JEREMIA 44:4 - Khumi Common Language Bible

⁴ Kai ly kaimy i miseaung amochi ai, nangchi teng y avaw avawrei kang pato pi nai ne. Amochi my py nangchi ai, kai i niu ngai y nai amso ngai naichi so y ai nai ang thui pi.

JEREMIA 44:4 Iomraidhean Croise

2 NENG SATANG 36:15

Nichi amsi pajochi i Areng Tameuh ly mymy i khumichi hawi Achura yhm law tleaungra nga ai ngai hai nai deaungkho y, nichi ai pany hai pi ai nai amochi pato pi bi nai ne.

NEHEMIA 9:30

Nang ly nichi i tlang tleaung y saneng tlei tleirei neaung kham naimy pany hai bo. Nang i pany hai nai keung amochi my thui parip u teu i py, nang i khumichi ly kano pang u nai ne. Huna nai y nang ly cheng takhra khumichi teng y nang i khumichi ai tiu ai nai pei bo.

NEHEMIA 9:34

Kaichi i amsi pajochi, samrangchi, lu sa naichi hawi pathyp pi nai keungchi ly nang i Reita leu pei nai ai patawm u y nai ne. Nichi ly nang i leu pei naichi, pany hai naichi tangai u y.

JEREMIA 16:18

Nichi ai mychi i kamngo hawi, hawi y nai saichi molam y phy nyhrei kapajeng ai. Ati mana nai mo nabaly khumi kadei kamta heng y nai mynchi saho y, kai i pri ai chai nem hai y bo. Mychi teng y kaimy pei nai pri y tameuh ka-chawichi hawimy kawi hai bo,” napi.

JEREMIA 26:5

Nangchi teng y kaimy kang pato taleang kang pato taleang bi nai, kai i miseaung amochi leu ai tahm pateng ai nai tla. Nangchi ly nichi i leu mana khala py tangai u y lawh.

JEREMIA 29:19

Nichi ly kai i miseaung amochi dengdairei avaw avawrei, kai i leu pei nai tangai u y. Hunai deaungkho y huna naichi ly nichi teng y tym ai. Nichi ly huni leu tangai ai nai akhi u.

JEREMIA 32:33

Nichi ly kai ai nithun thun u bo. Kai ly nichi ai kaparip akheng teu i py, nichi ly tangai ai nai ngai u y; thui parip nai py ngai u y.

JEREMIA 32:34

Nichi ly kai i amyn y sa nai Achura yhm theung y amso ngai hawi nai mynchi khai iy chai nem hai y bo.

JEREMIA 32:35

Nichi ly mychi i cho chanauchi ai Mole tameuh teng y apathyp ai nai hinnom leaunghawira y, Bala tameuh i vui maichamchi sa u. Hini kalopchi sa ai nai kai ly nichi ai pacheang y. Nichi ly Juda khumichi ai hina nai kamngo sa ai nai lam patei pi ai, nanai mana khala py kai ka-dawn awm vai y,” napi.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 35:17

Hunai deaungkho y Israela chengchi i Tameuh, ati cheaungkhang sa thai nai keung kai Areng ly kaimy i adeu nai ka-jeira ai Juda khumichi hawi Jerusalem mary i khumichi tlang tleaung y tym hai ai. Ati mana nai mo nabaly nangchi ly kaimy thui nai khala tangai u y. Kaimy palau nai khala pathang u y nai deaungkho y ne, nanai leu pei nai thui pi,” napi.

JEREMIA 7:13

Nangchi ly vaichi khala y kaimy pany hai yb nai kamngo cheaungkhangchi sa u bo. Kaimy avaw avawrei kang thui pi teu i py, nangchi ly tangai u y. Kaimy nangchi ai kang palau nai khala py pathang u y.

JEREMIA 7:17

Juda marychi, Jerusalem mary lamchira y nichi i sa nai saichi, nang ly niu y nai sai a?

JEREMIA 7:18

Cho deaungdichi ly theng acheaung i, neampacho ka-cheangchi my mai paeng iy, neampachy ka-cheangchi ly kani khusang samrang nu, napi nai kani anglo teng y talam ai nai, tako dei katlen iy paawp pi bo. Nichi ly kai ai paleung aleng hai ai nai tameuh takhrachi i vui kreip hang katalamrachi py leih iy talam u nai ne.

JEREMIA 7:25

Nangchi i amsi pajochi ly Aikupta pri i nai theu u nai kani dengdai vaini khrairei, kai ly kaimy i amochi ai kang pato pi jojo nai ne.

Ezekiela 16:36

Sa thai naira angym nai Areng my leu pei nai ly “Nang ly khri pa-rei paleaung iy ateaung alangchi aleng pawn nai bima kamta, amymy ai neampachochi teng y py, amso ngai hawi nai mynchi teng y py, aau naimy amy i cho chanauchi ai mynchi teng y kapathypra tawnbawi palawn naimy tleh bo.

Ezekiela 16:47

Nang ly nichi i kheu lawi chiu iy, amso ngam naichi sa naimy paleung tuinem a? Tuinem y; nang ly neng maidenreichy sala y my, nichi i sa nai ngiereichi tleaung y hawi y keh naichi sa nai ne.

Ezekiela 18:31

Nangchi i sa reng nai kamngochi khai su iy, paleung kangtha hawi paleung ka-dawn kangtha mang y amtlau u. Aw Israela chengchi awi, nangchi ly ati mana nai y dei ai nai ngai u lawh mo?

Ezekiela 8:10

Hunaibaly kai ly theung mang y kun iy khen bo. Apai dengpangra y pavuichi, takhra chai y nai tawnbawi mynchi hawi, Israela chengchi my chiu nai takhra mynchi kaniu.

DANIELA 9:6

Kaichi ly kaimychi i samrangchi, samrang i cho chanauchi, amsi pajochi dengdairei mipui bawibawichi i tlang tleaung y, nang i miseaung amochi my nang i amyn y thui pi naichi kaichi ly tangai u y nai ne.

ZEKHARIAH 7:7

Hini ly Jerusalem mary nang chawn nai neng khala y, jangni amochi deung y Areng my pei nai leu ne. Huna nai khala mary sahawi i avangchira y naini, khumi neangneang awm u nai ny y. Tokalawi ngan mang y hawi nidym ngan mang i mawi kheutangchira y py awm u nai ne.

I PETERA 4:3

Cheng Takhrachi i kangai sa ai nai hawi paleaung naira y hawi, tlang i ngai phi teng y naira y hawi, pavui naira y hawi, mhm nei khrukhra naira y hawi, mhm nei ryry naira y hawi, myn y chiu nai kamso awm parai naira y py tako ai nai, jangni i neng ly hawi khyp bo;