JEREMIA 48:11 - Khumi Common Language Bible

¹¹ Areng my, “Moba pri i khumichi ly chymme naimy awm jo reng nai deaungkho y, pri pala naira avum u vai y nai ne. Moba pri ly laawm harei i nai laawm harei mang y patlai y; tahawi py tahawi y iy angdeang jo nai kreip hang hawi atawm; mui hawi kalum kathau phra y naimy, hawi veangveang nai ne.

JEREMIA 48:11 Iomraidhean Croise

SAM 123:4

Kaichi ly khumi kanangchi i panui hai nai py, paleung len amlyh nai khumichi i mei aniu y nai py, avum nai ly kra bo.

SAM 55:19

Jangni jangkhawn i dengdairei, khumi angso bawibawichi ai peang nai keung Tameuh ly kai i chiu sa nai thai iy, paleung ka-echi ai sum hai ai. Ati mana nai mo nabaly nichi ly paleung amtlau u y; mymy ai py jei u y nai deaungkho y ne.

LEU KACHENG 1:32

Pany nai sai angym y nai khumichi ly cheng naira ai khai u su nai deaungkho y dei u ai. Khumi hawi y naichi ly ati sai py dawndan y naimy heng u rumrang nai y tama u nai ne.

ISAIA 16:6

Juda mipuichi my, “Moba mipuichi ly mana tanrei paleung len na mo, nanai kaichi thai bo. Nichi ly paleung len amlyh u naimy mymychi ai tahm apasang u teu i py, nichi i amlyh naichi ly atyhtyh teu, nanai kaichi pany bo,” napi u.

ISAIA 24:3

Khaileaung ly ahei seaungkhrang naimy phra ai. Hini ly Areng i leu pei nai ne i, hina nai kamta lawm ai.

ISAIA 25:6

Ati cheaungkhang sa thai nai keung Areng ly Zion mawi salo y, khaileaung pri y awm nai khumi cheng cheaungkhangchi i vui, hawi keh nai teicha teineichi hawi, hawi keh nai kreip hangchi hawi, dym biu cha pawi pui sa pi ai.

JEREMIA 22:21

Nangchi nang chawn nai thym khala y, Areng ly nangchi ai pany hai pi bo. Na i py nangchi ly tangai u y. Nangchi ly deaungdichy khala i dengdairei, hina nai kamta sa u jojo. Areng i leu ai mana khala py tangai ai nai ngai u y.

JEREMIA 48:12

“Hunai deaungkho y Moba pri ai kreip hang kamta lai vui nai khumichi ai, kaimy pato nai neng ang tym ai. Nichi ly huni pri i kreip hang chy-ychi lai vui iy, dei lawm na pa-rei pakhau piu ai.

JEREMIA 48:29

Moba pri ly khri pa-rei amlyh am-e parai. Khumichi ly mana tanrei paleung len iy, khumi aniu y naimy amlyh am-e u nai py, mana tanrei amy i vui hau khyh na mo, nanai py kai pany nai ne.

JEREMIA 51:34

Babulon samrang ly Jerusalem mary ai ateng piupa iy cha vui bo. Ni ly huni mary ai chy-y kamta pakeu vui iy, tuireng nam kamta pajawn vui bo. Ni ly mymy i ngai nai ngierei la iy huni bo i nai ly aphi su nai ne.

NAHUM 2:10

Ninevi mary ly phra veng bo; khumi angso by y, savai tlang na bo! Khumichi ly khri pa-rei jei nai deaungkho y, paleung pakawi angto y vi na, kheukhu anghyn naimy, atho bai u na. Nichi i meimaira py, thi by y na bo.

NAHUM 2:2

(Areng ly Israela chengchi ai paleung ka-echi my tiu y rai khala i awm nai kamta, awm ali teang nai neng tym hai ai.)

ZEPHANIAH 1:12

“Huni neng khala y kai ly maisi yhm syn iy, Jerusalem mary theung y hau ai. ‘Areng ly hawi nai, hawi y nai, ati sai py so vai y,’ nanai athang khai iy thui nai khumichi, amychi ai tahm apasang iy paleung tienem naichi ai, kai ly pajeng ai.

ZEKHARIAH 1:15

Kai ly kaimy i khumichi tlang tleaung y tym ai nai kado theu nai kam-yh nai thym y, tlamsa naimy awm ai nga u nai khumi bawibawichi ly kai i khumichi avum nai ngari kamtang panawi ra bo. Naibaly kai ly huni khumichi ai khri pa-rei kado theu hai nai deaungkho y,