JEREMIA 6:11 - Khumi Common Language Bible

¹¹ Aw Areng, kai ly nang i kado theu naira my kawi i, am-yh pajau y na bo,” napi. Naibaly Areng my, “Kai i kado theu naira ai, lam y awm nai deaungdi tlang tleaung y py, tleaungri ka-cheangchi amkheng achu nai tlang tleaung y py tym hai ba. Aju juvochi hawi khri pa-rei miteaung acheang nai khumichi ly tleaung u ai ny y.

JEREMIA 6:11 Iomraidhean Croise

ISAIA 40:30

Saneng nau nai khumichi malawn py paha, akawm reng nai ne. Khumi ka-cheangchi ly atho bai iy atlym u bo.

JEREMIA 15:17

Kai ly khumi takhrachi hawi panui iy, amo theu saw ala naira y neng pasum y ai. Nangmy pei nai kalop molam y, kai ly kaimy tlairei awm nai y, kado theu naira my kawi bo.

JEREMIA 15:6

Nangchi ly kai ai khai u su bo. Nangchi ly kai ai nithun thun u bo. Kai ly kado theu nai am-yh keaung nai deaungkho y, kiu pheu iy nangchi ai kang taphra bo,” napi.

JEREMIA 18:21

Na i py aw Areng, Nang ly nichi i cho chanauchi ai kajeu kanglam y dei hai ly nichi ai tavai keung y sum hai ba. Neampachychi ai mymychi i juvochi, cho chanauchi hawi amprei hai ba. Neampachochi ai dei hai iy thawndeang ka-cheangchi ai tavai keung y sum hai ba.

JEREMIA 20:9

Na i py, “Kai ly Areng ai katami veng ai; mymy i amyn y leu kathui y leang bo,” nanai kai, kathui nai khala, nang i leu ly kai i paleung theung y mai kamta angveaung iy, kai ly huni leu ai paleung theung y pateung me ai nai atho kasa teu i py, pakymme pajau y bo.

JEREMIA 5:9

Hina naichi molam y kai ly nichi i tlang tleaung y, pajeng y naimy awm ai nai avo na a? Hina nai mipuichi ai vawitheung tha y naimy awm ai nai avo na a?

JEREMIA 7:20

Hunai deaungkho y kai i Areng ly kaimy i khri pa-rei kado theu nai ai, hini Achura yhm y kaleih ai. Khumichi hawi tawnbawichi tlang tleaung y py, dengkeaungchi hawi amti amjangchi salo y py kaleih ai. Kai i kado theu nai ly ami py pathym pajau y nai mai hawi atawm ai.

JEREMIA 9:20

Kaimy, “Neampachochi awi, Areng my leu pei nai tangai u. Mymy i leu ai hawihai palai dawn u patyp ly tangai u. Nangchi i chaniuchi vo kawp ai nai py, nangchi i ahawi ka-dawichi, si tlaiveu khulym thui kawp ai nai py, patiu pi u.

JEREMIA 9:21

Dei areng ly achi i thaibeng pa-kho mang dengdairei, achi i yhm puichi theung y ang kun nai ne. Nichi ly lamchira y awm nai deaungdi chochi hawi, seng meingtym y awm nai thawndeang deaungdi ka-cheangchi ai padei bo.

TANGAM NAI LEU 1:15

“Areng ly kai ai asa hai nai, atho ham parai nai risa bawibawichi ai panui hai. Mymy ly kai i thawndeangchi ai, tamyh pawn ai nai tavaimi kamkawm pato bo. Mymy ly kai i khumichi ai kreip hang nip ra theung i kreip athaichi kamta, teih hai pui nai ne.”

TANGAM NAI LEU 2:21

Miteaung deaungdichi ly lam y atlym iy dei u. Thawndeang anglochi ly paleung ka-echi i haisau tamo y dei u. Nang ly kado theu nai kani y pahen y naimy, nichi ai tleh chauchau bo.

Ezekiela 24:21

mymy ly mymy i leu pei nai ai nangchi Israela chengchi teng y thui pi ai nai kai ai pato nai ne. Nangchi ly Achura yhm khaw nai ai amlyh u bo. Achura yhm khen ai nai ngai, Achura yhm y chei ai nai ngai; na i py Areng ly huni Achura yhm y chai hai y ai. Jerusalem mary y awm rai nai nangchi i yhm dengtheung cho chanauchi py, tavai keung y dei u ai.

Ezekiela 3:14

Areng ly sa thai naira len parai nai hawimy kai i tlang tleaung y tym iy, phailo my kai ai hawi jo nai khala, kai ly paleung phra, kado theu naimy abang bo.

Ezekiela 3:3

Mymy ly “Nang khumi cho awi, nang ai kang pei nai cha aeang ai kajeu angjeng na pa-rei cho,” ang napi nai deaungkho y, kai ly kacha nai khala huni cha aeang ly khawi hang kamta tui.

Ezekiela 9:6

Miteaungchi, thawndeang anglochi, deaungdi amhmchi hawi deaungdichi ai padei u. Na i py lu kati y ka-ma-ra awm nai khumichi ai ly nam moh. Kai i Achura yhm dengdairei amteaung iy so ba,” nanai leu pei nai kathai. Hunai deaungkho y huni khumichi ly Achura yhm theung y angdo u nai Israela cheng luchi ai tleh manme nai ne.

MIKHA 3:8

Na i py kai ly Israela chengchi teng y mymychi i sa tamang naichi pany hai ai nai Areng i phailo sa thai naira, leu meitang naimy tara chih pajau nai haiho hawi sorai paleung kawi angym bo.

LUKA 17:34

Kang thui pi, huni vum y ly i naira harei y khumi leaung nyhrei awm ai i, leaungrei ai ly la vui ai, leaungrei ai ly daw jo ai.

AMTAW 17:16

Naibaly Pawla ly Atheni avang y nini ai ajeng nai thym khala y ly, huni avang ly tameuh myn kawi nanai niu i, mymy ly paleung am-yh pajau y bo.

AMTAW 18:5

Na i py Sila nini Timothei ly Makedonia pri i dengdairei tym kathiu kha ly Pawla ly paleung am-yh pajau y nai awm i, Isu ly Krista ne, nanai Judachi teng y thui pi pachai.

AMTAW 4:20

Kaini ly kaini i atiti niu nai hawi pany naichi ly thui y naimy awm pajau y leang,” napi.

AMTENG HAI NAI 16:1

Naibaly meingtym kachai i dengdairei raawi pajeng parai nai my ly kani pri i amtaw thau nai leaung saryhreichi teng y, “Chei u ly, Tameuh i kado theu naira khau saryhrei i nai khaileaung pri y lei u keng,” napi nai kathai.