JEREMIA 48:3 - Khumi Common Language Bible

³ Horonam mary i khumichi my, ‘Khrukhra naira! Tamyh naira!,’ nanai aeu u bo.

JEREMIA 48:3 Iomraidhean Croise

ISAIA 15:2

Dibon mary i khumichi ly myn chiu nai meingtymra y chei u iy, vo tangam ai nai mawi saleung y lyn u. Moba pri i khumichi py Nebo mary hawi Medeba mary i vui paleung si nai deaungkho y vo hang u nai ne. Nichi ly paleung si nai ka-ma-ra sam hawi labeaung muichi vau pawn.

ISAIA 15:5

Kai ly Moba pri i vui vo tangam bo! Mipuichi ly Zorath mary Ekalath Shelishija ryrei preang u. Phyrei khumichi ly meikatui tla naimy, Luhith mawi lam kataw lyn u bo. Phyreichi ly paleung si vo hang naimy, Horonam mary mang y preang u nai ne.

ISAIA 15:8

Moba pri khujyh tengtangra y vo tangam nai raawi thai u bo. Huni raawi ly Ekalaim mary hawi Berelim mary mang malawn py thai u nai ne.

ISAIA 22:4

Vai ly kai ai, kaimy tlairei khrikhri pa-rei kavo ai nai pei kyh. Kai i khumi neangneangchi ly dei u pawn lawh bo i, kai ai paleung pahawi ai nai atho so moh jau ba.

JEREMIA 20:16

Huni khumichi ly kapahenra pipi by y naimy Areng my taphra nai marychi kamta lawm na sy. Tapen y rai khala my kai ai padei y nai deaungkho y, ni ly khawn mang y no hang nai katyn py, kanithun y tavai tareng nai katyn py thai sy.

JEREMIA 47:2

Mymy ly “Khen cham! Tosyh ngan mang y tavo tui leaung nai kamta, ang leaung ai. Huni tuichi ly khaileaung hawi khaileaung tleaung y awm nai ngiereichi, marychi hawi mary i khumichi ai um biu ai. Khumichi ly atleu pi ai nai kaau u ai. Khaileaung tleaung y awm nai khumi bawibawichi ly khrikhri pa-rei vo u ai.

JEREMIA 48:34

“Hesabon mary hawi Elealeh maryra i khumichi vo nai raawi ly Jaha mary y tym pa-rei thai u nai ne. Huni raawi ly Zorath mary, Horonam mary hawi Ekala mary i dengdairei py thai pajau. Nimarim micheaung tui py kang veng bo.

JEREMIA 48:4

“Moba pri ly phra veng bo; cho deaungdichi i vo hang nai raawi tangai u.

JEREMIA 48:5

Luhith mawi akham lam jeungrei y nichi i vo sang-eng nai katyn hawi, Horonam mary mang y satla nai angthiu lam jeungrei y, paleung bi naimy aeu nai raawichi py tangai u.

JEREMIA 51:54

Areng my, “Babulon mary y vo u nai raawi py, pri phra nai deaungkho y paleung si u nai raawi py tangai u.