JEREMIA 50:3 - Khumi Common Language Bible

³ “Tosyh ngan mang i khumi cheng harei ly Babulon mary y tiu ai nai ang jeu iy, huni mary ai khutaha daichi ka-vym lawm hai ai. Khumi hawi tawnbawichi preang pawn ai i, huni meingtym ly khumi angso savai tlang naira lawm ai,” napi.

JEREMIA 50:3 Iomraidhean Croise

ATITI AWM ANGCHEI NAI 6:7

Naibaly mymy ly “Kaimy i sa nai hini khumichi ai khaileaung tleaung i nai katamyh vui ai; tavochi hawi amso mawichi ai py tamyh ai; nichi ai sa nai deaungkho y kai pipi paleung hawi y,” nanai thui bo.

THEU NAI 12:12

“Huni vum y kai ly Aikupta pri verei y amki ai i, khumi i chapo chalu hawi tawnbawi cho chalu ngiereichi ai padei ai; Aikupta pri verei i tameuhchi ai py kapajeng ai; Kai ly Areng ne.

ISAIA 41:25

“Kai ly nisi pri mang i khumi leaungrei ai vawi yb bo. Ni ai palau iy tosyh mang dengdairei tiu hai ai. Laawm beu nai keung ly khaileaung laikan ai kheu hawi ati piu nai kamta, ni ly pri peang nai samrangchi ai chiu piupa ai.

ISAIA 45:1

Samrang Kuru ly Areng my vawi takhra nai khumi ne na a! Mymy ly khumi cheng cheaungkhangchi ai eaung ai nai, ni ai samrang palyn nai ne. Mymy ly pri peang nai samrangchi i sa thai naira la pi veng ai nai, ni ai pato bo. Areng ly ni i vui mary katheu pa-khochi paeaung pi ai. Areng my samrang Kuru teng y,

JEREMIA 21:6

Hini mary y awm nai khumi bawibawichi ai katamyh vui ai. Khumi hawi tawnbawichi ly ka-jei awm nai no-na y dei u ai.

JEREMIA 50:9

Kai ly tosyh ngan mang i atho len nai prichi ai kachyh iy, Babulon pri y tiu hai ai. Nichi ly tavai pasau iy huni mary ai tiu iy peang u vui ai. Nichi ly patyp naira y avawrei chawm khyp pa-rei ko pajau nai mawi sarachi kamta, mymychi i thailihochi ko u thai nai ne.

JEREMIA 51:11

Areng ly Babulon mary y taphra ai nai tau nai deaungkho y, Media samrangchi ai kachyh nai ne. Huna nai kamta Areng ly mymy i Achura yhm taphra vui nai molam y vawitheung tha ai. Atiu thym nai tavaimi kamkawm miteaung kehchi my,” Nangchi i thailiho chynchi pasui u! Khopuichi py angvei u!

JEREMIA 51:48

Tosyh ngan mang jeu iy tiu nai khumichi i kiu theung y Babulon mary tym vui nai khala, khaileaung salo y py, kani khusangra py, awm nai ngiereichi ly amo theu nai deaungkho y aeu u sau ai.

JEREMIA 51:62

Naibaly, ‘Aw Areng, nang ly hini meingtym y khumi hawi tawnbawichi raurei, heng nai amjychi tama nai, khutaha daichi ka-vym hawi atawm hai jojo ai, nanai leu pei nai ne,’ nanai chiu so ba.

JEREMIA 7:20

Hunai deaungkho y kai i Areng ly kaimy i khri pa-rei kado theu nai ai, hini Achura yhm y kaleih ai. Khumichi hawi tawnbawichi tlang tleaung y py, dengkeaungchi hawi amti amjangchi salo y py kaleih ai. Kai i kado theu nai ly ami py pathym pajau y nai mai hawi atawm ai.

JEREMIA 9:10

Jeremia my, “Mawi aheungchi i vui kai ly tangam ai. Acha baichi i vui kai ly vo ai. Ati mana nai mo nabaly sui tlairachi ly jengha vui iy, aki aleaung nai khumi by y nai deaungkho y ne. Beram hawi sichi a-u nai katyn thai y bo. Tavochi, daichi mawichi py preang pawn bo,” napi.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.