JEREMIA 48:12 - Khumi Common Language Bible

¹² “Hunai deaungkho y Moba pri ai kreip hang kamta lai vui nai khumichi ai, kaimy pato nai neng ang tym ai. Nichi ly huni pri i kreip hang chy-ychi lai vui iy, dei lawm na pa-rei pakhau piu ai.

JEREMIA 48:12 Iomraidhean Croise

SAM 2:9

Nang ly khumi cheng cheaungkhangchi ai tamo cheaungvawi hawi peang ai; nichi ai alai laawm pakhawi nai kamta kawi hai phro ai, nanai leu ang pei,” napi.

ISAIA 16:2

Nichi ly Arnon tavo peang y ajeng u nai thym khala, tabu khai su nai tavochi kamta, kheupui meaung kamhi aleaung ali naimy awm u bo.

ISAIA 30:14

Laawm phei ka-kawi hawi mai-aichi akhui ai nai py, chy-y theung y pani iy tui vei ai nai py, ngo pajau y pa-rei kawi seaungkhrang nai alai laawm hawi atawm u ai.

JEREMIA 14:3

Khumi kanangchi ly mychi i miseaungchi ai pato iy, tui deu hai nai khala y, nichi ly tuikan y tym u i py tui avum y. Nichi ly tui kacheang ka-keu naimy ali u bo. Nichi ly paleung phra athosi naimy dawn tamang tyh na i, lu amym u nai ne.

JEREMIA 19:10

Naibaly Areng ly kai ai kaimy hawi vanrei abang nai khumichi i mo y, chy-y pakawi hai phiu chum baly

JEREMIA 25:34

Kamkawm luchi awi, vo tangam u; kai i khumichi ai kry nai beram typ nai keungchi awi, khri pa-rei aeu u! Paleungsi naimy spryhchira y jawn u tlawntlan. Ang padei ai nai neng tym bo i, nangchi ly beram kataichi kamta dei u ai.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 48:11

Areng my, “Moba pri i khumichi ly chymme naimy awm jo reng nai deaungkho y, pri pala naira avum u vai y nai ne. Moba pri ly laawm harei i nai laawm harei mang y patlai y; tahawi py tahawi y iy angdeang jo nai kreip hang hawi atawm; mui hawi kalum kathau phra y naimy, hawi veangveang nai ne.

JEREMIA 48:13

Huna nai khala, mychi ym u nai Bethela tameuh ai Israela chengchi my paleung phra u nai kamta, Moba pri khumichi ly mychi i Khemosa tameuh ai paleaung phra u ai.

JEREMIA 48:15

Moba pri hawi marychi ly phra iy nichi i vui vawi patyp nai thawndeang deaungdichi ly tleh naira avum u ai. Kai ly ati cheaungkhang sa thai nai keung, napi nai samrang ne. Huni ly kai i thui nai leu ne.

JEREMIA 48:38

Moba pri i yhm amphu ngierei salo y py, khumichi amkheng achu nai khaileaung ka-ho tleireira py, vo tangam u nai ny y baly takhra ati sai py niu y. Ati mana nai mo nabaly kai ly teaung ai ngo y nai chy-y ai pakawi piu nai kamta, Moba pri ai taphra vui nai deaungkho y ne.

JEREMIA 48:8

Mani mary py taphra naira i nai tleaung ai ny y; leaunghawi py, adym py phra mei ai. Hini ly kai, Areng i thui nai leu ne.

NAHUM 2:2

(Areng ly Israela chengchi ai paleung ka-echi my tiu y rai khala i awm nai kamta, awm ali teang nai neng tym hai ai.)