI 4:12

Naibaly lengkhym takip nai harei khyh ny y naimy, achi i amsi pajo Abraham ly lengkhym takip y rai kha i ym nai kamta tako teang nai lengkhym takip naichi i ampo lawn thai ai nai py sa nai ne.

Leu Thui Nai 32:7

Lawn veng nai jangni i deung ai pany u, atitichi tym nai saichi ngamhm ngampochi teng y deng u. Saneng len nai miteaungchi teng y jangni i satangchi deng u.

KOLOSA 2:6

Hunai deaungkho y nangchi ly Areng Krista Isu ai kawn u nai kamta ly, mymy y tangjyn pala nai hawi adyh kalau ryhryh nai awm iy,

HEBRAI 11:2

Hunira y ly miteaung kehchi my ly palo naira nga lawh veng.

HEBRAI 6:12

hunaibaly nangchi ly atho si y naimy ym naira hawi kham pajau naira deaungkho y leu adeu nairachi amtym chum naichi i amtiu nai keung lawn ai.

TARA CHIH NAI KEUNGCHI 2:17

Na i py Israela chengchi my ly huni lu sa nai keungchi i leu tangai pi y; Israela chengchi ly Areng i leu tangai y i, tameuh takhrachi ai chiu u bo. Areng i Reita leu pei naichi ai amsi pajochi my sa patawm nai kamta, nichi ly patawm u y.