JEREMIA 51:7 - Khumi Common Language Bible

⁷ Babulon mary ly kai i kiu y syn nai muku khau hawi, khaileaung pri verei ai pavui hai nai kreip hang khau hawi atawm. Khumi cheng cheaungkhangchi ly huni khau i kreip hang nei iy, pathu tapai u be bo.

JEREMIA 51:7 Iomraidhean Croise

ISAIA 14:4

Huna nai kamta mymy sa nai khala y, nichi ly Babulon samrang ai panui hai iy, “Pahyp y naimy ana nai samrang ly dei bo! Ni ly vai mo mang y amimi ai py ana ai nai nga bi ai ny y!

JEREMIA 13:13

Huna nai khala y kai, Areng ly Davida kangpreang samrangchi, pathyp pi nai keungchi, amochi hawi, Jerusalem mary i khumi bawibawichi pavui na pa-rei kreip hang kapanei ai, nanai nichi teng y thui pi.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 50:38

Huni pri y kani heang hai iy, tavo tuichi kang hai u. Babulon pri ly jei hyn ai hawi nai mynchi kawi nanai pri ne. Huni mynchi saho y, khumichi ly ka-khum lawm u bo.

Ezekiela 23:42

Amo theu u lengleang nai khumi kangbawm katyn thai bo. Huni khumi kangbawm ly daichi ka-vymra i hawi nai khumichi ne. Nichi ly neampachy nini i kiu y ka-sichi pachiu pi iy, apu parai nai lukhymchi amym hai pi bo.

DANIELA 2:32

Huni myn pui i lu ly muku tangcheng ne; tang taang hawi kiu makeng nyhrei ly tangka hawi sa nai ne i, kajeu hawi phaichi ly kheupaja hawi sa nai ne.

DANIELA 2:38

Mymy ly nang ai khumichi awm nai khaileaung pri verei ai py, amso tawnbawi hawi tavo bawibawichi ai py, peang ai nai ang pei bo. Samrang nang ly huni myn pui i muku lu ne.

AMTENG HAI NAI 14:8

Naibaly huni bo y kani pri i amtaw thau nai takhra pa-nyh i nai ly, “Babulon avang kalen pui, cheng bawibawichi ai mymy i angai naira deaungkho y kado theu naira kreip athai hang nei hai nai ly anawi veng bo, anawi veng bo,” napi.

AMTENG HAI NAI 17:2

Khaileaung pri i samrangchi ly mymy hawi angai iy, khaileaung pri y awm naichi py mymy i angai naira kreip athai hang y pavui u bo,” napi.

AMTENG HAI NAI 17:4

Naibaly huni neampachy ly kanih kamsen jeaung hawi kani kamsenta akhiu i muku hawi amiachi hawi, khawisaleng lengseaungchi py amthyp i, atiti amso awm parai nai, mymy i angai naira i atiti chai y nai kawi meng nai muku khau mymy i kiu y syn bo;

AMTENG HAI NAI 18:23

Maisi kangvang py nang teng y tlen py angvang bi ai ny y; aju palyn nai keung hawi deaung vawi nai anglo i raawi py nang teng y tlen py thai bi ai ny y : nang i ka-pai sa nai keungchi ly khaileaung pri i khumi kalenchi ne lawh; nang i atam nai deaungkho y py cheng cheaungkhangchi ai tapawp nai bo.

AMTENG HAI NAI 18:3

Mymy i angai naira i kado theu naira kreip athai hang deaungkho y cheng cheaungkhangchi ly atlym bo, khaileaung pri i samrangchi py mymy hawi angai iy, khaileaung pri i ka-pai sa nai keungchi ly mymy i tlamsa ala nai sa thai naira deaungkho y nang ra nang ra bo,” nanai aeu bo.

AMTENG HAI NAI 19:2

mymy i tara chih nai ngierei ly teng py teng, hawi py hawi; mymy ly neampchy kamleaung keh nai, ni i angai naira deaungkho y khaileaung pri ai kalu piupa nai keung ai ly tara chih iy, ni i kiu y mymy i miseaungchi i thi kavui y vawitheung tha pi bo,” napi nai kathai.