JEREMIA 51:41 - Khumi Common Language Bible

⁴¹ Areng my Babulon mary molam y leu pei nai ly “Khaileaung pri vereichi my tahm pasang nai Babulon mary ai ly peang vui bo! Babulon mary ly khumi cheng cheaungkhangchi i vui kaso tahyn theu naira lawm dudu bo.

JEREMIA 51:41 Iomraidhean Croise

2 NENG SATANG 7:21

“Vai hini Achura yhm ly khri pa-rei tahm awm nai ne i py, huna nai khala ly sahawi mang tako nai khumichi ly lyh parai naimy, ‘Areng ly ati mana nai hini pri hawi hini Achura yhm ai, hina nai sa lawh mo?,’ nanai deng u ai.

ISAIA 13:19

Babulon pri ly pri leilachi theung y apu keh iy, mary i khumichi i vui amlyh naira lawm bo. Na i py kai, Areng ly Sodom hawi Komora mary y sa nai kamta, Babulon ai py phra hai ai!

ISAIA 14:4

Huna nai kamta mymy sa nai khala y, nichi ly Babulon samrang ai panui hai iy, “Pahyp y naimy ana nai samrang ly dei bo! Ni ly vai mo mang y amimi ai py ana ai nai nga bi ai ny y!

JEREMIA 49:25

Vaichi khala amo theu ai hawi iy amyn amthang nai huni mary ly khumi angso savai na veng bo.

JEREMIA 50:23

Babulon mary my khaileaung pri verei ai tamo chaki hawi atum nai ne. Na i py vai huni tamo chaki ly tleu piupa veng lawh bo! Khumi cheng cheaungkhangchi ly Babulon mary i avum nai leaungsai niu i, athengra nai kaso theu u nai ne.

JEREMIA 50:46

Babulon mary anawi nai khala, khri pa-rei katyn amsau nai deaungkho y, khaileaung pri verei amchyh nanai. Jei hyn naimy aeu nai katynchi ai py, khumi cheng cheaungkhangchi my thai u ai,” napi.

JEREMIA 51:37

Huna nai khala Babulon mary ly daichi mawichi awm naira, yhm hlau kaphrachi lawm ai. Huni ly kaso tahyn theu ai hawi naira lawm iy, khumi angso savai tlang naira lawm ai.

Ezekiela 27:35

“Pangli peang jeungrei y awm nai khumi bawibawichi ly nang i taham si nai ai niu u i, rengrang tlai na u bo. Nichi i samrangchi malawn py, jei hyn nai phailo seaung u na i, meimai phra u na bo.

DANIELA 2:38

Mymy ly nang ai khumichi awm nai khaileaung pri verei ai py, amso tawnbawi hawi tavo bawibawichi ai py, peang ai nai ang pei bo. Samrang nang ly huni myn pui i muku lu ne.

DANIELA 4:22

“Samrang awi, nang ly huni dengkeaung keung pui ne. Nang ly kani y angteu na pa-rei asang iy, sa thai naira ly khaileaung pri verei y khiu nai ne.

DANIELA 4:30

mymy ly angdeang i, “Babulon mary ly khri pa-rei len parai na ly! Hini mary y kaimy i sa thai naira, kaimy i nang parai naira patei ai nai, kaimy sa nai mary pui ne,” nanai thui bo.

Leu Thui Nai 28:37

Areng my nangchi ai pri tleirei y ahei hai nai khala, huni pri i khumichi ly nangchi i patang nai sai nui iy kaso theu u ai; nichi my nangchi ai panui pachem hai ai.