JEREMIA 50:2 - Khumi Common Language Bible

² “Babulon mary ly phra vui bo! Huni mary i Marduk tameuh ly tleu piupa pawn veng bo! Babulon mary i amso ngai hawi nai mynchi ly kangji nga iy taphra naira avum u lawh bo ly! Hini satang ai khumi cheng cheaungkhangchi teng y thai hai u! Ka-ma-ra tamkhawn patei iy thai hai u! Huni satang ai apha hai vui moh!

JEREMIA 50:2 Iomraidhean Croise

SAM 64:9

Huni khumi bawibawichi ly jei hyn naimy Tameuh i sa nai dawn pasym iy, mymy i sa nai kalop satangchi thui u ai.

SAM 96:3

Khumi cheng cheaungkhangchi teng y mymy i nang parai nai sai py, khumi bawibawichi teng y mymy i lyh ai hawi nai saichi py amthang hai u.

SAM 97:7

Mynchi ai chiu u nai khumi bawibawichi ly kangji nga u bo; tameuh bawibawichi ly Areng i mo y lu meung u bo.

ISAIA 12:4

Khumichi my hina nai palo nai neng kani tym ai, “Areng ai palo u! Kasabawmra nga ai nai hnei u! Mymy i sa naichi ai khumi cheng cheaungkhangchi teng y thui pi u! Mymy i nang parai nai sai ai, nichi teng y thui pi u!

ISAIA 13:2

Mawi tabiuliu nai saleung y tavai tamkhawn theaung u! Paleung len amlyh nai mary pui katheu pa-khochi ai tiu ai nai aeu naimy, nangchi i kiu pheu iy tavaimichi ai leu pei u.

ISAIA 21:9

keaungngo atang nai risachi ly leaungnyh ka-bom, leaungnyh ka-bom vaimy theu u bo. Hunaibaly tamcheaung my, “Babulon mary anawi veng bo. Nichi i chiu nai myn ngiereichi py, khaileaung y tleu piupa veng bo,” nanai satang thai hai nai ne.

ISAIA 37:19

Nichi i tameuhchi ai ly mai veang pawn nai ly kaichi pany. Huni tameuhchi ly tameuh tatang ny y. Khumi i kiu y sa nai dengkeaung myn hawi lengseaung mynchi teu.

ISAIA 39:1

Huni neng thymthang khala y Baladan i chapo Babulon samrang Meroda Baladen ly samrang Hezekia no naira i nai hawi teang bo, nanai thai nai deaungkho y cha harei hawi langseaungchi tha pi nai ne.

ISAIA 46:1

“Hini ly Babulon tameuhchi i tem naira ne! Vaichi khala y khumichi ly Bala tameuh hawi Nebo tameuhchi ai chiu u. Na i py vai ly nichi ai keaungngo kano kasau tleaung y tang iy, akawm parai nai tawnbawichi my pho ai nai myn kajichi lawm u nai ne.

ISAIA 48:20

Babulon pri i dengdairei theu u; tlamsa naimy tako u! “Areng ly mymy i miseaung Israela chengchi ai atleu bo! nanai satang ai amo theu parai naimy aeu u; meingtym tleirei y amthang hai u.

ISAIA 48:6

“Kai i thui pi yb nai ngiereichi ly vai, tym dudu bo. Kai i thui naichi ly teng, nanai nangchi pany u ai. Vai, kai ly mo mang y tym ai nai sai kangthachi, jangni khala y kang thui pi vai y nai atitichi, kang thui pi ai.

JEREMIA 10:11

(Nangchi khumichi awi, kani khusang hawi khaileaung so y nai tameuh ai ly kani anui i py, khaileaung salo i py, tama pawn ai, nanai nichi teng y thui pi ai nai tla.)

JEREMIA 10:15

Hunichi ly atyhtyh teu iy, paso ai naira naini lawm bo. Areng ly pajeng ai nai ang jeu nai khala, hunichi taphra pawn ai.

JEREMIA 31:10

Areng my, “Aw khumi cheng cheaungkhangchi awi, kai i leu pei nai tangai u iy, kai i leu ai pangli vai pri kamlochira y thai hai u. Israela chengchi ai ahei hai nai keung kai ly nichi ai kachu ai. Beram typ nai keung ly my i beram kanghuchi ai kry nai kamta, kai ly nichi ai kry ai.

JEREMIA 4:16

Nichi ly pri kamlo mang i dengdairei paleung ka-echi ang jeu u bo, nanai khumi cheng cheaungkhangchi teng y pany hai iy, Jerusalem mary y thai hai u bo. Paleung ka-echi ly Juda marychi ai ryh nai katyn sa u ai.

JEREMIA 4:6

Zion mary mang y chei tapai u! Chymme naira mang y angpreng u! Patyh u moh! Areng my khri pa-rei phra naira hawi ka-jeira ai tosyh mang dengdairei ang tym hai ai.

