JEREMIA 5:1 - Khumi Common Language Bible

¹ Jerusalem mary i khumichi awi, nangmychi i lamchira y chei u! Tengpang sahawi y hau u! Adawn pasym u! Seng mang y chei iy hau u! Kahawi sa nai khumi, Tameuh i tlang tleaung y ka-ym awm ai nai atho sa nai khumi leaungrei niu pajau na a? Huni khumi ai nang avum lawh teu baly, Areng ly Jerusalem mary i kamngo lawi hai ai.

JEREMIA 5:1 Iomraidhean Croise

1 ARENG KEH 19:10

Elija my, “Aw ati cheaungkhang sa thai nai Areng Tameuh, kai ly nang leaungrei ai naini avawrei kang chiu nai ne. Na i py Israela mipuichi ly nang hawi asa nai Leu Maikawm ai taphra iy, nang i maicham ai panawi nai hawi nang i amo bawibawichi ai py padei u bo. Kai leaungrei naini tleaung i, nichi my kai ai padei ai nai hau u bo!” napi.

2 NENG SATANG 16:9

Areng ly mymy ai ka-ym awm nai khumichi teng y sa thai naira pei ai nai khaileaung pri verei y, hawihai palai khen patawm bo. Nang ly hawi y naira sa lawh nai y, vai i dengdairei tavai atiu nai awm jo ai,” napi.

SAM 12:1

Aw Areng, kaichi ai sabawm ba! Khumi kahawi leaungrei py by y; neaung hawi nai khumichi ai hau i py niu y leang bo.

SAM 14:2

Areng ly khumi kachengchi hawi mymy ai chiu nai khumichi awm mo, by y mo, nanai pany ai nai kani pri mang dengdairei khumichi ai khen kathiu bo.

SAM 14:3

Na i py khumi bawibawichi ly lam tamang be veng; nichi bawibawi ly vanrei, tamang u bebe nai ne. Nichi theung y kahawi sa nai by y, leaungrei py by y.

SAM 94:16

Khumi aso y naichi ai ka-awi sa ai nai, kai mang y ami asa hai ai mo? Hawi y sa nai khumichi ai ka-awi sa ai nai, kai mang y ami asa hai ai mo?

LEU KACHENG 20:6

Khumi luteng ly amymy ai ka-ym awm, nanai thui u teu i py, meitang khyp, ka-ym awm nai khumi ai hau i, avum thai y lawh ly!

LEU KACHENG 23:23

Ka-ym leu, cheng naira, thui parip nai leu, tau cheng naichi ai ly tangka hawi van iy amtiu ba. Hunichi ly vang teng parai nai ne i, paisa tangka hawi angtheung pajau y.

LEU KACHENG 8:3

Mary theung y kun nai pa-kho ra y py, mary apai pa-kho sahawi y py, angdo nai cheng naira my ly

Solomon i khulym 3:2

Kai ly ang thau iy mary theung y amki naimy lamleng lamkuichira y Kaimy i khrei nai keung ai hau nai ne. Na i py niu y.

ISAIA 59:4

Nangchi ly tara jeung y chei i py, adyh adawi nai by y, kateng lam mang y awm u y nai ne. Nangmychi i tara eaung ai nai molam y, ka-chawi leura y abyh iy a-ei u atyhtyh bo.

JEREMIA 2:29

Nangchi bawibawi my py kai ai tiu u nai a? Nangchi ly kai ai ati mana nai y paleung angai u y na mo? " nanai Areng my leu pei bo.

JEREMIA 44:15

Huna nai khala y mychi i ajuchi ly tameuh takhrachi teng y apathyp u, nanai pany nai khumichi, huni meingtym y angdo nai neampachychi hawi, Aikupta pri tokalawi mang y awm nai Israela chengchi raurei, khumi humchi ly kai teng y,

JEREMIA 8:6

Kai ly hawihai palai katangai pi teu i py, nangchi ly leu meitang katheu u y. Nangchi theung y ami py nangmychi i hawi y nai molam y paleung mawn u y. ‘Kai ly ati hawi y nai kasa lawh mo?’ nanai ami py deng u y. Tavai keung y athorei my angpreng nai keaungngo kamta, khumi luteng ly amy ngai ngai sa u lawh.

JEREMIA 9:2

Kai ly kaimy i chengchi ai khai su naimy, tui by y nai daichi ka-vym y chei iy awmra meingtym harei ngai parai lawh. Nichi bawibawi ly ka-ym by y iy, khrukhra hai nai khumichi lawm u bo.

JEREMIA 9:7

Hini molam y ati cheaungkhang sa thai nai keung Areng my, “Kai ly tamo ngan patlawn iy pachai nai kamta, kai i khumichi ai chai pa-rei kasa ai. Nichi ai kaimy cham ai. Kai i khumichi ly sa tamang u bo. Kai ly nichi ai mana kasa ai mo?

Ezekiela 22:30

Kai ly kaimy i khumichi awm nai pri y kado theu nai hawimy taphra ai nai tau nai khala, huni pri y lengseaung apai tapang pajau nai keung hawi, mary apai sa naira y angdo iy amtang pajau nai keung ai kahau cham bo. Na i py leaungrei ai py avum y.

Ezekiela 9:9

Tameuh my, “Israela hawi Juda mipuichi i kamngochi ly khri pa-rei len parai na; nichi ly pri theung i meingtym tleirei y khumi ai padei naichi hawi Jerusalem mary verei y kamngo kawi hai nai y, ‘Areng ly achi pri ai khai su bo, Areng ly achi ai niu ngai y leang bo,’ nanai thui u nai ne.

DANIELA 12:4

Ni my kai teng y, “Aw Daniela awi, nang ly huni cha-iu pakhym vui ly khaileaung pri tem nai neng ryrei, huni salo y pajawp typ nai ka-ma-ra nip typ ba. Hina nai thym khala y khumi neangneangchi malawn py, huni leaungsaichi tym nai pany thai ai nai, atho sa u atyhtyh ai,” napi.

JOELA 2:9

Nichi ly mary mang y angpreng u; nichi ly mary apaichi takan iy, yhmchi salo y lyn chum baly kangviuchi kamta thaibeng pa-khochi mang kun u bo.

AMOS 8:12

Khumichi ly pangli kadei dengdairei, mrethe pangli y tym pa-rei, tosyh mang dengdairei nisi mang y khrairei, meingtym tleirei y amki iy Areng teng i leu pei nai hau u ai. Na i py ngo y naimy awm u ai.

ZEKHARIAH 2:4

Angchei i kani pri amtaw thau naimy ni teng y, “Jerusalem mary y awm u nai khumi angso hawi tawnbawichi ly khri pa-rei nawi parai nai deaungkho y, huni mary y lengseaung apai tapang pajau ai ny y, nanai suju amto syn nai deaungdi teng y angpreng iy thui pi.

LUKA 14:21

“Naibaly miseaung my ly ni i yhmkeung teng y huni satang thui pi. Hunaibaly yhmkeung ly kado theu i miseaung teng y, ‘Theu ly, lam y py, taki tavai y py chei kaliki ly, kamawmchi, khumi kaphrachi, mei kamjuchi, kheu kambaichi ai hi y pahawi,’ napi.

II THESALONIKA 2:10

tama dudu naichi i vui hawi y nai tapawp nai cheaungkhang hawi jeu ai; ati mana nai mo nabaly nichi ly hengra nga thai ai nai leu meitang tamen naira ai patawm y leang bo.