JEREMIA 44:5 - Khumi Common Language Bible

⁵ Na i py nangchi ly leu tangai u y, tahm py khai u y; tameuh takhrachi teng y apathyp nai hawi y nai reita ai py patlaw u y.

JEREMIA 44:5 Iomraidhean Croise

2 NENG SATANG 36:16

Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

NEHEMIA 9:30

Nang ly nichi i tlang tleaung y saneng tlei tleirei neaung kham naimy pany hai bo. Nang i pany hai nai keung amochi my thui parip u teu i py, nang i khumichi ly kano pang u nai ne. Huna nai y nang ly cheng takhra khumichi teng y nang i khumichi ai tiu ai nai pei bo.

ISAIA 48:18

“Nangchi naini kai i leu pei naichi tangai u lawh teu i khyly, khri pa-rei hawi ai! Awmnem nai tavo tui kamta, nangchi i vui leaung ai! Eaung naira py tui peang y tui sampyh pachaw nai kamta, nangchi i vui tym ai nai ne.

ISAIA 48:4

Nangchi ly tamo kamta tang naimy kheupaja kamta khri pa-rei tang iy, paleung tang u ai, nanai kapany.

JEREMIA 11:10

Kai i leu tangai y naichi ly mychi i amsi pajochi i sa nai kamngochi sa u ali teang bo. Nichi ly tameuh takhrachi ai chiu u lawh. Israela chengchi hawi Juda chengchi ly kai hawi mychi i amsi pajochi asa nai Leu Maikawm ai taphra u mei nai ne.

JEREMIA 11:13

Juda pri y mary neangneang awm nai kamta, khumi mipuichi teng py tameuh neangneang awm. Jerusalem mary theung y py lam neangneang awm nai kamta, mary i khumichi ly kaji ai hawi nai Bala tameuh i vui, kapathypra talam ai nai maichamchi sa u nai ne.

JEREMIA 11:17

“Ati cheaungkhang sa thai nai keung kai, Areng ly Israela pri hawi Juda pri ai palum pachai pi ai. Na i py vai kai ly huni pri y ka-jeira tym hai ai. Nichi ly sa tamang u nai deaungkho y, Bala tameuh teng y apathyp u nai molam y, nichi ly kai ai kado patheu u lawh nai ne.”

JEREMIA 11:8

Na i py nichi ly kai i leu tangai u y. Sa patawm nai py by y. Nichi bawibawi ly paleung tang ra tang ra iy, kaso ra kaso u ra nai ne. Kai ly nichi teng y sa patawm ai nai leu pei kheng teu i py, nichi patawm u y nai khala Leu Maikawm theung y abawi nai vainengchi ly nichi i tlang tleaung y lawi hai bo,” napi.

JEREMIA 13:10

Huni khumi hawi y naichi ly kai i leu tangai y; paleung tang ra i tameuh takhrachi ai chiu iy kalop sa pi u nai ne. Hunai deaungkho y teaung ai ngo y nai akeng kawm nina kamta lawm u ai.

JEREMIA 19:13

Jerusalem mary y awm nai yhmchi hawi Juda samrang hawi samrang i yhmchi, mychi i yhm amphu salo y ka-si taukichi ai mui katui leng patlum nai yhmchi hawi, tameuh takhrachi ai kreip hang leih iy talam nai yhm ngiereichi ly Topheth mary kamta chai y nai meingtymchi lawm ai,” napi.

JEREMIA 43:4

Hunai deaungkho y Johanan, tavailu arengchi hawi khumi bawibawichi ly Juda pri y awm ai nai Areng i leu pei nai tangai u y.

JEREMIA 7:24

Na i py nichi ly kai i leu tangai y, tahm py khai u y. Nichi ly mychi i hawi y nai paleung katangra i theu nai ka-dawnchi kamta sa u. Nichi ly hawi ai nai tleaung y ly hawi y kehra bo.

DANIELA 9:6

Kaichi ly kaimychi i samrangchi, samrang i cho chanauchi, amsi pajochi dengdairei mipui bawibawichi i tlang tleaung y, nang i miseaung amochi my nang i amyn y thui pi naichi kaichi ly tangai u y nai ne.

HOSEA 11:2

Na i py kai ly ni ai kapalau baly, kai teng i nai angpreng ra bo. Kai i khumichi ly Bala tameuh teng y apathyp iy, mynchi teng y rimui patawi u.