JEREMIA 5:3 - Khumi Common Language Bible

³ Areng ly ka-ym awm nai ai ngai nai ne. Mymy ly nangchi ai pajeng teu i py, nangchi ly dawndan u y. Taphra i py thui parip nai nangchi ly tangai u y. Nangchi i paleung ly lengseaung tleaung py tang u i, uikheih y.

JEREMIA 5:3 Iomraidhean Croise

ATITI AWM ANGCHEI NAI 19:34

Pa-nyh kani y ly amjo my amnau teng y, “Jangdym kai ly i ahawi bo, vai dym py kreip hang panei bi sina; nang py kai kamta ni hawi i ba; huna khala naini ngaai i saho y ani ly cho chanau nga ai,” napi.

1 ARENG KEH 13:33

Israela samrang Jeroboam ly vai khrairei kamngo uikheih y naimy, my i sa nai maichamra y kalop sa ai nai pathyp pi nai keung kalop sa ai avo naichi theung i ny y nai, khumi humchi theung i vawi takhra reng nai ne. Ni ly pathyp pi nai kalop sa ai ngai nai amimi py ne sy, ngai baly khai takhra pi bo.

2 ARENG KEH 1:13

Samrang ly tavailu leaungrei hawi khumi leaung vuipangreichi ai pato taleang bi. Huni tavailu ly mawi saleung y lyn kalau iy Elija i mo y kheukhu di naimy, “Tameuh i khumi awi, kai hawi kai i khumichi ai pahen ba. Kaichi ai padei moh ba!

2 NENG SATANG 16:9

Areng ly mymy ai ka-ym awm nai khumichi teng y sa thai naira pei ai nai khaileaung pri verei y, hawihai palai khen patawm bo. Nang ly hawi y naira sa lawh nai y, vai i dengdairei tavai atiu nai awm jo ai,” napi.

2 NENG SATANG 28:22

Ahazi ly hina nai rai naira khri pa-rei avum nai neng khala py, Areng i tlang tleaung y vaichi khala i tleaung y kamngo sa tleaung sa ra bo.

SAM 51:6

Nang ly leu meitang ai khrei nai deaungkho y, kai i paleung y cheng naira kawi angym hai bo.

SAM 51:8

Amo theu nai raawichi ai, kai thai ai nai pei kyh ba; nang ly kai ai paleung phra atho di hai teu i py, kai ly amo theu ali teang ai.

SAM 55:20

Kai i ahawi kangngym ly my i ahawichi ai tiu iy, my i adeu nai py taphra bo.

LEU KACHENG 21:29

Khumi kahawichi ly amymy ai a-ym nai ne. Khumi hawi y naichi ly kahawi amlawn akhikan reng nai ne.

LEU KACHENG 22:12

Areng ly leu ka-chawi ai taphra pawn iy, ka-ym awm nai leu ai ly khaw hai nai ne.

LEU KACHENG 23:35

Kai ly ang khyh ang pakhau, nanai athang khai teu i py, mana ang pakhau nai mo, nanai kai pany y. Kai ly ati mana nai y anglaw thai y lawh mo? Vai khaurei nei ai ngai bi rai,” nanai nang thui ai.

LEU KACHENG 27:22

Khumi ka-khum ai deivi pa-rei pakhau teu i py, ni i akhum nai ai ly khai su pa-rei pakhau pajau ai ny y.

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

ISAIA 42:25

Hunai deaungkho y mymy ly achi i tlang tleaung y mymy i kado theu nai py, khri pa-rei ho nanai tavai takai ka-jeira py, avum hai bo. Mymy i kado theu nai ly mai kamta, Israela pri verei y angveaung bo. Na i py ati mana tym mo, nanai achi pany y. Achi ly hunira i amtiura ati sai py ngo u y nai ne.

ISAIA 48:4

Nangchi ly tamo kamta tang naimy kheupaja kamta khri pa-rei tang iy, paleung tang u ai, nanai kapany.

ISAIA 9:13

Israela chengchi ly uikheih u y. Ati cheaungkhang sa thai nai Areng ly mymychi ai pajeng teu i py nichi ly mymy teang y ali u teang y.

JEREMIA 15:7

Ali y akheang nai choh ali maidym kamta nangchi ai hini pri i mary tlei tleireichira y ahei hai pawn bo. Kai i khumi nangchi hawi, nangmychi i cho chanauchi raurei, kaimy tamyh pawn ai; ati mana nai mo nabaly nangchi ly nangmychi i hawi y sa naichi khai su y nai deaungkho y ne.

JEREMIA 17:23

Nichi i amsi pajochi ly kai i leu tangai u y. Nichi ly paleung tang naimy kai i leu ngai u y. Kai i parip nai py ngai u y.

JEREMIA 19:15

Israela chengchi i Tameuh, ati cheaungkhang sa thai nai keung Areng my, “Nangchi ly paleung tang iy kai i leu tangai u y. Hunai deaungkho y hini mary hawi tengpang i marychi tlang tleaung y, jangni y thui yb nai kamta, pajeng naira tym hai ai,” nanai leu pei nai nichi teng y thui pi bo.

JEREMIA 2:30

Kai ly nangchi ai kang parip i py, kamran by y. Nangchi ly thui rip nai ai ngai u y. Khri pa-rei kado theu nai khrangsi kamta, nangchi ly nangmychi i amochi ai padei u bo.

