JEREMIA 51:2 - Khumi Common Language Bible

² Choh alichi ai pakheang nai ali kamta, Babulon mary y taphra ai nai cheng takhrachi kapato ai. Huna nai taphra ai nai neng kani tym nai khala, nichi ly mang mang py tiu u ai i, huni mary ai taphra be ai.

JEREMIA 51:2 Iomraidhean Croise

ISAIA 41:16

Hunichi ai nangchi ly pachaw ai i, ali my hm nai pakheang iy. kamchaichi my ahei seaungkhrang hai ai. Naibaly kai ly nangchi i Tameuh ne nai deaungkho y, nangchi ly amo theu u ai. Nangchi py Israela chengchi i chai parai nai Tameuh, napi nai kai ai palo u ai.

ISAIA 43:14

Israela chengchi teng y chai parai nai Tameuh, nangchi ai atleu nai Areng my, “Kai ly nangchi ai atleu ai nai tavaimi kamkawmchi ai, Babulon pri y pato pi ai. Mary katheu pa-khochi taphra pi pawn ai. Hunira y awm nai khumichi aeu nai raawi ly vo nai raawi mang y lawm hai ai.

JEREMIA 15:7

Ali y akheang nai choh ali maidym kamta nangchi ai hini pri i mary tlei tleireichira y ahei hai pawn bo. Kai i khumi nangchi hawi, nangmychi i cho chanauchi raurei, kaimy tamyh pawn ai; ati mana nai mo nabaly nangchi ly nangmychi i hawi y sa naichi khai su y nai deaungkho y ne.

JEREMIA 50:29

“Babulon mary y tiu ai nai thailiho pa nai khumichi ai thui pi u. Thailiho teaung kawp nai khumi ngiereichi ai pato u. Mary ai katan u meuh; leaungrei py tleaung moh sy. Huni mary i khumichi ai vawitheung tha u. Nichi ly khumi takhrachi ai sa nai kamta, nichi ai py so u teang. Ati mana nai mo nabaly nichi ly Israela chengchi i chai parai nai keung kai ai amlyh am-e naimy ka-awi sa u nai ne.

JEREMIA 50:32

Amlyh am-e nai nangchi i pri ly athei iy atlym ai. Angthau teang ai nai nang ai ami py sabawm ai ny y. Kai ly nangchi i marychi ai mai kang hai ai i, nangchi tengpang sahawi y awm nai ngiereichi ly phra ai,” napi.

Ezekiela 5:12

Nangchi theung i phy thomrei y phyrei khumichi ly marychi theung y no kanghawi, kajeu kanglam y dei u ai. Takhra phy thomrei y phyreichi ly mary angam mang y haisau tamo y dei u ai. Huni bo i phy thomrei y phyrei ai ly ali theung y pakheang pawn iy kaimy haisau hawi tleh ai.

MATTHAI 3:12

Mymy i paho ly kiu y awm, naibaly mymy ly mymy i ho nai meingtym pachai pan iy, mymy i choh ly chenghi y adyh ai, choh ali naini padei pajau y nai mai y leng ai,” napi.