JEREMIA 49:1 - Khumi Common Language Bible

¹ Areng my Ammon khumichi molam y leu pei nai ly “Israela chengchi ly ma mang y mo? Nichi pri i vui ama hai ai nai keung leaungrei py by y a? Nichi ly ati mana nai y Mole tameuh ai chiu nai khumichi teng y, Kad cheng theaung i khu ka-peang lawm vui iy, huni meingtym y awm ai nai pei u lawh mo?

JEREMIA 49:1 Iomraidhean Croise

ATITI AWM ANGCHEI NAI 19:38

Chaniu katheang py chapo tapen teang i, amyn ly Benammi, nanai pathi. Mymy ly vai deung kangthau Ammon chengchi i amsi pajo ne.

2 ARENG KEH 10:33

Jordan tavo nisi mang i Israela khu ka-peang bawibawichi ai, tokalawi mang Arnon tavo peang y awm nai Aroe mary tym pa-rei peang vui bo. Huni khu ka-peangra y Kad, Ruben hawi nisi Manase cheng theaungchi awm nai Kilead pri hawi Basen prichi abawi nai ne.

2 ARENG KEH 24:2

Areng ly mymy i miseaung amochi dengdairei leu pei nai kamta, Juda pri taphra ai nai Babulon, Suria, Moba hawi Ammon tavaimichi ai pato bo.

2 NENG SATANG 20:1

Neng kra kyh nai bo y Moba pri hawi Ammon pri i tavaimi kamkawmchi ly mychi hawi nai asa nai Meunit chengchi hawi vanrei, Juda pri y tavai tiu u bo.

2 NENG SATANG 20:23

Ammon tavaimichi hawi Moba tavaimichi ly Edom tavaimichi ai tiu nai pajau u chum baly, mychi tengtawi atiu nai atamyh u na.

NEHEMIA 2:19

Naibaly huni satang ai Sanbala, Tobiah hawi Arab cheng Keshemchi my thai u nai khala y, kaichi ai ang panui hai nai tarawi y nichimy thui nai ly “Nangchi i katau ly ati mo? Nangchi ly empara samrang ai tiu u nai a?,” ang napi u.

NEHEMIA 4:7

Sanbala, Tobiah hawi Arab cheng, Ammon cheng, Asadod chengchi ly Jerusalem mary sa palum nai kalop amcheang nai satang hawi, mary apai phra nairachi pathyp dudu nai satang py, thai u nai deaungkho y khri pa-rei kado theu u.

SAM 83:7

Kebala, Ammon, Amalek, Philistia chengchi hawi, Turu mary i khumichi abawi u nai ne.

SAM 9:6

Kaichi i paleung ka-echi ly sum jojo nai ne. Nang ly nichi i mary puichi ai taphra nai deaungkho y hunichi ai tami iy, tama hai pawn veng bo.

JEREMIA 12:14

Areng my, “Kai i khumi Israela chengchi teng y amtym ai pei nai pri ai, phra seaungkhrang hai nai Israela pri yhm deaungpa prichi molam y kai thui ai nai awm. Kai ly huni khumi hawi y naichi ai tangjyn akheaung nai keungdichy kamta, nichi pri i nai akyn vui ai. Juda pri ai nichi kiu i nai atleu ai.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 27:3

Naibaly samrang Zedekiah hawi avum ai nai Jerusalem mary y tym nai savaichi dengdairei, Edom samrang, Moba samrang, Ammon samrang, Turu samrang hawi Sidon samrangchi teng y satang thai hai pi ba,” napi.

JEREMIA 48:1

Moba pri molam y ati cheaungkhang sa thai nai keung Areng i leu pei nai ly hina nai ne: Nebo mary i khumichi ai palau u; nichi i mary ly phra veng bo! Kiriathaim mary ai ly tiu iy la vui bo i, huni mary i amtangrachi ly taphra vui nai y, mary i khumichi ly kangji nga u nai ne.

JEREMIA 49:23

Areng my Damaska mary i molam y leu pei nai ly “Hamath mary hawi Arpet mary i khumichi ly satang hawi y nai thai u nai deaungkho y, paleung bi paleung mawn iy paleung phra u nai ne. Paleung mawn nai ly pangli tui sampyhchi kamta, nichi i tlang tleaung y tym nai deaungkho y nichi ly paleung awmnem pajau y bo.

JEREMIA 49:28

Areng ly Babulon samrang Nebukhadnezar my tiu iy pajau vui nai Keda cheng theaungchi hawi Hazor prichi molam y, “Keda cheng theaungchi teng y chei iy tiu u. Huni nisi mang i cheng theaungchi ai tamyh u!

JEREMIA 49:7

Ati cheaungkhang sa thai nai keung Areng ly Edom pri molam y, “Edom khumichi ly paleung ka-dawn kahawi by y na bo sai a? Nichi i khumi kachengchi py, ati mana sa ai nai avo mo, nanai tau pei pajau y na bo sai a? Nichi i cheng nairachi ly tama be veng bo a?

Ezekiela 21:25

“Nang khumi aso y nai Israela samrang awi, nang i khym taham tla ai nai neng kani, nang ai kangkhym kangtem pajeng ai nai neng kani ly tym bo.

Ezekiela 25:1

Areng i leu ly kai teng y tym.

ZEPHANIAH 1:5

Yhm amphu salo y lyn iy kanito, lo, ka-si taukichi ai chiu nai ngiereichi ai, kaimy taphra pawn ai. Kai ai chiu naimy ka-ym awm ai mang, nanai vaineng abeu chum iy Mole amyn y vaineng abeu nai khumichi ai py, katamyh pawn ai.

Leu Thui Nai 2:19

Hunaibaly nangchi ly Lota i kangpreang Ammon chengchi i pri sahawi y tym u ai. Kaimy nichi ai pei yb nai ly nangchi ai kang pei ai ny y nai deaungkho y, nichi ai khrukhra hai u moh ly tavai py tiu u moh,” napi.

Leu Thui Nai 23:3

“Ammon cheng, Moba cheng hawi nichi i kangpreang deung ho khrairei ly Areng i khumichi theung y tabawi ngau y.

Leu Thui Nai 23:4

Nangchi Aikupta pri i dengdairei theu u nai khala, nichi ly nangchi i ngai nai teicha teinei hawi tui pei u y. Mesopotamia pri Pethor mary i khumi Beora i chapo Balam ai alai iy, nangchi ai ang pasawi hai bo.