JEREMIA 48:2 - Khumi Common Language Bible

² Moba pri i phum-ang ly tama veng bo. Paleung ka-echi ly Hesabon mary peang vui iy, Moba pri ai tamyh vui ai nai tau u nai ne. Madmanah mary ly tyn kryh y naimy awm ai. Tavaimi risachi ly huni mary y tavai tiu u ai.

JEREMIA 48:2 Iomraidhean Croise

ISAIA 15:1

Hini leu pei nai ly Moba pri i vui ne. Ara mary hawi Kira mary ly vumrei y my phra nai ne. Moba pri py savai tlang na bo.

ISAIA 15:5

Kai ly Moba pri i vui vo tangam bo! Mipuichi ly Zorath mary Ekalath Shelishija ryrei preang u. Phyrei khumichi ly meikatui tla naimy, Luhith mawi lam kataw lyn u bo. Phyreichi ly paleung si vo hang naimy, Horonam mary mang y preang u nai ne.

ISAIA 16:14

Vai ly Areng my, “Saneng thomrei awm khyp nai khala, Moba pri i yhmtheaung katuichi ly tama pawn ai. Mipui neangneangchi theung i khumi maidenreichy naini, dei kamthum awm ai. Nichi py atho bai naimy awm u ai,” napi.

ISAIA 25:10

Areng ly Zion mawi ai ama hai ai. Na i py Moba pri khumichi ly sieichi hawi angtlen nai chohphi kamta, ati piupa nai avum ai.

JEREMIA 25:15

Israela chengchi i Areng Tameuh my kai teng y, “Nang ly kai i kado theu naira kawi nai hini kreip hang khau ai, kai teng i nai la iy nang ai kang pato nai khumi cheng cheaungkhangchi ai panei.

JEREMIA 25:17

Hunai deaungkho y kai ly Areng kiu i nai khau la iy, kai ai mymy i pato nai khumi cheng cheaungkhangchi teng y, huni kado theu naira hang kapanei nai ne.

JEREMIA 31:36

Mymy ly Israela pri ai kani hawi khaileaung cheaungkhang kari awm nai ryrei ly awm jojo ai nai adeu pi bo.

JEREMIA 33:24

“Kai ly kaimy i vawi takhra nai Israela yhm dengtheungchi hawi Juda yhm dengtheungchi ai khai su bo, nanai khumichi my thui u nai ly nang pany a? Nichi ly hina nai kamta kai i khumichi ai mei aniu y nai sa iy, khumi cheng harei malawn py palawn u y bo.

JEREMIA 46:28

Kai ly nangchi teng y kang jeu iy nangchi ai atleu ai. Kaimy nangchi ai ahei hai nai pri cheaungkhangchi ai taphra ai. Na i py nangchi ai kang taphra y leang mang. Kai ly nangchi ai pajeng y naimy khai ai ny y teu i py, kang pajeng nai khala ly kamlau ryrei kang pajeng ai khyh. Hini ly kai Areng i thui nai leu ne,” napi.

JEREMIA 48:17

“Tengpang sahawi y awm nai khumichi awi, huni pri i vui vo tangam u; Huni pri i amyn amthang nai pany nai khumi bawibawichi awi, khri pa-rei sa thai naira awm nai hini pri ly anawi seaungkhrang iy, huni i phum-ang hawi sa thai naira ly jum veng bo,’ nanai thui u.

JEREMIA 48:42

Moba pri ly kai ai tiu lawh nai deaungkho y tamyh naira avum i, pri harei malawn py, amlum ai ny y leang bo.

JEREMIA 48:45

Jeaungmang iy patang naira avum nai khumichi ly Hesabon mary y abyh ai nai hau u nai ne. Na i py, vaichi khala Sihon samrang my peang nai Hesabon mary ly mai angveaung pun veng bo. Mai ly tavai atiu ham parai nai Moba khumichi i khuteng meingtymchi hawi mawi ka-sangchi ai kang nai ne.

JEREMIA 49:3

Hesabon mary i khumichi awi, vo u! Nangchi i Ai mary ly phra veng bo! Rabah mary i neampachychi awi, paleung si nai patei u! Paisiu kanih apam iy paleung si nai patei u. Tapai taveang naimy angpreng u. Nangchi i Mole tameuh ly my i pathyp pi nai keungchi, samrang i chapochi hawi vanrei, pri pala nai avum u ai.

JEREMIA 49:37

Elam khumichi ly mymychi ai padei ai ngai nai paleung ka-echi ai jei ai nai pa-rei kaimy sa ai. Kai ly khri pa-rei kado theu iy nichi ai tamyh ai. Nichi ai tamyh pawn ai nai pa-rei, tavaimichi kapato iy tiu hai ai.

Kati Nai 32:37

Ruben theaung my, Hesabon mary, Elealeh mary, Kiriathaim mary,