JEREMIA 42:4 - Khumi Common Language Bible

⁴ Kaimy py, “Hawi mang; nangchi i takeng nai kamta achi i Areng Tameuh teng y chiu sa pi ai. Naibaly mymy i leu pei nai ngiereichi ai apha y naimy kang thui pi be ai,” napi.

JEREMIA 42:4 Iomraidhean Croise

SAM 40:10

Kai ly atleu nai satang thui y ai nai am-yh pajau y; Nang i ka-ym awm nai satang hawi, sabawm nai satang ai avawrei kathui nai ne. Nang i khumi bawibawichi achu naira y, kai ly nang i ka-ym awm nai satang hawi, khaw parai nai tamen naira satangchi apha y ai.

THEU NAI 8:29

Mosi my, “Khawndam ly nang hawi nang i bangtangchi, nang i khumichi teng i pathauchi tama ai nai vai, nang teng i nai theu phai theu baly Areng teng chiu kang sa pi ai. Na i py nang ly kaichi ai tapawp bi moh, Areng teng y apathyp ai nai molam chei ai i paka bi moh,” napi.

JEREMIA 23:28

Amang amang nai amo ly my i niu nai ly amang teu y, nanai thui ai nai avo khyp. Na i py kai i leu pei nai thai nai amo ly huni leu pei nai ai meitang khyp naimy thui pi ai nai tla. Chohnei hawi pata baly choh ali ly ati hawi naira awm mo?

JEREMIA 23:35

Nichi huna nai thui ai nai tleaung y ly mychi i ahawichi hawi suibang ka-meaung teng y, ‘Areng my ati pathang pi mo? Areng my ati leu pei mo?’ nanai adeng ahui u ai nai tla.

JEREMIA 26:2

Areng ly hina nai leu ang pei. “Achura yhm apai theung y angdo iy, huni meingtym y Juda marychira i dengdairei Areng i yhm y chiu ai nai ang jeu u nai khumichi teng y, kai i leu pei naichi thui pi. Leu sairei py takhawi moh.

Ezekiela 2:7

Nichi tangai i py ne sy, tangai y i py ne sy, kai i leu pei nai ngiereichi thui pi ai nai tla. Nichi ly atiu ham, nanai pany jo ba.

AMTAW 20:20

huna nai chawn ai nai leu thui ai nai ly kai nanghi teng y ati sai py avaw y leang, khumi humchi theung y hawi, yhm tleirei y kai i patiu reng nai ly.

AMTAW 20:27

Ati mana nai mo nabaly Tameuh i kangai bawibawi ly nangchi teng y avaw y naimy kang thui pi nai bo.

ROM AVANGCHI TENG Y PAWLA I CHA PA NAI 10:1

Amjo amnauchi awi, kai i paleung i kangai hawi mymychi i vui y Tameuh teng y chiu kasa pi nai ly, nichi ly hengra nga u thai ai nai ne.

1 SAMUELA 12:23

Kai ly nangchi i vui chiu so pi y nai awm vai y leang; huni molam y Areng my pajeng moh sy; kai ly nangchi ai hawi naira naini kang thui pi ai.