JEREMIA 43:3 - Khumi Common Language Bible

³ Neriah i chapo Baru ly kaichi ai Babulon chengchi my padei ai nai py, Babulon pri y hawi u thai ai nai py, nichi i kiu y kaichi ai au ai nai nang ai pachei nai bo,” napi u.

JEREMIA 43:3 Iomraidhean Croise

SAM 109:4

Kai ly nichi ai tamen nai sai patei naimy, nichi i vui chiu sa pi i py, nichi ly kai ai ka-jo hau u bo.

JEREMIA 32:12

Maseja i katu Neriah i chapo Baru i kiu y kapei pi bo. Kai ly huni sumneang akhai nai chachi ai Hanamela i mo y py, Ka-jo ka-van sa nai khala pany hai nai keung y lamai nip nai khumichi i mo y py, theaung apai theung y ateh u nai Hebrai chengchi i mo y py, Baru teng y kapei pi.

JEREMIA 36:10

Huna nai khala y Baru ly cha aeangra i, kaimy labeaung mang thui pi nai ngiereichi ai, Achura yhm theung y awm nai khumichi thai pajau nai meingtym mang phain pi bo. Ni ly Kemaria i chapo, samrang ai tau pei nai keung Shaphan i takun mang my huni cha phain pi nai ne. Huni takun ly Achura yhm katheu pa-kho kangtha kunra sahawi, salo kangtheng theung y awm nai ne.

JEREMIA 36:26

Naibaly samrang ly Azariela i chapo Seraiah, Abadela i chapo Shelemiahchi hawi vanrei, my i chapo Jeramela teng y, kai hawi kai i secretary Baru ai patiu ai nai leu pei bo. Na i py Areng ly kaini ai heu vui nai ne.

JEREMIA 36:4

Hunai deaungkho y kai ly Neriah i chapo Baru ai palau iy, mymy ly Areng i leu pei nai ngiereichi tajiu typ ai nai labeaung mang thui pi nai ne. Baru my py cha aeang hareira y tajiu typ bo.

JEREMIA 38:4

Naibaly bangtangchi ly samrang teng y, “Hini khumi ai padei i naini hawi ai. Ni ly hini leuchi thui nai deaungkho y, mary theung i tavaimi risachi ai atho di hai bo. Mary theung y awm rai nai khumi bawibawichi py, hinai kamta lawm hai bo. Ni ly khumichi hawi ai nai hau y, hawi y naira naini hau khyh,” napi u.

JEREMIA 43:6

neampacho, neampachy, deaungdichi hawi samrang i chaniuchi napi nai khumi bawibawichi ai py, Kedalia i kiu y Nebuzaradan my au nai kai hawi Baru napi nai khumi bawibawichi ai py, hawi pawn nai ne.

LUKA 6:26

“Khumi bawibawichi my ang palo nai khala y nangchi ly taham si! Hunai kamta nichi i amsi sangumchi ly tapawp nai amochi i tlang tleaung y sa nai ly.