JEREMIA 48:44 - Khumi Common Language Bible

⁴⁴ Jei hyn ai hawi naira i law tleaung ai nai atho sa naichi ly huni angawm theung y tla u ai. Hum angawmra i lyn kalau nai khumichi ly deaungchira y man u ai. Ati mana nai mo nabaly Moba pri ai tamyh ai nai neng ly kaimy khai takhra yb nai deaungkho y ne.

JEREMIA 48:44 Iomraidhean Croise

1 ARENG KEH 19:17

Hazael my padei ai naira i tleaung nai khumi ai ly Jehu my padei ai; Jehu kiu i tleaung nai khumi ai ly Elisa my padei ai.

1 ARENG KEH 20:30

Dei kamthun khumichi ly Aphek mary mang y angpreng u i, khumi leaung 27,000 reichi ai ly mary apai my anawi hai bo. Benhada my py mary theung y angpreng i, yhm harei i takun theung y aheu vui nai ne.

ISAIA 10:3

Nangchi i tlang tleaung y Tameuh my pajeng nai khala, nangchi ati mana sa u ai mo? Mymy ly nangchi ai kamlora i dengdairei ang jeu nai ka-jeira avum hai nai khala, nangchi ati mana sa u ai mo? Kasabawmra hnei ai nai ami teng y angpreng u ai mo? Nangmychi i yhmtheaung katuichi ly ma mang y heu u ai mo?

ISAIA 24:17

Aw khaileaung pri khumichi awi, ka-jei awm nai patang nairachi, humchi hawi deaungchi ly nangchi ai ajeng rym bo.

ISAIA 24:18

Ka-jeira awm nai patangra i nai lawira nga ai nai atho sa nai khumi ly humra y tla ai. Humra i tleaung nai khumi ly deaungra y man ai. Kani mang dengdairei khri pa-rei kani nai iy, khaileaung i langdengchi anghyn ai.

JEREMIA 10:15

Hunichi ly atyhtyh teu iy, paso ai naira naini lawm bo. Areng ly pajeng ai nai ang jeu nai khala, hunichi taphra pawn ai.

JEREMIA 11:23

Anatho mary i khumichi tlang tleaung y ka-jeira tym ai nai kaimy khai takhra bo. Huni kani y nichi ly heng nai khumi leaungrei py tleaung ai ny y.

JEREMIA 16:16

Areng my, “Kai ly hini khumichi ai patiu ai nai ngo sara neangneangchi pato ai. Mawi katheang kalen ngiereichi hawi lengseaungchi sala y, nichi ai hau ai nai mawi sara neangneangchi kapato ai.

JEREMIA 23:12

Nichi i tako nai lam ly panai iy vengpam ai. Kai ly nichi ai athei iy atlym hai ai. Nichi i tlang tleaung y ka-jeira tym hai ai. Nichi ai pajeng ai nai neng kani tym ai. Hini ly kai Areng i thui nai leu ne,” napi.

JEREMIA 46:21

Alai nai tavaimichi malawn py si chochi kamta jeaungmang u nai ne. Nichi ly amtang u y naimy angpreng u pawn bo. Nichi sum u ai nai kani, taham kasi avum ai nai neng kani ly tym dudu nai ne.

JEREMIA 49:8

Aw Didan mary i khumichi awi, alengli iy angpreng u jau! Aheu u pawn! Esaw i kangpreangchi ai pajeng ai nai neng tym dudu nai deaungkho y, kai ly nichi ai tamyh ai.

JEREMIA 50:24

Aw Babulon mary, nang ly kai ai tiu lawh bo. Kai i pateung nai deaungra y athang khai y naimy man bo.

JEREMIA 50:27

Tavaimi risachi ai padei u! Khumi neangneangchi ai padei u! Babulon khumichi ly taham si u bo! Nichi ly kamngo pajeng naira avum ai nai neng kani tym bo!” napi.

JEREMIA 51:18

Hunichi ly ati sai py ny y i, amso ngai nairachi naini lawm bo. Areng ly kamngo pajeng ai nai jeu nai khala, huni mynchi taphra pawn ai.

JEREMIA 8:12

Kai i khumichi ly amso ngai naichi sa u nai molam y kaji u a? Lym lym kaji u y, kangji meimai py amteng y! Hunai deaungkho y nangchi ly khumi takhrachi kamta atlym u ai. Kaimy pajeng nai khala nangchi ly ang thau u pajau ai ny y. Hini ly kai Areng i thui nai leu ne.

TANGAM NAI LEU 3:47

Kaichi ly phra seaungkhrang naichi ka-vum u bo. Kaichi ly paka naira hawi, ka-jeirachi theung y kaheng u nai ne.

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

AMOS 5:19

Huni kani ly nangchi i vui khrangsi ai jei i, angpreng nai khala, tavym hawi avum lawh nai khumi kamta lawm ai. Ti y baly yhm y tym nai khala angpang y amkhaw i, pavui my patiu lawh nai khumi kamta lawn ai.

MIKHA 7:4

Kawp keh, pany keh napi nai khumichi malawn py, acha keung kamta vang teng y nai ne. Tameuh ly nichi ai typ nai tamcheaung lawm nai amochi dengdairei, pany hai nai kamta, khumichi ai Tameuh my pajeng ai nai neng tym bo. Nichi ly vai, tapai taveang u na bo.