JEREMIA 5:23 - Khumi Common Language Bible

²³ Na i py nangchi khumi mipuichi awi, nangchi ly paleung tang iy tiu ai nai lam amphri vui i, kai teng i nai theu u veng bo.

JEREMIA 5:23 Iomraidhean Croise

SAM 78:8

Nichi ly Tameuh i leu tangai y nai hawi, atiu reng nai amsi pajochi kamta lawn u y ai; huni amsi pajochi ly mana khala py, Tameuh ai ym khaw kalingie nai by y; mymy i tlang tleaung y py ka-ym by y jojo.

SAM 95:10

Kai ly saneng vui palyh khrairei, nichi i tlang tleaung y kado theu hai bo; ‘nichi ly khri pa-rei vaineng takan naichi ne u lawh! Kai i Reita leu pei naichi py tangai ai nai akhi naichi ne u lawh ly!’ nanai kathui bo.

ISAIA 1:5

Nangchi ly ati mana nai y tiu u veangveang lawh mo? Vai i tleaung y lenra nai kamngo pajeng naira avum ai nai ngai u lawh a? Nangchi Israela mipuichi awi, nangchi i luchira y tamo kalem kawi na bo. Nangchi i paleung pathym py phra u na bo.

ISAIA 31:6

Areng my, “Aw Israela chengchi awi, nangchi ly kai i tlang tleaung y kamngo sa iy, ka-awi sa u. Na i py vai, kai teng y ali u teang jau!

JEREMIA 17:9

“Mani khumi ly khumi i paleung pany pajau mo? Khumi i paleung ly ati cheaungkhang tleaung y py akawi reng. Huni paleungra y kahawi sa iy ngo pajau y nai ang vawi awm.

JEREMIA 4:17

Nichi ly li typ nai khumichi kamta, huni mary ai katanmeuh ai. Ati mana nai mo nabaly Juda pri ly Areng ai tiu u nai deaungkho y ne. Hini ly Areng my thui nai leu ne.

JEREMIA 5:5

Kai ly sa thai naira awm nai khumichi teng y chei iy, nichi teng y thui pi ai. Nichi ly Areng i kangai pany u ai. Tameuh i khai pi yb nai reitachi pany u nai ne,” nanai adawn u bo. Na i py nichi bawibawi ly Areng i sa thai naira khai su iy leu atangai u y nai ne.

JEREMIA 6:28

Nichi bawibawi ly paleung tang nai langmeang thau naichi ne. Nichi ly kheupaja hawi tamo kamta tang u nai ne. Nichi ly aki aleaung iy leu pakei u reng nai, khumi hawi y naichi ne.

HOSEA 11:7

Nichi ly kai teng i nai angphri vui iy tako u reng nai ne. Nichi tleang nai kaneaung tamtleang molam y tangam naimy aeu u teu i py, ami py huni tamtleang ai dawmkhawn pi ai ny y.

HOSEA 4:8

Nangchi ly kai i khumichi kamngo sa nai molam y, nang u nai ne. Hunai deaungkho y nangchi ly nichi kamngo sa ra ai nai atho pei u bo.

ZEPHANIAH 3:1

Amy mary i khumichi ai malawn py ana pumpi iy, hawi y sa naimy atiu reng nai Jerusalem mary ly taham si.

Leu Thui Nai 21:18

“Amhm ampo my thui parip i py leu atangai y iy, sangkhri nai chapo awm lawh baly,

Leu Thui Nai 31:27

Nichi ly paleung tang iy tiusi, nanai kai pany. Nichi ly kai dei y rai khala my Areng ai tiu u i, kai dei nai bo khala ipsaly, huni tleaung y tiu u ra ai.

HEBRAI 3:12

Amjo amnauchi awi, amkym u, ti y baly Tameuh kangheng ai ly hi vui ai nai nangchi theung y ami py ym y nai paleung kamngo awm lawh na: