JEREMIA 48:13 - Khumi Common Language Bible

¹³ Huna nai khala, mychi ym u nai Bethela tameuh ai Israela chengchi my paleung phra u nai kamta, Moba pri khumichi ly mychi i Khemosa tameuh ai paleaung phra u ai.

JEREMIA 48:13 Iomraidhean Croise

1 ARENG KEH 11:33

Kaimy hina nai kamta sa nai ly Solomon ly kai ai khai su iy cheng takhrachi i tameuh, Sidon tameuh nu Asetare, Moba khumichi i tameuh Khemosa hawi Ammon khumichi i tameuh Mole ai chiu vui lawh nai deaungkho y ne. Solomon ly kai i leu pei naichi akhi vui bo. Ni ly hawi y naichi sa iy kai i reitachi hawi leu pei naichi ai, ni i ampo Davida i leu tangai nai kamta tangai y lawh.

1 ARENG KEH 11:7

Moba chengchi i amso ngai nai tameuh khemosa hawi Ammon chengchi i amso ngai nai tameuh Mole ai chiu ai nai meingtym ly Jerusalem mary nisi mang i mawi saleung y sa pi.

1 ARENG KEH 18:40

Elija my, “Bala i amochi ai patiu u; leaungrei py tleaung moh sy!” nanai leu pei bo. Khumichi ly amo bawibawichi ai patiu iy, Elija ly nichi ai Kishon micheaung mang y pahawi i, tleh chau chau nai ne.

2 NENG SATANG 25:15

Hunai deaungkho y Areng ly kado theu i, amo ai Amazia teng y pato bo. Amo my, “Nang kiu i khumichi ai atleu pajau y nai cheng takhra khumichi i tameuhchi ai, nang ly ati mana nai chiu lawh mo?,” napi.

ISAIA 16:12

Moba mipuichi ly chiu sa ai nai myn chiu nai meingtymchi hawi achura yhmchi mang y chei u teu i py, ati sai py kamran awm ai ny y.

ISAIA 2:20

Huni neng kani tym nai khala y, khumichi ly mychi i sa nai muku, tangka mynchi ai thangbui hawi phanglauchi sala y aphi iy khai su ai.

ISAIA 45:16

Mynchi ai sa nai khumi bawibawichi ly kangji nga u ai. Huni khumi bawibawichi py tahm anem u ai.

ISAIA 45:20

Areng my, “Khumi cheng cheaungkhangchi awi, jeu u achu. Empara pri anawi nai bo i, dei kamthum khumi bawibawichi awi, nangchi cheng y nai khumichi awi! nangmychi i dengkeaung mynchi patei iy, atleu pajau y nai tameuhchi teng y chiu nai khumichi awi, nangmychi naimy tara amteng ai nai jeu u!

JEREMIA 48:12

“Hunai deaungkho y Moba pri ai kreip hang kamta lai vui nai khumichi ai, kaimy pato nai neng ang tym ai. Nichi ly huni pri i kreip hang chy-ychi lai vui iy, dei lawm na pa-rei pakhau piu ai.

JEREMIA 48:39

Moba pri ly anawi jawn veng bo! Vo tangam jau! Moba pri ly tahm by y leang bo. Huni pri ly phra seaungkhrang nai deaungkho y, tengpang sahawi i khumi bawibawichi ly huni ai panui hai u bo. Hini ly kai, Areng i thui nai leu ne,” napi.

JEREMIA 48:46

Moba khumichi ai pahen u! Khemosa tameuh ai chiu nai khumichi ly tamyh naira avum u nai ne. Nichi i cho chanauchi py langheng hawi naira avum u bo.

JEREMIA 48:7

“Moba pri awi, nang ly nangmy i atho hawi nang chawn nai ai a-ym nai ne. Na i py vai nang ly sum naira avum ai. Nang i tameuh Khemosa py, ni i samrang chapochi hawi pathyp pi nai keungchi raurei, pri pala naira avum u ai.

TARA CHIH NAI KEUNGCHI 11:24

Nang ly huni khu ka-peang nga teang ai nai atho sa ai a? Nangmy i tameuh Khemosa my ang pei nai ngierei nang peang pajau mang. Na i py kaichi i vui, kaichi i Areng Tameuh my peang vui nai khu ka-peang ngiereichi ly kaichi my peang ai.