JEREMIA 51:8 - Khumi Common Language Bible

⁸ Babulon mary ly vaimy phra seaungkhrang ryrau veng bo! Huni mary i vui vo hai u! Ni i tamo kalemchi vui asi hau u. Ni i tamo kalemchi hawi sa baly, hawi tan hawi pajau lym ai.

JEREMIA 51:8 Iomraidhean Croise

ISAIA 21:9

keaungngo atang nai risachi ly leaungnyh ka-bom, leaungnyh ka-bom vaimy theu u bo. Hunaibaly tamcheaung my, “Babulon mary anawi veng bo. Nichi i chiu nai myn ngiereichi py, khaileaung y tleu piupa veng bo,” nanai satang thai hai nai ne.

ISAIA 47:11

Taham kasi ly nang i tlang tleaung y tym ai. Hini ai nang i atam kakawp my paka pajau ai ny y. Nang ly mana khala py, amang mang y amang vai y nai phra naira avum ai!

ISAIA 47:9

Na i py nang ly kanirei y my, tanarei sala y my, hini amjy nyhrei avum ai. Atam kakawp bawibawichi ai teaung i py, cho chanauchi dei nai my lumai lawm ai.

JEREMIA 46:11

Aikupta pri khumichi awi, Kilead pri mang y chei iy, asi akhangchi hau u! Nangchi i asichi ly dau by y. Nangchi i no-na hawi hai pajau y leang.

JEREMIA 48:20

Huni khumichi my, ‘Moba pri ly phra veng bo,’ ‘Huni pri i vui vo u; huni pri ly kangji nga nai ne. Moba pri ly phra veng bo!, nanai satang ly Arnon tavo jeungrei aeu u,’ nanai pathang u ali teang ai.

JEREMIA 48:31

Hunai deaungkho y kai ly Moba pri khumi bawibawichi hawi, Kir Here mary i khumichi i vui meikatui tla ai.

JEREMIA 50:2

“Babulon mary ly phra vui bo! Huni mary i Marduk tameuh ly tleu piupa pawn veng bo! Babulon mary i amso ngai hawi nai mynchi ly kangji nga iy taphra naira avum u lawh bo ly! Hini satang ai khumi cheng cheaungkhangchi teng y thai hai u! Ka-ma-ra tamkhawn patei iy thai hai u! Huni satang ai apha hai vui moh!

JEREMIA 51:41

Areng my Babulon mary molam y leu pei nai ly “Khaileaung pri vereichi my tahm pasang nai Babulon mary ai ly peang vui bo! Babulon mary ly khumi cheng cheaungkhangchi i vui kaso tahyn theu naira lawm dudu bo.

JEREMIA 8:22

Kilead pri y asi akhang by y lawh bo a? Daitang py by y lawh bo a? Ati mana nai y kai i chengchi i no-na hawi pa-rei so u thai y lawh mo?

Ezekiela 30:2

Mymy ly “Nang khumicho awi, sa thai naira angym nai kai, Areng i leu pei nai ai tao pajeng parai naimy thui pi ai nai ly: Ka-jei awm nai kani ly ang tym ai bo!

DANIELA 5:24

Hunai deaungkho y Tameuh ly kiu pato iy, hini cha lam tajiu hai nai ne.

DANIELA 5:31

Saneng 62 rei awm nai Medi cheng samrang Dari ly huni pri ai peang vui nai bo.

NAHUM 3:19

Nang i angvawi i vui asi by y. Nang i tamo kalemchi ai py hawi pa-rei so thai y. Nang i phra nai satang thai nai khumi bawibawichi ly amo theu naimy kiu tabeang u bo. Amimi py, pata pajau y na pa-rei nang i ana pumpi nai sai avum y nai ha py by y.

AMTENG HAI NAI 14:8

Naibaly huni bo y kani pri i amtaw thau nai takhra pa-nyh i nai ly, “Babulon avang kalen pui, cheng bawibawichi ai mymy i angai naira deaungkho y kado theu naira kreip athai hang nei hai nai ly anawi veng bo, anawi veng bo,” napi.

AMTENG HAI NAI 18:2

Naibaly mymy ly tao pajeng parai naimy, “Babulon avang pui ly anawi veng bo, anawi veng bo; vawinamchi i awm naira hawi phailo chai y nai cheaungkhangchi i awm reng naira hawi, chai y nai hawi amso awm nai tavo cheaungkhang i awm reng naira py lawn bo.