JEREMIA 46:14

“Aikupta marychi napi nai Mikadol, Memphi hawi Tapaneh marychi teng y, ‘Nangchi ly nangmychi i vui amtang ai nai angvei u rym; nangchi teng y awm nai ngiereichi ly tavai keung y phra hai ai!

JEREMIA 50:46

Babulon mary anawi nai khala, khri pa-rei katyn amsau nai deaungkho y, khaileaung pri verei amchyh nanai. Jei hyn naimy aeu nai katynchi ai py, khumi cheng cheaungkhangchi my thai u ai,” napi.

JEREMIA 51:12

Babulon mary apaichi panawi ai nai ka-ma-ra patei u. Nangchi i tamcheaung kamkawm khai panawi bi! Tamcheaungchi ai amo hai yb. Lampawm atheng ai nai tavaimi risachi ai tahyh u,” nanai leu pei u bo. Areng ly mymy i dawn yb nai kamta, Babulon khumichi ai pajei nai ne.

JEREMIA 51:27

“Atiu ai nai pany hai nai ka-ma-ra patei u! Khumi cheng cheaungkhangchi thai u ai nai baw eng u! Babulon mary y tiu ai nai khumi cheng cheaungkhangchi ai angveirym hai u! Ararat pri, Minni pri hawi Ashakena prichi ai tiu ai nai thui pi u. Lu sa iy tiu pajau ai nai tavailu areng keh vawi takhra u. Akhu kanghuchi kamta tavai thau hai u.

JEREMIA 51:31

Babulon mary ly phra be ba veng bo, nanai Babulon samrang teng y samrang i amtaw thauchi ly leaungrei chum baly leaungrei, amti pi u nai ne.

JEREMIA 51:44

Kai ly Babulon mary i Bela tameuh ai kamngo pajeng iy, paviu nai vawnsaichi py pei ali teang hai ai. Khumi cheng cheaungkhangchi ly ni ai mo mang y chiu u ali bi ai ny y. “Babulon mary apaichi ly anawi pawn bo.

JEREMIA 51:47

Hunai deaungkho y Babulon pri i mynchi taphra ai nai neng kani tym ai. Huni pri verei ly kangji nga ai. Mipui bawibawichi py padei nai avum ai.

JEREMIA 51:52

Hunai deaungkho y Babulon pri i mynchi ai kaimy pajeng iy, pri verei i tamo kalem nga nai khumichi i tangam u nai neng kani tym ai.

JEREMIA 51:8

Babulon mary ly vaimy phra seaungkhrang ryrau veng bo! Huni mary i vui vo hai u! Ni i tamo kalemchi vui asi hau u. Ni i tamo kalemchi hawi sa baly, hawi tan hawi pajau lym ai.

JEREMIA 52:31

Babulon samrang Evilameroda ly my i samrang lyn nai saneng y, Juda samrang Jehojakhin ai theaung i nai palawi iy, pahen naira patei bo. Hina nai tym nai ly Jehojakhin theaung tla nai bo, phai palyh saryhrei saneng, lo holai nyhrei, kani apom phai pangrei kani ne.

JEREMIA 6:18

Hunai deaungkho y Areng my, “Nangchi khumi cheng cheaungkhangchi awi, tangai u. Nangchi pany hai nai keung bawibawichi awi, kai i khumichi tlang tleaung y tym ai na khym taham si ai dawn u cham.

DANIELA 1:2

Areng ly Nebukhadnezar teng y samrang Jojakim ai patiu ai nai hawi, Achura yhm i yhmtheaung ateaung phyrei ai, la pi pawn ai nai pei. Nebukhadnezar ly langheng hawi naichi ai, Babulon pri y awm nai my i tameuh yhm mang y hawi iy, la pi vui nai yhmtheaung ateaungchi ai, my i tameuh ai chiu nai yhm i vawn khai nai meingtymra y khai bo.

DANIELA 3:14

Samrang my, “Sadraka, Meshaka hawi Abedanekochi awi, nangchi ly kai i tameuh ai chiu y, kai i leng nai muku myn pui ai lu meung u y, nanai ly teng a?

ZEPHANIAH 2:11

Areng ly nichi ai kaso theu hai ai. Mymy ly khaileaung pri y awm nai tameuhchi ai tama hai ai i, khumi cheng cheaungkhangchi ly mymychi i pri tleitleirei y, mymy ai chiu u ai.

AMTENG HAI NAI 18:2

Naibaly mymy ly tao pajeng parai naimy, “Babulon avang pui ly anawi veng bo, anawi veng bo; vawinamchi i awm naira hawi phailo chai y nai cheaungkhangchi i awm reng naira hawi, chai y nai hawi amso awm nai tavo cheaungkhang i awm reng naira py lawn bo.