JEREMIA 52:3 - Khumi Common Language Bible

³ Jerusalem mary hawi Juda pri i awm nai sai ly pipi hawi y nai deaungkho y, Areng ly kado theu i, mipuichi ai pri pala nai avum hai bo. Zedekiah ly Babulon samrang Nebukhadnezar ai tiu nai deaungkho y,

JEREMIA 52:3 Iomraidhean Croise

ATITI AWM ANGCHEI NAI 4:14

Nang ly kai ai hini khaileaung i nai patheu vui bo. Nang i mei ka-niu i nai py patheu vui bo. Kai ly yhm hlau by y nai khumi ka-jau lawm ai bo; naibaly kai ai avum nai khumi ngiereichi ly ang padei ai,” napi.

ATITI AWM ANGCHEI NAI 4:16

Naibaly Ka-ina ly Areng teng i dengdairei theu vui iy Eden nisi mang i, “Ajau nai” pri mang y awm vui bo.

2 SAMUELA 24:1

Huni bo y Areng ly Israela chengchi tlang tleaung y kado theu nai deaungkho y, nichi ai pajeng ai nai molam, Davida ai kamngo sa hai. Areng my Davida teng y, “Chei ly Israela hawi Juda pri y khumi vuikanai lo.” napi.

1 ARENG KEH 10:9

Nang i Areng Tameuh ly nang parai nai awm sy! Mymy ly nang ai khri pa-rei tamen nai deaungkho y, Israela samrang y tahm pasang bo. Israela chengchi ai deungtasarei tamen nai deaungkho y, nichi ai leu meitang adyh adawi naimy peang ai nai, nang ai samrangra y palyn nai bo,” napi.

2 ARENG KEH 17:18

Areng ly Israela cheng ne nai khumichi ai kado theu hai nai deaungkho y, mymy mei ka-niu i nai patheu vui nai ne. Juda pri naini khai khyh bo.

2 ARENG KEH 17:20

Areng ly Israela cheng bawibawichi ai khai su bo. Nichi ai mymy mei ka-niu i nai patheu vui iy, ana pumpi nai paleung ka-echi kiu y au nanai pa-rei pajeng bo.

2 ARENG KEH 17:23

Naibaly Areng ly nichi ai, mymy i miseaung amochi dengdairei pany hai nai leu pei nai kamta, mymy mei ka-niu i nai patheu vui bo. Hunai deaungkho y Israela chengchi ly Asuria pri y pri pala nai avum u i, huni pri y vaini khrairei awm u nai ne.

2 ARENG KEH 24:20

Areng ly Jerusalem mary i khumichi hawi Juda pri i khumichi ai, khri pa-rei kado theu nai deaungkho y, mymy mei ka-niu i nai patheu pawn nai ne.

2 NENG SATANG 36:13

Zedekiah ly samrang Nebukhadnezar ai tiu. Nebukhadnezar ly mymy tlang tleaung y ka-ym awm ai nai, ni ai athorei my Tameuh i amyn y, vaineng abeu hai bo. Zedekiah ly paleung tang i uikheih y. Israela chengchi i Areng Tameuh teng y ali teang y naimy awm bo.

EZARA 4:15

Naibaly nang i amsi pajochi my khai pi nai cha-iu theung y hau baly, hini mary ly atiu reng nai hawi jangni dengdairei khu ka-peangchi ai peang nai samrang hawi samrang i bangtang kalenchi ai, rai naira tym hai reng nai py niu ai mang. Hini mary i khumichi ai peang nai ly rai jojo; huni molam y hini mary ly taphra naira avum nai ne.

LEU KACHENG 28:2

Kamngo sa reng nai pri ly samrang leaungrei bo leaungrei my peang naira avum ai. Na i py tau cheng naira angym nai miteaung kehchi i pri ly khaw typ ai.

Parip nai leu 10:16

Samrang ly saneng nau iy mymy i bangtangchi ly vumtorei cha nei amo theu naimy awm baly, huni pri ly taham si.

ISAIA 19:4

Kai ly Aikupta chengchi ai ana piupa nai samrang hawi y nai kiu tleaung y au iy, huni samrang ai ly nichi ai peang hai ai. Hini ly ati cheaungkhang sa thai nai keung kai, Areng my pei nai leu ne,” napi.

ISAIA 3:1

Vai ly aw Areng, ati cheaungkhang sa thai nai keung Areng ly khumi mipuichi my paleung pado nai khumi ngiereichi hawi vawnsai ateaung ngiereichi ai, Jerusalem mary hawi Juda pri dengdairei, vym pi pawn ai bo. Mymy ly nichi i teicha teineichi vym pi pawn ai.

ISAIA 36:5

Tavai atho ai leu haiho hawi pajau ai, nanai nangchi athang khai u a? Kai ai tiu ai nai nangchi ai ami my sabawm ai nai thang khai u mo?

JEREMIA 15:1

Naibaly Areng my kai teng y, “Mosi hawi Samuela nini ly hini meingtym y angdo iy, kai teng y ahui kajeaung kaji lawh teu i py, hini khumichi ai kapahen ai ny y. Nichi ai kai i mei ka-niu i nai theu u pawn ai nai kaparyh veng.

JEREMIA 7:15

Kai ly nangchi i amjo amnau Ephraim mipuichi ai kaimy patheu vui nai kamta, nangchi ai py kang patheu vui ai,” nanai Areng my leu pei nai ne.