JEREMIA 3:3

Kai ly hini molam y khuma kani heng hai iy, kangkhym kani py nai hai y nai ne. Nang ly bima kamta amlawn iy, nang ly jei kaji nai py by y bo.

JEREMIA 32:19

Nang i ka-dawnchi ly lyh ai hawi parai iy, sa naichi py len parai tlai nai ne. Nang ly khumichi i sa nai ngiereichi ai niu nai ne i, nichi ai mychi i sa nai kamta kawn vang pei pi bo.

JEREMIA 44:10

Na i py nangchi ly vaini khrairei, paleung apanem u y asai rai; kai ai jei kaji u y. Nangchi hawi nangchi i amsi pajochi ai kaimy pei nai reitachi hawi, tanyn ai py teaung patawm u y.

JEREMIA 7:26

Na i py nangchi ly kai i leu tangai y, tahm py khai u y. Nangchi ly nangmychi i amsi pajochi tleaung y malawn py paleung tang iy, tiu ai ngai nai khumichi lawm u bo.

JEREMIA 7:28

Nichi ly mychi i Areng Tameuh i leu tangai u i, pajeng naira avum nai y, amtiu naira nga ai nai khumi cheng ny y, nanai nichi teng y thui pi. Leu meitang ly tama veng bo. Leu kateng katheu u y leang bo.

JEREMIA 8:5

Kai i khumichi awi, nangchi ly ati mana nai y kai teng i nai amphri vui iy jeu teang y lawh mo? Nangchi ly li-tapawp naira y paleung apei thleng nai deaungkho y, kai teng y ali teang ai nai akhi u bo.

Ezekiela 2:4

Nichi ly paleung tang iy kai ai tahm khai u y; kai ati cheaungkhang sa thai nai Areng my ati thui pi nai mo, nanai nichi teng y amti pi ai nai nang ai, nichi theung y kang pato ai.

Ezekiela 24:13

Aw Jerusalem mary, nang ly kaja hawi y nai molam y, nangmy ai chai hai y bo. Kai ly nang ai chai pa-rei sa teu i py, nang ly chai y naimy awm nai ne. Kai i kado katheu pajeng naira avum y ryrei ly nang ly chai lawh ai ny y.

DANIELA 9:13

Kaichi ly Mosi i reitara y awm nai kamngo pajeng naira bawibawi ly avum u bo. Na i py kaichi i Areng Tameuh awi, vaimy kaichi ly nang i kangai mang y atho sa iy, kamngora i nai en vui ai nai hawi leu meitang lam mang y abang ai nai py, atho kaso u y rai.

Levi 26:23

“Nangchi ly huna tanrei pajeng naira avum i malawn py, kai ai ka-awi sa iy kai i leu tangai y asai baly,

AMOS 4:10

“Kaimy Aikupta pri y tym hai nai kamtang ly nangchi teng y py tym hai bo. Nangchi i thawndeang deaungdichi ai, tavai keung y kaimy padei nai ne. Nangchi i keaungngochi py la pi veng. Nangchi i tavai taichira y, nangmychi mang i khumi tlaiveu kamui ly nangmychi teng y amseaung hai bo. Na i py nangchi ly kai teng y jeu y naimy awm u nai ne.

AMOS 4:11

“Kai ly Sodom hawi Komora mary ai taphra nai kamta, nangchi theung i khumi phyreichi ai py taphra vui bo. Dei kamthum khumichi py, mai theung i ajiu teang nai thengbeang hawi atawm nai ne. Na i py nangchi ly kai teng y jeu y naimy awm u bo,” nanai Areng my thui.

AMOS 4:6

“Kai ly nangchi i mary tleirei y takang theu hai i py, nangchi ly kai teng y jeu u teang y.

AMOS 4:8

Tui takang nai deaungkho y phyrei mary i khumichi ly tengpang sahawi i mary mang y tui hau nai akawm parai teu i py, nei ai nai tui ka-lawn pa-rei ngo u y. Na i py nangchi ly kai teng y jeu y naimy awm u nai ne.

AMOS 4:9

“Kai ly ali kabi aho hai iy nangchi i amti amjangchi jei hai rawm bo. Nangchi i thaidu keung, olive keung, kreip akho hawi li hlauchi ly akhutamachi my taphra nai avum bo. Na i py nangchi ly kai teng y jeu y naimy awm u nai ne.

ZEPHANIAH 3:7

Huni neng khala kai i khumichi ly kai ai jei kaji naimy tahm khai iy, kai i pei nai reita tanga u ai, nanai py, kai i parip naichi ai mana khala py tami u ai ny y, nanai py kai athang khai. Na i py nichi ly avaw avawrei, hawi y nai kalop ai sa tleaung sa u ra nai ne.

ROM AVANGCHI TENG Y PAWLA I CHA PA NAI 2:2

Naibaly hunai kamta atiti sa reng nai keungchi i tlang tleaung y ly Tameuh i cheh nai ly teng, nanai achi pany.

HEBRAI 12:9

Huni harei khyh ny y i, achi ai ang parip ai nai achi i tlang mang i ampochi awm chy bo; achi ly nichi ai malawn py tahm khai y baly, heng naira nga ai nai mana tanrei phailochi i Ampo i ngai nai awm ai nai tla mo?