JEREMIA 48:10 - Khumi Common Language Bible

¹⁰ (Areng i kalop ai paleung hawi verei so y nai khumi ly amsawi lawi kalei sy! Mymy i haisau hawi tleh iy padei y nai khumi ly amsawi lawi kalei sy!)

JEREMIA 48:10 Iomraidhean Croise

1 ARENG KEH 20:39

Samrang jeu nai khala amo my, “Tahm awm parai nai keung awi, kai ly tavai atiu nai thym khala, risa leaungrei my paleung ka-e leaungrei ai kai teng y au i, ‘hini khumi ai kry ba, preang veng lawh baly nang ly ni i jeng y nangmy tlang a-au ai nai tla ai; ti y baly tangkacho sang thomrei pe ai nai tla ai,’ nanai leu taviu bo.

1 ARENG KEH 20:40

Na i py kai ly takhra kalopchi hawi kalop nawi nai thym khala y, huni khumi ly preang veng bo,” napi. Samrang my, “Nang ly nangmy ai tara chih chum nai ne i, nang ly kamngo pajeng naira avum ai,” napi.

1 ARENG KEH 20:42

Amo my py, “Areng my, ‘paleung ka-e ai tleh ai nai kaimy leu kang pei i py, ni ai patleaung veng nai molam, ni i jeng y nang i tlang heung ai nai tla ai; nang i tavaimi kamkawm my py, huni paleung ka-e i tavaimi kamkawm ai tleaung hai vui nai deaungkho y, nangchi ly taphra naira avum ai,’ nanai ang thui pi bo,” napi.

2 ARENG KEH 13:19

Huna nai anawn vui nai molam y, Elisa ly kado theu i samrang teng y, “Nang ly tlenpang tlen tariurei pakhau lawh teu i khyly, nang ly Suria chengchi ai hawihai palai pajau ai; na i py vai ly nichi ai tlen thomrei eaung ai khyh bo,” napi.

JEREMIA 11:3

huni Leu Maikawm theung y awm nai leaungsaichi ai, tangai y nai ngiereichi teng y amsawi lawi hai ai, nanai Juda khumichi hawi Jerusalem mary i khumichi teng y thui pi.

JEREMIA 47:6

‘Areng i Haisau awi!, nang ly mana tanrei kakra tleh veangveang ai mo? Nangmy i haisau keu theung y ahawn teang iy awm me jau bei!,’ nanai nangchi thui u nai ne.

JEREMIA 47:7

Na i py huni haisau ly kaimy pei nai kalop awm nai deaungkho y, ati mana nai awm pypy thai ai mo? Asakelon mary hawi pangli peang y awm nai khumichi ai tiu ai nai huni haisau ai kaimy leu pei nai ne,” napi.

JEREMIA 50:25

Kai ly kado theu nai deaungkho y kaimy i tavai ateaung khaira takun paeaung iy, tavai ateaungchi kala bo. Ati mana nai mo nabaly Babulon mary y ati cheaungkhang sa thai nai keung kai, Areng my sa ai nai kalop awm nai deaungkho y ne.

JEREMIA 50:27

Tavaimi risachi ai padei u! Khumi neangneangchi ai padei u! Babulon khumichi ly taham si u bo! Nichi ly kamngo pajeng naira avum ai nai neng kani tym bo!” napi.

JOSUA 10:19

Nangchi ly huni meingtym y awm u moh. Paleung ka-echi ai hui u iy, nithun mang tiu u. Marychi theung y kun vui moh sy! Nangchi i Areng Tameuh ly paleung ka-echi ai nangchi i kiu y ang au bo,” nanai Israela chengchi teng y thui pi bo.

TARA CHIH NAI KEUNGCHI 5:23

Areng i kani pri amtaw thau my, “Meroza mary ai pasawi u; huni mary i khumichi ai pasawi u. Nichi ly Areng mang y asa ai nai jeu u y; mymy i vui atiu ai nai tavaimichi jeu u y,” nanai thui.

1 SAMUELA 15:3

Nang ly chei iy Amalek chengchi ai tiu; nichi i vawnsai ateaung awn nai ngierei, ati cheaungkhangchi ai py, taphra pawn ai nai tla; sorai ai py takhawi moh; khumi neampacho neampachy, deaungdi, deaungdi chymplei naichi, huni bo y awm nai sichi, beramchi, kula-iuchi hawi keaungngo kano kasauchi, hunichi ai tamyh pawn ba,” napi.

1 SAMUELA 15:9

Na i py Sawla hawi my i khumichi ly Akad ai padei y i, veung hawi keh nai beram hawi sichi, mo-cha hawi keh nai sicho, beramchochi hawi, hawi nai vawnsai cheaungkhangchi ly taphra u y; teaung ai ngo y naichi, vang teng y naichi ai naini taphra u nai ne.