JEREMIA 43:4 - Khumi Common Language Bible

⁴ Hunai deaungkho y Johanan, tavailu arengchi hawi khumi bawibawichi ly Juda pri y awm ai nai Areng i leu pei nai tangai u y.

JEREMIA 43:4 Iomraidhean Croise

2 ARENG KEH 25:26

Huna nai khala Babulon chengchi ai jei nai deaungkho y, kamawn py, kanang py, Israela cheng bawibawichi ly tavai luchi hawi vanrei Aikupta pri mang y preang bo.

2 NENG SATANG 25:16

Huna nai khala y Amazia my, “Kaimy nang ai mana khala samrang ai tau pei nai keung y kang khai mo? Nang ly awm pypy, ti y baly kang padei vui ai!” napi. Amo my ly “Nang ly hini atitichi sa iy kai i tau pei nai dawndan y lawh baly, Tameuh my nang ai padei ai nai dawn yb nai vai ly kai pany bo,” nanai thui chum baly sai py katheu y naimy awm pypy bo.

SAM 37:3

Areng ai ym naimy kahawi so ly pri y chymme naimy awm ba.

Parip nai leu 9:16

Tau cheng naira ly tlang atho tleaung y hawi keh, nanai kai ly avawrei thui nai ne. Na i py huni khumi kamawn ly tau cheng naira awm, nanai ami py athang khai y, ni i thui nai leu ai py tahm khai u y.

JEREMIA 41:16

Kedalia ai padei nai bo y Mizapa mary i Ismaela my langheng palawn iy, hawi nai tavaimi risachi, neampachychi, deaungdichi hawi, tlip chum naichi ai Johanan hawi ni i tavaimichi my kry nai ne.

JEREMIA 42:21

Vai ly nangchi teng y kang thui pi chum veng bo. Na i py nangchi ly nangmychi i Areng Tameuh my kai ai pato iy, thui hai nai leu pei nai ngiereichi akhi u nai ne.

JEREMIA 42:8

Hunai deaungkho y kai ly Johanan ni hawi vanrei awm nai tavailu arengchi hawi, khumi bawibawichi ai kapalau bo.

JEREMIA 44:5

Na i py nangchi ly leu tangai u y, tahm py khai u y; tameuh takhrachi teng y apathyp nai hawi y nai reita ai py patlaw u y.